JEREMIA 42:5 - Pathien Lekhabu Inthieng (BSI)

⁵ Anni chun Jeremia kuoma chu, “Lalpa i Pathienin kan kuoma a hung tirna ang thu po pohai anga kan thaw naw chun, Lalpa chu eini laia hrietpuitu ringum le indik ni raw se.

JEREMIA 42:5 ပူးပေါင်းရင်းမြစ်များ

INṬANNA 31:50

Ka naunuhmeihai hi i sukrimsi a, ka naunuhmeihai ni lo nuhmei dang i nei chun, tukhawm ei kuoma hin an um nawa chu, en ta, Pathien chu kei le nanga kâra hretu a nih,” a ti a.

FESUOKNA 20:19

Anni chun Mosie kuomah, “Nangin kan kuomah thu hril la, ngai kan tih; Pathien ruok chun kan kuomah thu hril naw raw se. Chuong naw chun thîng kan tih,” an ti a.

FESUOKNA 20:7

Lalpa i Pathien hming a thlâwnin i sâm mei mei ding a ni nawh; ama hming a thlâwna sâm mei meitu chu Lalpa chun suol lovah a ngai naw ding a ni si a.

JEREMIA 42:20

In thlarauhai chunga chun hmusitumtakin in lo thaw ta a; ‘Lalpa kan Pathien kuoma chun mi ṭawngṭaipêk la, Lalpa kan Pathienin a hril ang ang che chu kan kuomah hrilfie la, thâwng kan tih,’ tiin Lalpa in Pathien kuoma chun in mi tir ta si a,

JEREMIA 43:2

Hossia naupa Azaria hai, Karea naupa Johanan hai, mi chapo po pohai chun Jeremia kuomah thu an hril a “Thukhêl i hril dêr a nih: ‘Chutaka va mikhuol dingin, Aigupta rama chun in fe ding a ni nawh,’ ti dingin Lalpa kan Pathien chun a hung tir naw che a;

JEREMIA 43:4

Chuongchun, Karea naupa Johanan hai, sipai hotuhai po po le mipuihai po po chun Juda rama chêng zing ding thu Lalpa râwl chu an awi naw a.

JEREMIA 5:2

“Lalpa chu a hring zing angin,” an ti dea chu, inkhêl letdêra inkhâm el an nih.

MIKA 1:2

Nangni mipuihai, in rêngin hre unla, aw leihnuoi le a sûnga um po pohai; ngai ro, Lalpa PATHIEN, Lalpa chu a biekin inthienga inthawkin nangni kala in chungthu hretu ni raw se.

MALAKI 2:14

Nangni chun, “Ieng leiin am ie?” in la ti ta rawp a, I thuthlung nuhmei le i kawppui ni sien khawm, a chunga khawhlotaka i lo thaw tah, i tleirâwl lai nuhmei le nanga kâra chun Lalpa chu thuhretu a ni si a.

MALAKI 3:5

Chun, rorêlnaah in kuom hung hnai ka ta; chun, inkhâmtu khêlinhliphai chunga le uiretuhai chunga le, dawi hmangtuhai chunga chun thuhretu hrâttak hung nîng ka tih; a hlaw chungthua inhlawfa, hmeithai le, fahrahai nêksâwra, a thuneinaa inthawka mikhuol hnawt hmang hlaktu, kei mi ṭi ngailo chunga le chun, sipaihai Lalpa chun a tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:9

Ka ṭawngṭainahaia chun malovin ka hrietzing hlak cheu ti chu, A Naupa Chanchin Ṭha puonga ka thlaraua a rawng ka ibâwl Pathien chu a mi hrepuitu a nih.

THUPUONGSUO 1:5

Isu Krista, thu hretu ringumtak, mithi laia inthawka tho hmasatak le hnuoia lalhai rorêltu kuoma inthawk dâm chun, lunginsietna le inremna in kuomah um raw se. A mi hmangai a, a thisenin ei suolhaia inthawkin a mîn tlan suok a,

THUPUONGSUO 3:14

“Chun, Laodikeia tirko kuoma chun hieng hin ziek rawh: “Amen, thuhretu ringum le indiktak, Pathien thilsiem bul khan, hieng thu hi a hril a nih;

RORELTUHAI 11:10

Gilead mi upahai chun Jepthah kuomah, “Lalpa chu ei inkâra hretu nîng a ta, i thu ang chun thaw ngei ngei kan tih,” an ti a.

1 SAMUEL 12:5

Chun, ama chun an kuomah, “Ka kuta hin âwm naw ieng khawm in hmu nawh ti vawisûn hin Lalpa chu nangni laia hretu a nih; a hriek nâl khawm chu hretu a nih,” a ta. Chun, anni chun, “Ama chu hretu a nih,” an ta.

1 SAMUEL 20:42

Chun, Jonathan chun David kuomah, “Lungmuongtakin fe raw khai, ‘Lalpa chu nang le ei inkâra le ka thlahai le i thlahai kâra chun kumkhuoin um raw se,’ tiin Lalpa hmingin ṭawng ei inkhâm hmunkhat ta kha,” a ta. Chuongchun, a tho a, a fe ta a, chun, Jonathan chu khuoa chun a lût ta a.