JEREMIA 44:16 - Pathien Lekhabu Inthieng (BSI)

¹⁶ “Lalpa hminga kan kuoma i thuhril chungthua chun, i thu chu ngai naw ning ungah.

JEREMIA 44:16 ပူးပေါင်းရင်းမြစ်များ

INPÂKNA HLABU 2:3

“An khuopnahai hi suktanin, An hruihruolhai hi ei kuoma inthawkin pei dai ei tiu,” tiin.

FESUOKNA 5:2

Pharao chun, “Israelhai infetir dinga a râwl ka ngai ding Lalpa chu tûm a na? Lalpa chu ka hriet ngai naw a, chu nawa khawm, Israelhai chu infetir naw bawk ka tih,” a ti a.

THUVARHAI 1:24

Ka ko cheu a, in ngaisak naw a, Ka bân ka pharsuok a, tukhawma in ngaisak naw a,

ISAI 3:9

An hmêl put dân hrim chun anni chu a hêk fâwm a; an suolna chu Sodom ang elin an inlangtir a, an ip nawh. An hringna chung chu a rik de! thil ṭha nawin an inthung fâwm pei si a.

JEREMIA 11:10

An thlatuhai ka thu khawm ngai nuom lohai suolna tienga chun an kîr nâwk tah a nih; an rawngbâwl dingin an pathienhai hnung chu an zui a; an thlatuhai le ka lo siem tah ka thuthlung chu Israel sûngkuo le Juda sûngkuo hin an lo bawsiet ta a ni hi.

JEREMIA 11:8

Nisienlakhawm, an awi naw a, an na khawm an sit bawk naw a, amiruokchu, mi tin chu mâni lungril ngarna ang pei chun an fe lem a; chuleiin, an chunga chun hi thuthlung thuhai po po hi ka hung intlungtir a, chuong chu thaw dingin thu ka pêk a, nisienlakhawm, an thaw naw a,’ tiin.

JEREMIA 13:10

Hi hnam suol ka thu ngai nuom lova, an lungril ngarna anga fea, an rawng bâwl dinga pathien danghai chu zuia, anni chibai bûktuhai hi hi hrên ienga khawma ṭhangkai ta lo ang hi nîng an tih.

JEREMIA 18:18

Chun, anni chun, “Hung ro khai, Jeremia chunga hin thuphierrûk phier ei tih; thiempua inthawkin dânin bo ni nei naw ni a, mi vara inthawkin thurâwn le, zâwlneia inthawka thu bo naw nih. Hung ta u, hril se bawr bawr ei ta, a thuhai chu a ieng ieng khawm chu awipêk nâwng ei tiu,” an ta.

JEREMIA 38:4

Chun, rorêltuhai chun lal kuoma chun, “Kan hni che hi, hi mipa hi sukhlum ni ngei raw se; chuong thuhai chu an kuoma hrilin, mipui po pohai kuthai, hi khawpuia indomi umhai kuthai chu a sukzuoi a nih; hi mipa hin hi hnam ṭhatna ding hi a zawng naw a, sietna ding a zawng lem a nih”, an ta.

JEREMIA 42:13

Amiruokchu, ‘Hi rama hin um zing nâwng ei tiu,’ in ti a, in Pathien Lalpa râwl chu in awi naw a,

JEREMIA 43:2

Hossia naupa Azaria hai, Karea naupa Johanan hai, mi chapo po pohai chun Jeremia kuomah thu an hril a “Thukhêl i hril dêr a nih: ‘Chutaka va mikhuol dingin, Aigupta rama chun in fe ding a ni nawh,’ ti dingin Lalpa kan Pathien chun a hung tir naw che a;

JEREMIA 44:24

Chu nawa khawm chun Jeremia chun mipuihai po po kuoma le nuhmeihai kuoma chun, “Aigupta rama Juda um po pohai, Lalpa thu chu lo ngai ta u;

JEREMIA 44:25

sipaihai Lalpa, Israel Pathien chun hieng hin a tih: Nangni ni leh, in nuhmeihai ni leh in bauin thu in hril a, in kuthaiin in sukpuitling pei a, ‘Vân lalnu kuoma riminhnik raw ding le, a kuoma dâwnmi thilinhlânhai chu buok dingin, thutiem ei tiem tahai ei thaw ngei ding a nih,’ tiin; chuong a ni chun, in thutiem chu sukpuitling unla, in thutiemhai chu thaw ro chu!

JEREMIA 6:16

Lalpa chun hieng hin a tih: Lampuiahai chun ngîr unla, en ta u, lampui ṭha hluihai chu indawn unla, “lampui ṭha chu khâw lai am a na; chu chu hraw unla, in thlarau ta dingin châwlna hmûng in tih,” tiin;

JEREMIA 8:12

Thil tirdakum an thaw lai chun inzapui an ti? An inzapui hlawl nawh; an hmai khawm a mâwk naw a, chuleiin, a tluhai laia chun tlu vêng an ta, anni chu hrem an ni huna chun, Lalpa chun a tih.

JEREMIA 8:6

Ka ngai a, ka lo hriet a, anachu, thudik an hril nâwk a, mi tukhawm, “Ieng am ka lo thaw ta leh,” tiin a khawhlonaa inthawk chun ân sîr naw a, mi tin chun mâni lampui seng an hraw a, indonaa sakawr tlân bingbilet ang chun.

DANIEL 3:15

tuhin tawtawrâwt dâm, theihle dâm, ṭingṭang dâm, rawsem dâm, perkhuong dâm, baza le rimawi tinrêng ri chu in hriet pha pha, in bawkkhupa milim ka siem chu chibai in bûk ding chun a ṭha; amiruokchu, chibai in bûk naw chun, chu dârkâr sûng ngeia chun meithuk chawklai râpthlâktaka chun peiin um in tih; ka kuta inthawka sansuok ding cheu pathien chu tu am a ni leh?” a ta.

LUKA 19:14

Nisienlakhawm, a khuohaiin an theida a, ‘Hi mipa hi kan lal dingin kan dit nawh,’ ti dingin a hnungah palai an intlântir ve a.

LUKA 19:27

Nisienlakhawm, hieng a mi dotuhai an lal dinga mi dit nawhai hi hung ṭhuoi unla, ka hmaah that ro,’ a ti a,” a ta.

1 SAMUEL 8:19

Nisienlakhawm, mipuihai chun Samuel rawl chu an ngai nuom naw a, “Ni lo e, lal kan nei ding a nih,