JEREMIA 44:10 - Pathien Lekhabu Inthieng (BSI)

¹⁰ Vawisûn ni chen khawm hin an insukhnuoi naw a, an ṭi bawk naw a, ka dân khawm chu an zâwm bawk naw a, ka thuruothai khawm chu an hraw nawh; chuong in thlatuhai le nangni hma ngeia ka lo sie tahai kha.

JEREMIA 44:10 ပူးပေါင်းရင်းမြစ်များ

1 LALHAI 21:29

“Ahab ka hmaa an ngaitlâwmzie hi i hmu am? Ka hmaa an ngaitlâwm lei hin ama dam sûng hin chu a chungah thil ṭha naw intlungtir naw ning, a naupaa inthawk ruok chun a sûnghai chungah thil ṭha naw intlungtir ka tih,” tiin.

2 LALHAI 22:19

hi hmun le a sûnga chênghai hi sukrêm le ṭawngsephurin la um an tih ti thu ka hril kha i lo hriet a, i lungril dâm a hung innêm a, Lalpa hmaa inngaitlâwm a, i puonhai i keithlêr a, ka hmaa i ṭap leiin kei khawma i thu chu ka lo hriet a, Lalpain a tih.

2 CHANCHIN SUINA 32:26

Amiruokchu, Hezekia chun a lungril chapona chu ân sîr nâwk a, ân sukhnuoi a; ama le Jerusalema umhai le chun; chuongchun, Hezekia dam sûng khan chu Lalpa lunginsenna an chunga a hung tlung ta naw a.

2 CHANCHIN SUINA 33:12

Chuongchun, rimsitaka a hung um huna chun Lalpa a Pathien chu a zawng a, a thlatuhai Pathien hmaa chun ama le ama chu nasatakin ân sukhnuoi ta a.

2 CHANCHIN SUINA 33:19

A ṭawngṭaina dâm, ama Pathienin a lo ngaisak dânhai dâm, a suolna po po le a bawsietna po po le, bâwlhmun a siemna hmunhai le, ama le ama ân sukhnuoi hmaa Asera a siem dâm le, milim ker a siemhai thu chu, ngai ta, Hozai chanchinbua chun ziek an nih.

2 CHANCHIN SUINA 34:27

hi hmun le a sûnga chênghai chungthua, thuhai chu i hriet phinga i lungril ân nêm a, nangma le nangma chu Pathien hmaa chun în sukhnuoi leiin le, i puonhai i keithlêr a, ka hmaa chun i ṭap leiin kei khawma ka hung hriet ve che a nih.

INPÂKNA HLABU 34:18

Lalpa chun lungrila lungriem ithlâkhai chu a hnai hlak a, Lungrila insîrhai po chu a sandam hlak.

INPÂKNA HLABU 51:17

Pathien dit zâwng inthawina chu thlarau lungriem ithlâk hi a na, Aw Pathien, lungril lungriem ithlâk le insîr ngawi ngawi hi hmusit naw ti nih.

INPÂKNA HLABU 78:10

Pathien thuthlung chu an zâwm naw a, A dâna um an nuom naw bawk a;

FESUOKNA 10:3

Chun, Mosie le Aron chu Pharao kuomah an va lût a, a kuomah, “Hebraihai Pathien Lalpa chun hieng hin a tih: ‘Ka hmaa insiehnuoi ieng chen am i nuom naw ding a ni a? Ka rawng an bâwl theina dingin ka mihai chu infetir rawh.

FESUOKNA 9:17

Ka mihai chunga hin nang le nang inchawimawiin, anni chu i lân fetir naw rawp ding a ni maw?

FESUOKNA 9:30

Nisienlakhawm, nang le i siehlawhai chun, Lalpa Pathien chu la ṭi chuong naw ti niu ti ka hriet a nih,” a ti a.

THUVARHAI 14:16

Mi var chun suol chu a ṭi a, a fe hmangsan hlak a, Mi invêt ruok chun chaponain a hmang a, ama ân ring tlat hlak.

THUVARHAI 16:6

Zângaina le thutak chun khawhlona chu sâwpfai a na, Lalpa ṭina leiin mihaiin suolna an zâmsan.

THUVARHAI 28:14

Lalpa ṭi zing zinga um hlak mi chu a lâwm a, A lungril sukngartu ruok chu lungngainaah tla lût a tih.

THUVARHAI 8:13

Lalpa ṭi chu suolna theidana ding a na, Chapona le, insuklienna le rîtlona kawng leh, Bau chapo hi ka theida a nih.

ISAI 42:24

Tuin am Jakobhai râllâka la dinga pe a, Israelhai inruhai kuoma pe chu? Lalpa a chunga thil ei suksuolna chun a pêk a ni naw am a nih? a lampuiahai an fe nuom si naw a, an dân thu hlak an awi si nawh.

ISAI 57:15

Mi chunghnung, chawisâng, chatuona um, a hming inthieng chun hieng ang hin a ti si a; “Kei hmun chunghnung le inthiengah ka um a, mi thuhnuoirawlhai lungril sukhar ding le insîr ngawi ngawihai lungril sukhar dingin mi lungrila insîr ngawi ngawia thuhnuoirawltak kuoma khawm ka um a nih.

ISAI 66:2

Hieng thil iengkim hi ka kutin ka siem a ni si a, chuongchun, hieng thil iengkim hi a hung um tah a nih, Lalpain a tih; amiruokchu, hi mi rimsitaka um, lungrila insîr ngawi ngawi, ka thua inthin hlaktu tieng hi en lem ka tih.

JEREMIA 10:7

Aw hnamhai Laltak, tuin am ṭi nâwng an ti che a? Nang chun i phu hrim si a, hnamhai laia mi var po po lai le, an lalram sûngahai chun, nanga ang hrim tukhawm an um nawh.

JEREMIA 26:4

Chun, an kuoma chun hieng hin tîng i ta: Lalpa chun hieng hin a tih: in hmaa ka sie ka dân chu hraw dinga ka thu in ngai naw chun,

JEREMIA 32:23

chuongchun, an hung lût a, an nei a, nisienlakhawm, i râwl chu an awi naw a, i dân khawm chu an zâwm bawk naw a; anni chun thaw dinga thu i pêkhai a iengkhawm chu an thaw naw a; chuleiin, thil ṭha naw tinrêng chu an chunga chun în tlungtir a,

JEREMIA 36:24

Anni chu an ṭi naw a, an silfênhai khawm an keithlêr bawk naw a, hieng thuhai hretu lal le a siehlawhai hrim hrim khawm chun.

JEREMIA 44:23

Riminhnik chu in raw leiin, Lalpa chungah in lo suksuol ta leiin, Lalpa râwl chu in ngai naw a, a dân khawm in hraw naw a, a thuruothaia le, a thu inhriettirahai chun in um bawk naw a; chuleiin, vawisûn nia a um ang hin, hieng thil ṭha nawhai hi in chungah a hung tlung a ni hi,” tiin.

JEREMIA 5:3

Aw Lalpa, i mit chun thudik chu a hmu a ni naw am a nih? Anni chu i vuok a, amiruokchu, an lungngai naw a; anni chu i fâk zo a, anachu, sukdikna chu an dangkîr si a, an hmêlhai chu lungpui nêka ngarin an siem a, hungkîr chu an nuom naw a nih.

JEREMIA 6:15

Thil tirdakumhai an thaw chun an inzapui am? An inzapui hlawl nawh, an hmai khawm a mâwk nawh; chuleichun, a tluhai lai ma chun anni khawm tlu vêng an tih; ka va hrem pha chun anni chu pei thlûk nîng an tih, Lalpa chun a tih.

JEREMIA 8:12

Thil tirdakum an thaw lai chun inzapui an ti? An inzapui hlawl nawh; an hmai khawm a mâwk naw a, chuleiin, a tluhai laia chun tlu vêng an ta, anni chu hrem an ni huna chun, Lalpa chun a tih.

EZEKIEL 9:4

Chun, Lalpa chun a kuoma chun, “Khawpui laia chun, Jerusalem laia chun fe suok la, chu sûnga tirdakumnahai thawa um tahai po po leia khêk a, thuokdawnghai bâwkhaia chun inchikna sie rawh,” a ti a.

MALAKI 4:2

Amiruokchu, nangni ka hming ṭituhai chunga ruok chun felna nisa, a thlahaia sukdamna leh hung suok a ta; chuongchun, fe suok in ta, ran ina bâwngtêhai inhnel angin inhnel tâng in tih.

MATTHAI 27:54

Chun, sipai za hotu le a kuoma Isu vênga um vehai chun, simkhawleihnuoi inhnîng le thil umziehai chu an hmu chun an ṭi ta bêk bêk a, “Hi mipa hi Pathien Naupa a ni ngei el,” an ta.

LUKA 23:40

Nisienlakhawm, pakhat chun dawn malamin a kâwk a, “Pathien meu khawm i ṭi naw maw? thuhmun zingin an hrem che hi.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:20

Anih, an ring nawna leiin suktliekin an um a, nang i ringna leiin i ngîr a nih.

1 PETER 5:6

Chuleiin, a huntaka chun a chawimawi theina ding cheuin, Pathien kut hrâttak hnuoia chun insukhnuoi unla,

THUPUONGSUO 15:4

Aw Lalpa, tu am i hming inza naw a, Chawimawi naw ding? Nang chau în thieng si; I thilthaw felhai chu suklang a ni ta leiin, Hnam tinrêngin chibai hung bûk an ti che,” tiin.