JEREMIA 44:17 - Pathien Lekhabu Inthieng (BSI)

¹⁷ Amiruokchu, kan baua thu suok po pohai, vâna lalnu kuoma riminhnik raw ding dâm, a kuoma dâwnmi thilinhlân buok ding dâm, Jerusalem kawtthlêrhaia le Juda ramhaia, keini le kan thlatuhai le, kan lalhai le kan rorêltuhai leh kan lo thaw ta hlak ang khan thaw ngei kan tih; chuong lai chun fâk ding tinrêng kan neiin, a ṭha hlea, a sietna kan hmu nawh.

JEREMIA 44:17 ပူးပေါင်းရင်းမြစ်များ

2 LALHAI 17:16

Chun, Lalpa an Pathien thupêk po pohai chu an nghatsan a, bâwngtê lim sung pahni an siem a; chun, Asera an siem a, vâna um po po khi an biek a, Baal rawng an bâwl hlak.

2 LALHAI 22:17

an mi mâksan a, pathien danghai kuomah riminhnik an raw a, an kutsuoka an mi suklungsen leiin hi hmuna hin ka lunginsenna chu a chawk nasa ding a na, rêm el naw nih.

2 CHANCHIN SUINA 28:23

Damaska mihai, ama hung rûntuhai pathienhai chu a biek a, ama chun, “Suria lalhai pathienhaiin anni a ṭhangpui leiin, kei khawm an mi ṭhangpui theina dingin an kuomah inthâwi ka tih,” a ta. Nisienlakhawm, ama sietna le Israel ram sûng po po sietna a ni lem ta a.

NEHEMIA 9:34

kan lalhai dâm, kan mi lienhai dâm, kan thiempuhai dâm, kan pi le kan puhai khawmin i Dân chu an zâwm naw a, i thupêk le i thuinhriettir, anni i kâwknahai chu an pawm bawk nawh.

INPÂKNA HLABU 106:6

Kan thlatuhai le khan thil kan suksuol a, Thil suol kan thaw a, suoltakin kan thaw ta a.

INPÂKNA HLABU 12:4

Anni chun, “Ei lei hin hnêng ei ta, Ei hmûrhai hi eini ta ngei a ni annâwm, tu am ie ei chunga lala um chu?” an ti hlak.

FESUOKNA 16:3

Israel mihai chun an kuomah, “Aigupta rama sa bêlhai leh kan ṭhung a, bei kan dittâwka fa zing khan Lalpa kuta chun thi el inlang ni ding bah: hieng mipui po po hi phîngṭâma thi ding elin thlalêrah in mi ṭhuoi lût a ni ta hi,” an ti a.

ISAI 48:5

tienlaia inthawkin in kuomah ka hril a, a hung tlung hma khawma in kuomah kân hriettir cheu kha; chuong naw chun, “Ka milim chun a ti a nih, ka milim siem fâwm le ka milim sung chun thu a pêk a nih,” ti rawi in tih.

JEREMIA 1:16

Chun, an khawhlonahai thuah anni kalin ka rorêlnahai chu hrilsuok ka tih, kei mi mâksana, pathien danghai kuoma riminhnik raw a, an kut sinthawhai ngei chu chibai an lo bûk ta leiin.

JEREMIA 11:12

Chun, Juda khawpuihai le, Jerusalem hluotuhai chu, riminhnik an inhlânna pathienhai kuoma chun fêng an ta, ko an tih; nisienlakhawm, chuonga an buoi lai huna chun anni chu sandam ngai hrim hrim naw ni hai.

JEREMIA 18:15

Ka mihai chun an mi theinghil a, teplo kuoma chun riminhnik chu an lo raw ta si a; chun, anni chun an lampuihaia chun an insui thlûktir a, tienlaia lampuihai, lampui rûka fe dingin, lam tluongpui nilovah chun;

JEREMIA 19:13

Jerusalem inhai le Juda lalhai inhai sukpawrchea lo um tahai chu Topheth hmun ang lo ni tâng a ta, in a chunga vâna umhai po po kuoma riminhnik an lo râwna, pathienhai kuoma dâwnmi thilinhlânhai an lo bunthlâkna po pohai chu,” tiin.

JEREMIA 44:21

“Jerusalem kawtthlêrahai le, Juda rama nangni le, in thlatuhai le, in lalhai le, in rorêltuhai le, chu rama mihaiin riminhnik in raw hlak kha Lalpa chun a hriet zing nawin, a lungril khawm a hung tlung naw am a nih?

JEREMIA 44:25

sipaihai Lalpa, Israel Pathien chun hieng hin a tih: Nangni ni leh, in nuhmeihai ni leh in bauin thu in hril a, in kuthaiin in sukpuitling pei a, ‘Vân lalnu kuoma riminhnik raw ding le, a kuoma dâwnmi thilinhlânhai chu buok dingin, thutiem ei tiem tahai ei thaw ngei ding a nih,’ tiin; chuong a ni chun, in thutiem chu sukpuitling unla, in thutiemhai chu thaw ro chu!

JEREMIA 44:9

In thlatuhai khawhlona dâm, Juda ram lalhai khawhlona dâm, an nuhmeihai khawhlona dâm le nangni khawhlona dâm ngei khawm, in nuhmeihai khawhlonahai Jerusalem kawtthlêrhaia le, Juda rama an thawhai kha in hriet zing naw am a nih?

JEREMIA 7:17

Jerusalem kawtthlêrahai le Juda khawpuihaia an thawhai chu i hmu nâwm a nih?

JEREMIA 7:18

Naupanghai chun thing an inkhâwm a, pahai chun mei an sêm a, nuhmeihai chun bei an hmet a; vân lalnu ta dinga beithlum siem dingin le, lunginsennaa an mi chawktho theina dinga pathien danghai kuoma dâwnmi thilinhlânhai dâm chu bur dingin.

EZEKIEL 20:32

“In lungrila in ingaituo, ‘Thing le lung rawng bâwl dinga rambunghaia sûngkuohai le hnamhai ang nîng ei ta’ in ti ang kha hung ni tawp naw ti niu.

EZEKIEL 20:8

Nisienlakhawm, ka chungah an hel a, ka thu an ngai naw a; mi tin chun an mithmua an tirdakumnahai chu an pei thlâk naw bawk a; Aigupta milimhai khawm chu an nghatsan bawk naw a; chun, kei chun, ‘an chunga chun Aigupta ram sûnga an chunga ka lungsenna sukpuitling dingin ka lunginsenna chu ka bunthlâk ding a nih,’ ka ti a;

EZEKIEL 23:41

lal khum a hmaa dawkân buotsaia um chunga chun i ṭhung a, chu chunga chun ka riminhnikhai le ka hriek chu i sie kha.

EZEKIEL 8:16

Chun, Lalpa in tuollai sûngril lema chun a mi ṭhuoi ta a, chun, ngai ta, Lalpa biekin kawtkhâr, maichâm le a tuolpûk inkâra chun mi sâwmhni panga, Lalpa biekin chu an hnungtieng innghata, an hmaihai chu khawsak tieng nghain an um a; saktienga nisa chu chibai an bûk a.

HABAKKUK 1:16

Chuongchun, a lên kuoma chun ân thâwi a, A keihrui kuoma chun riminhnik a raw a, Anni zâra a chan chu a hung thâu a, A bu chu a hung tam leiin.

NAMBAR 30:12

Amiruokchu, a pasalin a hriet nia iengkhawm ni lova a siem a, a sukbo el chun, ân tiemna thua a bâu thu suok taphawt hai, ama ân tiemkamnahai amanih, umta naw ni a; a pasal chun a hlîp ta leiin Lalpain ama chu ngaidam a tih.

NAMBAR 30:2

Pasalin Lalpa kuomah thu ân tiemkamin amanih, a thutiema inkhuokhir dinga ân khâm chun a thu chu a bawsiet ding a ni nawh; a bâua suok ta ang po po chun a thaw ding a nih.

MARKA 6:26

Chun, lal chu a lungngai ta bêk bêk el a; nisienlakhawm, ân khâmnahai le a thlaithlêng awtpuituhai lei chun a sêl nuom naw a.

DÂN PAHNINA 23:23

In baua suok ta chu in thaw ngei ding a nih; nuomthua thilinhlân in baua in tiem Lalpa in Pathien kuoma in tiem ang peiin.

PHILIPPI 3:19

Chuonghai tâwpna chu bohmangna a nih, an Pathien chu an phîng a nih, an ropuina khawm chu an muolphona a nih, khawvêl thil an dit hlak a nih.

1 PETER 1:18

In thlatuhai ipêk sâwng, in um dân ieng ni barlova inthawk chu, thil se thei, tangka le rângkachaka intlan in ni naw a,

RORELTUHAI 11:36

Ama chun a kuomah, “Pa, Lalpa tieng i bau lo ka ta che chu, i baua thu suok ang ngeiin ka chungah i thaw el ding a nih; Lalpa chun i hmêlma Ammon mihai chunga ngei chun i phuba a lâk ta si a,” a ti a.