Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




JEREMIA 44:28 - Pathien Lekhabu Inthieng (BSI)

28 Chuong kâwlhnâma inthawka suokthlenghai, mi tlâwmte chau chu Aigupta rama inthawk chun Juda rama chun hung kîr nâwk an tih; chuongchun, va mikhuol dinga Aigupta rama Juda la um sun va fehai po po khan, keia thu am a ni, anni thu a ieng am a dingchang lema ti hre tâng an tih.

အခန်းကိုကြည့်ပါ။ ကော်ပီ




JEREMIA 44:28
20 ပူးပေါင်းရင်းမြစ်များ  

Lalpa remruot ruok chu kumkhuoin um det a ta, A lungrila a ngaituohai chu suon po po chenin umdet a tih.


A rampuia thing la um sunhai chu naupang ziek khawp chaua tlâwm ni tâng a tih.


I mi Israelhai chu tuisuoriet phaiphin zâtin um hai sien khawm, a la um sunhai chau chu an kîr nâwk ding a ni si a; felna luong liemna suksietna chu tlung dinga ruot tlat a nih.


Va mikhuol dinga Aiguptaa fe dinga an hmaihai innghat chie chuong mihai po po chu chuong ang chu nîng an tih; kâwlhnâmah thîng an ta; ṭâm le hripuia leh; an chunga thil ṭha naw ka hung intlungtir dinga inthawk chun tukhawm suokthlengin amanih, tukhawm um zing naw ni hai.


Hripui le ṭâmna le kâwlhnâma Jerusalem ka hrem ang bawk khan Aigupta rama chênghai chu ka hrem ding a ni si a;


chuongchun, Juda la um sun, va mikhuol dinga Aigupta rama va fehai chu tukhawm, Juda ram hung kîr nâwka chêng an inhâwkna rama hung kîr nâwk ding hin suokthleng naw ni hai a, um zing bawk naw ni hai; a suokthlenghai ti chau naw chu tukhawm an hung kîr nâwk âwm si naw a,” tiin.


Chun, hi hi in ta dinga inchikna nîng a tih, Lalpa chun a tih: thil ṭha naw tienga dingin ka thu chu a dingchang ngei a nih ti in hriet theina dingin hi hmuna hin ka hrem ding cheu a nih.


“Nangni kâwlhnâma inthawka suokthlenghai, fe unla, ngîr ṭawk ṭawk naw ro, hlataka inthawk chun Lalpa chu hre zing unla, Jerusalem chu in lungrilah in hungtir hlak ro.


Amiruokchu, ṭhenkhat la hlâng ka ta, ramhaia sukdara in um pha chun, hnamhai laia chun ṭhenkhat chun kâwlhnâm chu pumpel in tih.


Amiruokchu, ka thuhai le ka thuruothai, ka siehlaw zâwlneihai thu ka ipêkhai chu, chuonghai chun in thlatuhai chu an hnawtphâk tah ni lo am a nih? Anni chu an ngha kîr a, ‘ei thilthawhai ang pei le, ei um dân ang peia sipaihai Lalpain ei chunga thaw dinga a ngaituo angtakin, chuong angtak chun ei chungah a thaw a ni hi,’ an ti a,” tiin.


Chun, Mosiein, “Tluongtlungna ni naw ni ti hriet zing sain iengdinga Lalpa thupêk in bawsiet ding am a na?


Hnuoi le vân bo a ta, ka thu ruok chu bo naw ni.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ