JEREMIA 44:27 - Pathien Lekhabu Inthieng (BSI)

²⁷ Ngai ta u, thil ṭha tiengah ni lovin, thil ṭha naw tienga dingin anni chu ka enkai dêk a nih: Aigupta rama Juda mi um po pohai chu, an ram dêr hmakhat chun, ṭâmna dâm le kâwlhnâm dâma anni chu sukbohmang nîng an tih.

JEREMIA 44:27 ပူးပေါင်းရင်းမြစ်များ

2 LALHAI 21:14

Chun, ka rochan a la um sunhai chu pei thlâng ka ta, an hmêlmahai kutah pêng ka ta; an hmêlmahai po po man ding le râllâk ding nîng an tih,

JEREMIA 1:10

En ta, vawisûn hin, hnamhai chunga le ramhai chunga chun, Hrukbit ding le, sukchim ding le, Sukse ding le, Pei thla ding le, bâwl ding le Phun dingin ka sie ta che a nih,” a ta.

JEREMIA 21:10

Thil ṭha tiengah ni lovin, thil ṭha naw tiengah hi khawpui chunga hin ka hmai kân nghat ta si a, Lalpa chun a tih: Babulon lal kuta pêk nîng a ta, ama chun meiin râwng a tih.

JEREMIA 31:28

Chun, anni chu hmalthla ding le, sukchim ding le, peithla ding le, sukse ding le, sukrinum dinga ka enkai zing ang khan, chuong ang bawk chun, anni chu bâwl ding le phun dingin enkai zing ka tih, Lalpa chun a tih.

JEREMIA 39:16

“Fe la, Ethiopia mi Ebedmelek kuoma khan hieng hin va hril rawh, Sipaihai Lalpa, Israel Pathien chun hieng hin a tih: Ngai ta, thil ṭha tiengah ni lovin, thil ṭha naw tiengah hi khawpui chunga hin ka thuhai chu ka hung intlungtir ding a nih; chun, chu nia chun nanga hmaa chun sukkim nîng an tih.

JEREMIA 42:16

hieng hi hung nîng a tih: chu Aigupta rama chun kâwlhnâm in ṭi hlak khan hung hnawt phâk a ti cheu a, ṭâm in iṭi khan chu Aigupta rama chun a hung hnawt rak rak ding cheu a nih; chuongchun, chutaka chun thîng in tih.

JEREMIA 44:12

Juda la um sunhai chu ṭhuoi ka ta, chutaka va mikhuol dinga Aigupta ram tieng an hmai innghathai chu; chun, anni chu bohmang vawng an ta, Aigupta rama chun tlûng an ta; ṭâmna le kâwlhnâmin anni chu sukbohmang nîng an tih; thîng an ta, a chîn taka inthawka a lien tak chenin kâwlhnâm le ṭâmin thîng an tih; chuongchun, anni chu hnâwmhnawk le, makti ding le, ṭawngsephur le ṭawngsekawk nîng an tih.

JEREMIA 44:13

Hripui le ṭâmna le kâwlhnâma Jerusalem ka hrem ang bawk khan Aigupta rama chênghai chu ka hrem ding a ni si a;

JEREMIA 44:14

chuongchun, Juda la um sun, va mikhuol dinga Aigupta rama va fehai chu tukhawm, Juda ram hung kîr nâwka chêng an inhâwkna rama hung kîr nâwk ding hin suokthleng naw ni hai a, um zing bawk naw ni hai; a suokthlenghai ti chau naw chu tukhawm an hung kîr nâwk âwm si naw a,” tiin.

JEREMIA 44:18

Amiruokchu, hi vân lalnu kuoma riminhnik raw kan mâka, dâwnmi thilinhlân buok kan mâk china chu thil iengkim kan tlasamin, ṭâmna le kâwlhnâmin a mi sukbohmang zo a ni ta hi.

JEREMIA 9:15

chuleiin, sipaihai Lalpa Israel Pathien chun hieng hin a tih: Ngai ta, hi hnam hi, anni ngei hi sairam khâin vai ka ta, tûr pawl tui dâwn dingin pêng ka tih.

JEREMIA 9:16

An thlatuhai le anni khawma an hriet ngailo hnamhai laia chun sukdar ka ta; anni chu ka sukbohmang vawng hmakhat chun an hnungah kâwlhnâm tir ka tih.

EZEKIEL 5:12

Nanga hmun thuma ṭhea hmun khat chu hripuiin thîng an ta, i sûnga chun ṭâmnaa fâkzoin um an tih; chun, hmun thuma ṭhea hmun khat chu i vêla chun kâwlhnâmah tlûng an ta; chun, a hmun thuma ṭhea hmun khat dang chu the dar ka ta, an hnunga chun kâwlhnâm keidawk ka tih.

EZEKIEL 7:6

Tâwpna a hung tlung a, tâwpna chu a hung tlung tah; i chunga chun a hung tho a, ngai ta, a hung a nih.

DANIEL 9:14

Chuleiin, Lalpa chun thil ṭha naw chu a hmu zing a, kan chungah a hung intlungtir tah a nih; Lalpa kan Pathien chu a sinthaw a thawhai po poa chun a fel a nih, keini ruok chun a râwl chu kan awi naw a.

AMOS 9:8

Ngai ta u, Lalpa Pathien mit chu ram suol chungah a fu a; chun, hnuoi chunga inthawkin sukbo ka ta; amiruokchu, Jakob sûngkuohai chu sukse vawng naw ning,” a ta.