JEREMIA 44:26 - Pathien Lekhabu Inthieng (BSI)

²⁶ Chuleiin, Aigupta rama Juda chêng po pohai, Lalpa thu chu lo ngai ta u: Ngai ta u, ‘Lalpa Pathien chu a hring zing angin,’ tiin, Aigupta ram po poa Juda mi tukhawm baua chun ka hming chu lam a ni ta nawna dingin, ka hming ropuitak chu sâlin ṭawng kân khâm a nih, Lalpa chun a tih.

JEREMIA 44:26 ပူးပေါင်းရင်းမြစ်များ

INṬANNA 22:16

“Lalpa chun,‘Mâni le mâni insâlin kân khâm a nih: Hi thil hi i thaw ta lei le, i naupa, i nei sun khawm chu în ro naw leiin

INPÂKNA HLABU 50:16

Mi rilo kuoma ruok chun Pathienin, “Ka thuruothai hrilsuok theina i nei am a nih? Annawleh, ka thuthlung hi iengtiziea i baua sâm am i ni a?

INPÂKNA HLABU 89:34

Ka thuthlung chu bawse naw ning a, Ka hmûra thu suok chu sukdanglam bawk naw ning.

ISAI 62:8

Lalpa chu a changtieng le a bân hrâttak sâlin ṭawng ân khâm ta a, “I bu chu nangma dotuhai bu dingin pe nâwk ta dêr naw ningah a, ram dang mihaiin i them suok uoin chu dâwn nâwk ta naw ni hai:

JEREMIA 22:5

Nisienlakhawm, hieng thuhai hi in ngai naw chun, Lalpa chun a tih: keima ngei insâlin kân khâm a, hi in hi rausan ni ngei a tih.

JEREMIA 24:8

Chun, theichang ṭha nawhai, fâk thei lo khawp hiela siehai ang chun, Juda ram lal Zedekia le, a lalhai le, Jerusalema la mahlahai, hi rama la chênghai le chun, Aigupta rama chênghai po po le chun nghatsan ka tih, Lalpa chun a tih;

JEREMIA 4:2

chuongchun, nang chun, ‘Lalpa chu a hring zing angin, thudikah, rorêlnaah, felnaah, hnamhai chu amaa chun engthâwl an ta, amaa chun chawimawiin um an tih,’ tiin ṭawng inkhâm i ta.”

JEREMIA 44:11

Chuleiin, sipaihai Lalpa, Israel Pathien chun hieng hin a tih: Ngai ta u, Juda po po sât thla ding cheuin, a se tiengah in kuom tieng ka hmai kân nghat cheu a nih.

JEREMIA 44:14

chuongchun, Juda la um sun, va mikhuol dinga Aigupta rama va fehai chu tukhawm, Juda ram hung kîr nâwka chêng an inhâwkna rama hung kîr nâwk ding hin suokthleng naw ni hai a, um zing bawk naw ni hai; a suokthlenghai ti chau naw chu tukhawm an hung kîr nâwk âwm si naw a,” tiin.

JEREMIA 44:24

Chu nawa khawm chun Jeremia chun mipuihai po po kuoma le nuhmeihai kuoma chun, “Aigupta rama Juda um po pohai, Lalpa thu chu lo ngai ta u;

JEREMIA 46:18

Laltak a hming khawm sipaihai Lalpa chun, ka hring zing angin; tuisuoriet panga Karmel ang le, tlânghai laia Tabor tlâng angin, ama chu hung ngei ngei a tih.

JEREMIA 49:13

Keima insâlin kân khâm ta si a, Lalpa chun a tih: Bozra chu makti ding el nîng a ta, thusekawk, suksieta um, ṭawngsephur nîng a tih; chun, chutaka khawpuihai po po chu kumkhuoa sie ni bawk an tih.

JEREMIA 5:2

“Lalpa chu a hring zing angin,” an ti dea chu, inkhêl letdêra inkhâm el an nih.

JEREMIA 51:14

Sipaihai Lalpa chun, ‘Matheiloâin, leiṭha ang elin, mihriemin hung suksip ngei ngei ka ti che a, chun, i chunga chun hung khêk khum an ti che,’ tiin ama le ama insâlin a lo inkhâm ta a.

JEREMIA 7:9

Inruin, tuolthatin, uirein, khêla inkhâmin, Baal hmaa chun riminhnik rawin pathien in hriet nawhai chu zuiin,

EZEKIEL 20:39

Nangni ta ding chun, Aw Israel sûngkuo, Lalpa Pathien chun hieng hin a tih: Fe unla, ka thu in ngai si naw ding chun mi tinin tuhin le hi hnunga khawm, a milimhai rawng chu va bâwl el raw se chu; amiruokchu, ka hming inthieng chu in thilpêkhai le in milimhai chun sukhmingsie ngai ta naw ti niu.

HOSEA 4:15

Israel, nang chun nawchizawr chîng la khawm, Juda chu tlu ve lul naw raw se. Gilgala chun hung naw unla, Beth-avena khawm hang fe naw ro; “Lalpa a hring zing angin” tiin inkhâm bawk naw ro.

AMOS 6:10

Chun, mithi sungkuo hnai an ruonghai râwtu ding ruonghai inhlawm dinga chu ina hung chun, insungrila mi pakhat kuomah chun, “I kuomah a dang an la um am?” tîng a ta. Ama chun, “an um ta nawh” tîng a ta. Chun ama chun, “To zing rawh, Lalpa hming chu ei sâm ding a ni si naw a,” la tîng a tih.

AMOS 6:8

Lalpa, sipaihai Pathien chun, Lalpa Pathien chun ama le ama insâlin ṭawng ân khâm a: “Jakob chapona chu ka tirdak a, a lal inhai ka theida a; chuleiin, khuo le a sûnga um po pohai chu kân mantir ding a nih,” tiin.

AMOS 8:7

Lalpa chun Jakob ropuina sâlin ṭawng ân khâm a, “Matheilovin, an sinthaw hrim hrim theinghil dêr naw ning ah,” tiin.

NAMBAR 14:28

An kuomah, ‘ka hringna sâlin ka hril a nih, ka na hriet ngeia in hril angtakin in chungah thâwng ka ta; in ruonghai chu thlalêra hin um a ta;

HEBRAIHAI 3:18

Chun, thuawi nawhai kuoma chau naw chun tu kuom âm a châwlnaa lût naw dingin inkhâmin a tiem a?

HEBRAIHAI 6:13

Pathienin Abraham kuoma thu a hung tiem lai khan, ama nêka ropui lem sâlin ân khâm thei naw leiin ama le ama insâlin,

HEBRAIHAI 6:18

Pathien inkhêl ruol a ni nawna, thil danglam thei naw pahni leiin, eini, insanhimna dinga ei hmaa beiseina um chel dinga tlânhai infuina nasatak ei nei theina dingin.