JEREMIA 44:22 - Pathien Lekhabu Inthieng (BSI)

²² Thil tirdakum in thawhai lei le, in thilthawhai suol lei chun Lalpa chun a tuor pei ta naw a; vawisûn ni ang chen khawma a ni ang sawn, in ram chu râusan le, maktia um le, ṭawngsekawk, hluotu um lo a lo ni ta kha.

JEREMIA 44:22 ပူးပေါင်းရင်းမြစ်များ

INṬANNA 19:13

Lalpa hmaa chun an khêkri chu a lo nasa ta hle leiin hi khuo hi kan sukbohmang ding a nih; sukbohmang dingin Lalpa chun a mi tir bawk si a,” an ti a.

INṬANNA 6:3

Chun, Lalpa chun, “Ka thlarau chu thi thei mihriema chun chêng kumkhuo naw nih; anni chu tisa el an ni si a, chuongchun, an dam sûng kum khawm kum za le sawmhni ni raw se,” a ta.

2 LALHAI 17:15

Chun, a thuruothai, an pi le puhai kuoma a thuthlunghai, an kuoma thu inhriettirhai chu an pawisa nuom naw a; thil teplo mei mei an pawm a, teplo mei mei an hung ni ta a; an chungchâng thua Lalpain, “Anni ang chun thaw naw ro,” a lo ti tah, an kâwl vêla hnamhai thaw dân chu an lâk ve a.

ISAI 1:24

Chuleiin, Lalpa, Sipaihai Lalpa, Israelhai Mi Hrât chun, hieng ang hin a hril a nih: “A! A mi dotuhai hi sukfithla el ka ta, ka hmêlmahai chungah phuba lâng ka tih:

ISAI 43:24

Mafu hrim hrim tangkain in mîn châwkpêk ngai naw a, in inthâwina thâuhaiin in mi sukkhawp ngai bawk nawh; in suolna phur sinhai in mîn thawtir lem a, in khawhlonahaiin nangnîn in mi suksâwl tah a nih.

ISAI 7:13

Chun, ama chun, “Aw David sûnghai, tuhin lo ngai ta u, mihriem suksâwl hi thil chiretekah in ruot a ni maw? Ka Pathien chen khawm suksâwl in nuom rawp hi.

JEREMIA 15:6

Nang chun i mi lo hnâwl ta a, Lalpa chun a tih: hnungtieng i lo fe ta a; chuleiin, i chungah ka kut kân let a, ka suksiet che a nih; lunginsietna inlangtir hi ka nghawk ta a nih.

JEREMIA 18:16

an ram chu makti dinga siem ding le, hahîpa siem dingin; mi tin chu fe khêl taphawt chun maktîng an ta, an lu thin an tih.

JEREMIA 21:12

Aw David sûngkuo, Lalpa chun hieng hin a tih: Zîngtieng chun rorêlna chu tirsuok la, nêksâwrtu kuta inthawk chun suksieta um chu sansuok la; chuong naw chun, in thilthawhai rîtlo leiin, mei angin ka lunginsenna chu fe suok a ta, tukhawm ṭhel ruol lovin chawk a tih.

JEREMIA 23:2

Chuleiin, Lalpa Israelhai Pathien chun, ka mihai châwmtu berâmpuhai chungthua chun hieng hin a hril: Ka berâm ruolhai chu in hnawt dar a, in khal hmang tâwl ta a, anni chu in va sir ngai bawk naw a; ngai ta u, in thilthaw rilohai chun ka hung sir ding cheu a nih, Lalpa chun a tih.

JEREMIA 24:9

anni chu thil ṭha nawa hnungtieng hmatienga sukṭita um dingin hnuoia lalram po pohai lai chun pe suok ka tih; ṭawngsekawk le, thuvara le hrânghla le inkhâmna ni dingin, anni ka hnawt suokna ding hmun po poahai chun pe suok ka tih.

JEREMIA 25:11

Chuongchun, hi ram pumpui hi rausan le maktiah um a ta; chun, hnamhai chun kum sâwmsari sûng Babulon lal rawng chu bâwl an tih.

JEREMIA 25:18

Chuong chu hieng Jerusalem le Juda khawpuihai le a sûnga lalhai le rorêltuhai chu, vawisûn ni anga hi, anni chu râusan le maktia le, incheknaa le, ṭawngsephura siem dingin;

JEREMIA 25:38

Sakeibaknei angin a chîmbuk a mâksan a, a lunginsen ṭiumna lei le, nêksâwrna kâwlhnâm ṭiumna lei chun an ram chu a se zo ta si a.

JEREMIA 26:6

chuongchun, hi in hi Silo angah siem ka ta, hi khawpui hi hnuoia hnam po pohai ṭawngse hnâwknaah siem bawk ka tih,” tiin.

JEREMIA 29:18

Chun, anni chu kâwlhnâm le ṭâm le hriin hnawt ka ta, anni ka tir hmangna tieng hnamhai po po laia chun thusekawk ding le, inchekna ding le, makti ding le, mi ṭawngdâwng dingin hnuoia lalram po po laia hnungtieng hmatienga nawrlênga um dingin pe suok ka tih;

JEREMIA 29:19

anni chun ka thu an ngai naw leiin, Lalpa chun a tih; inhmataka thoa anni tirin, ka siehlaw zâwlneihai chu an kuomah ka tir a; nisienlakhawm, anni chu in lo ngai si nawh, Lalpa chun a tih.

JEREMIA 30:14

Nangma hmangaituhai po po che hlaka an theinghil che a; an zawng ta naw che a: mi rilo hremna le hmêlma inhliemna chun kân hliem si che a, i suolnahai an pung pei lei chun i khawhlona chu a nasa hle si a.

JEREMIA 34:22

Ngai ta u, thu pêng ka ta, hi khawpuia hin hung inkîrtir ka tih; Lalpa chun a tih: chun, do an ta, lâng an ta, meiin râwng an tih; chuongchun, Juda khawpuihai chu hluotu um lova râusanah siem ka tih,” tiin.

JEREMIA 4:4

Lalpa kuoma chun ser intan unla, in lungril ser chu tan ro, nangni Jerusalema mihai le, Juda rama mihai; chuong naw chun ka lunginsenna chu mei angin fe suok a ta, i thilthawhai rîtlona lei chun; tukhawm iṭhel ruol lovin kâng a tih.

JEREMIA 42:18

Sipaihai Lalpa Israel Pathien chun hieng hin a ti si a: Jerusalem hluotuhai chunga ka lunginsenna le ka ṭiumna bunthlâka a um ang khan; Aigupta rama in lût pha chun ka ṭiumna chu in chunga chun bunthlâk ni vêng a tih; chuongchun, hnâwmhnawk le, makti ding le, ṭawngsephur le, thusekawk nîng in ta, hi hmun hi hmu nâwk ta ngai naw ti niu.

JEREMIA 44:12

Juda la um sunhai chu ṭhuoi ka ta, chutaka va mikhuol dinga Aigupta ram tieng an hmai innghathai chu; chun, anni chu bohmang vawng an ta, Aigupta rama chun tlûng an ta; ṭâmna le kâwlhnâmin anni chu sukbohmang nîng an tih; thîng an ta, a chîn taka inthawka a lien tak chenin kâwlhnâm le ṭâmin thîng an tih; chuongchun, anni chu hnâwmhnawk le, makti ding le, ṭawngsephur le ṭawngsekawk nîng an tih.

JEREMIA 44:2

“Sipaihai Lalpa, Israel Pathien chun hieng hin a tih: Juda ram khawpuihai le Jerusalem chunga thil ṭhanaw ka hung intlungtirhai po po kha in hmu a, en ta u, vawisûn ang dâm hin râusanin a um a,a sûnga chêng mi tukhawm an um nawh;

JEREMIA 44:6

Chuleiin, ka lunginsenna le ṭîumna chu Jerusalem kawtthlêrhaia le Juda ram khawpuihai chunga chun bunthlâkin a um a, mûtchawkin a um ta a ni kha; chuongchun, vawisûn ni chena an ni angin, suksiet le râusan an ni ta a.

JEREMIA 48:9

Moab kuoma chun a vuong hmang theina dingin thlahai pe la: a khawpuihai chu râusan a ni ding a na, mi a chêng hrim hrim um lovin.

JEREMIA 5:9

Hieng thilhai lei hin ka hung hrem naw ding am a nih? Lalpa chun a tih; ka thlarau chun hieng ang hnam chunga hin phuba a lâk naw ding am a nih?

EZEKIEL 39:23

Chun, hnamhai chun Israel sûngkuo chu an suol leia sala intâng an nih ti hrieng an ta; ka chungah an lo bawsiet ta a, kei khawma ka hmai ka thuppêk bawk leiin; chuongchun, an hmêlmahai kutah anni chu ka pêk a, an rêng el chun kâwlhnâma chun an lo tlu ta a.

EZEKIEL 5:13

“Chuongchun, ka lunginsenna chu sukpuitling ni tâng a ta, ka lung inthakna chu an chunga chun suktlai tâng ka ta, inhawi ti tâng ka tih; chun, an chunga ka lung inthakna ka sukpuitling pha chun kei Lalpa hin ṭhahnemngaia ka lo hril a ni ti hre tâng an tih.

DANIEL 9:11

Anih, Israel mihai po po chun i râwl chu awi lo dinga inherhmangin i Dân chu an lo bawsiet ta a; chuleiin, ṭawngsie chu kan chungah, Pathien siehlaw Mosie dâna inkhâmna zieka um le chun buokin a um ta a; chuonga chun thil kan lo suksuol ta si a.

DANIEL 9:12

Kan chungah thil ṭha naw chu intlungtirin, keini le kan rorêltuhai, kan chunga rorêltuhai chungah a thu a hrilhai chu a hung sukdet ta a; Jerusalem khaw chunga thaw a ni ta ang hin vân hnuoi po po khâwlai khawm thaw a ni ngai si naw a.

AMOS 2:13

Ngai ta u, buphala sip, tawlailîr ichîl angin in hmuna khan chîl ka ti cheu.

MALAKI 2:17

In thuhai chun Lalpa chu in suksâwl a. Anachu, “Khâwlai am ama chu kan suksâwl a?” in ta. Chutaka bawk chun, “Mi tukhawm thil suol thaw chu Lalpa mithmua chun ṭha a na, anni chunga chun a lâwm a; amanih, rorêlna Pathien chu khâwlai am a um a?” in ti bawk a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:22

Lunginsenna bêl bohmang tlâkhai chunga chun, Pathienin a lunginsenna le a thilthawtheina inlangtir nuom sien khawm, a daw hrâm hrâm chun ieng am pawi a ta?