JEREMIA 43:13 - Pathien Lekhabu Inthieng (BSI)

¹³ Chun, Beth-semes sûtpuihai Aigupta rama um khawm chu sukthliek bawk a ta, Aigupta ram pathienhai inhai khawm chu meia raw ni bawk an tih,’ a tih, ti rawh,” tiin.

JEREMIA 43:13 ပူးပေါင်းရင်းမြစ်များ

INṬANNA 41:45

Chun, Pharaoin Josef hmingah Zaphenath-paneah ân bûk a: On khaw thiempu Potiphera naunu Asenath chu nuhmeiah ân neitir bawk a. Chun, Josef chu a suok a, Aigupta ram chu a fang ta a.

ISAI 19:1

Aigupta ram phurrik chu, Ngai ta, Lalpa chu sûm hrâttak chunga chuongin Aigupta ram a hung tlung tah ie! Aigupta ram milimhai chu a hmaa chun inthin dar dar an ta, Aigupta mihai lungril chu an sûnga chun intuihmang el a tih.

ISAI 19:18

Chu nia chun Kanaan mihai ṭawnga ṭawng le, sipaihai Lalpa kuoma ṭawng inkhâma thu tiem hlakhai chu, Aigupta ram sûngah khaw panga um a ta; pakhat chu Bohmangna Khuo tîng an tih.

ISAI 46:2

An lo insukhnuoi zingin an lo kûn tâwl seng a, phurrik chu an sanhim thei si naw a, anni ngei khawm chu sala ṭhuoiin an um ta lem a.

JEREMIA 10:11

Hieng hin an kuoma chun hril i tih: hnuoi le vânhai siemtu ni lo pathienhai chu, chuonghai chu vânkhuphnuoia inthawk le leihnuoia inthawk chun bohmang an tih.

JEREMIA 25:19

Aigupta lal Pharao le a siehlawhai, a lalhai le a mihai po po leh;

JEREMIA 43:12

Chun, Aigupta pathienhai ina chun mei sêm a ta; ama chun râwng a ta, salah ṭhuoi hmang a tih; berâmpu chu ama silfêna ân chei angin, ama chu Aigupta ram chun inchei a tih; chutaka inthawk chun thlamuongtakin fe suok tâng a tih.

JEREMIA 44:1

Aigupta rama Juda chêng po pohai, Migdola dâm, Tahpanhesa dâm, Nopha dâm, Pathros rama chênghai dâm chungthua Jeremia kuoma thu hung tlung chu,

JEREMIA 46:25

Sipaihai Lalpa, Israel Pathien chun hieng hin a tih: “Ngai ta u, No khuoa um Amon le Pharao le Aigupta le, a pathienhai le, a lalhai le; Pharao ngei le ama ringtuhai chu ka hrem ding a nih;

EZEKIEL 26:11

A sakawrhai ketinhai chun i kawtthlêrhai po po hung chîl a ta; i mihai chu kâwlhnâmin that a ta, i hrâtna bulpui lungphunhai khawm chu hnuoi chungah tlûng an tih.

EZEKIEL 30:13

“Lalpa Pathien chun hieng hin a tih; Milimhai chu suksieng ka ta, Nopha inthawkin milimhai chu intâwptir bawk ka tih; chun, Aigupta rama inthawk hin lal um nâwk ta naw ni hai a; Aigupta rama hin ṭiumna ka sie ding a nih.

EZEKIEL 30:17

Aven le Pi-beseth tlangvâlhai chu kâwlhnâmin tlûng an ta, chun, hieng khawpuihai hi sala ṭhuoiin um an tih.

DANIEL 11:8

an pathienhai le, an milim sunga sunghai le, an tangkaruo le rângkachak bûrlebêl ṭhatak takhai chu râllâkin Aigupta rama chun phur hmang bawk a tih; chun, kum tam lem sûng chu hmârtieng lal nêkin inlal a tih.