JEREMIA 44:3 - Pathien Lekhabu Inthieng (BSI)

³ lunginsennaa mi chawktho dingin an thlatuhaiin amanih, anni ngei khawma an hriet lohai pathien danghai chu an rawng bâwl ding le, an kuoma riminhnik raw dinga an fe a, chuong khawhlonahai an thawna lei chun,

JEREMIA 44:3 ပူးပေါင်းရင်းမြစ်များ

NEHEMIA 9:33

Iengkhawm ni sienla kan chunga thil hung tlung po poa hin, nang chu i fel a; nang chun indiktakin thil i thaw a, keini ruok chun ṭha naw takin kan thaw a nih;

ISAI 3:8

A ropuina mit chu suknuor dinga an ṭawng le an thilthawhai chu Lalpa do tieng a ni leiin Jerusalem chu a se zo a, Judahai chu an tlu zo tah a nih.

JEREMIA 11:17

Sipaihai Lalpa, nangni phuntu cheu chun Israel sûngkuo le Juda sûngkuoin Baal hmaa riminhnikhai inhlân a, mi suklungsen dinga anni ta dinga thilsuol an lo thaw ta leiin i chungah thil ṭha naw chu a hril lang tah a nih.

JEREMIA 16:10

“Chun, hieng thuhai po po hi hieng mihai kuoma hin în entir pha chun i kuoma chun ‘Iengleiin am hieng thil ṭha naw nasatakhai hi kan chungah Lalpa chun a hung sâksuok am a na? Annawleh, ieng am a na kan khawhlona chu? Lalpa kan Pathien chunga kan lo thaw tah, kan suolna chu ieng am a na?’ tîng an ta;

JEREMIA 22:9

Chun, anni chun, “Lalpa an Pathien thuthlung chu an nghatsan a, pathien danghai an biek a, an rawng an bâwl leiin a nih,” tiin dawn an tih.

JEREMIA 29:19

anni chun ka thu an ngai naw leiin, Lalpa chun a tih; inhmataka thoa anni tirin, ka siehlaw zâwlneihai chu an kuomah ka tir a; nisienlakhawm, anni chu in lo ngai si nawh, Lalpa chun a tih.

JEREMIA 32:30

An naupang laia inthawk tah Juda mihai le Israel mihai hin ka mithmuah thil suol chu an lo thaw hlak si a; Israel mihai chun an kut sinthawhai chun an mi lo suklungsen si a, Lalpa chun a tih.

JEREMIA 44:23

Riminhnik chu in raw leiin, Lalpa chungah in lo suksuol ta leiin, Lalpa râwl chu in ngai naw a, a dân khawm in hraw naw a, a thuruothaia le, a thu inhriettirahai chun in um bawk naw a; chuleiin, vawisûn nia a um ang hin, hieng thil ṭha nawhai hi in chungah a hung tlung a ni hi,” tiin.

JEREMIA 44:8

chuongahai chun in kut sinthawhai chun in mi suklungsen a, in va mikhuolna tiengahai chun Aigupta rama pathien danghai kuoma chun riminhnik dâm in raw a; chuong chu hi hnuoia hnam po pohai laia thusekawk le, ṭawngsephur le, sâtthlâk in ni theina ding chau a ni naw am a nih?

JEREMIA 5:19

Chun, i mihaiin, “Iengdinga Lalpa ei Pathien chun ei chungah hienghai hi a thaw am a na?” an ti pha chun, hieng ang hin anni chu dawn i tih, “Kei in mi lo nghatsan a, in rama chun pathien danglamhai rawng chu in lo bâwl ta ang khan, ram in ta ni ngai lova chun mi hmêlmakhai rawng chu in bâwl ding a nih,” tiin.

JEREMIA 5:29

Hieng thilhai lei hin ka hung hrem naw ding am a nih? Lalpa chun a tih; hnam hieng ang chunga hin ka thlarau chun phuba a lâk naw ding am a nih?

JEREMIA 7:19

Kei chu an mi suklungsen am a nih? Lalpa chun a tih; an inzakna dingin, anni le anni chu an insuklungsen a ni nâwm a nih?

ṬAP HLA 1:8

Jerusalem chu lungngaithlâktak elin a lo suol ta a; chuleiin, thil thieng naw ang a hung ni ta a; A saruokna chu an hmu leiin, ama lo inza hlaktuhai po po khawm khan an hmusit ta a; Anih, ân rûm a, nawtieng a ngha a.

ṬAP HLA 4:13

A zâwlneihai suolnahai le a thiempuhai khawhlona, A sûnga mi fel thisen an insuona lei khan a nih.

EZEKIEL 9:9

Chun, ama chun ka kuomah, “Juda le Israel sûngkaw suolna chu a nasa êm êm a, ram chu thisenin a sip a, khawpui sûng chu rorêlna pawisak nawnain a sip a, ‘Lalpa chun ram hi a nghatsan ta a, Lalpa chun a hmu nawh,’ an ti si a.

DANIEL 9:5

kan lo suol ta a, indiklotakin kan lo thaw ta a; khawhlotakin kan lo thaw ta a, kan lo hel ta a; i rorêlnahai le thupêkhaia inthawka lo inher hmangin;

DÂN PAHNINA 13:6

“I unaupa, in pa naupa amanih, in nu naupa amanih, i naupa amanih, i naunu amanih, i nuhmei pawmlai amanih, i ruol ṭhatak khawmin a rûkin, “Pathien dang rawng bâwl ei tiu khai’ tia nang amanih, in thlatuhai la hriet naw,

DÂN PAHNINA 29:25

Chuongchun, mîn, ‘Aigupta rama inthawk a ṭhuoi suok laia a thuthlung, Lalpa an pi le pu Pathien chu an nghatsan a,

DÂN PAHNINA 29:26

pathien dang, an hriet naw pathienhai, amân a ruotpêk nilohai rawng chu an bâwl a, an biek lei a nih.

DÂN PAHNINA 32:17

Pathien ni lo, khawhrihai kuomah an inthâwi a, An hriet ngai naw pathienhai kuomah, Vaihnurama um chau pathien tharhai, In thlatuhai iṭi ngai lohai kuoma chun.

HEBRAIHAI 3:16

Anleh, tuhai am an na hre zing sia suknuor kha? Aigupta rama inthawka Mosie ṭhuoia suok po pohai kha an ni naw am a nih?