JEREMIA 42:19 - Pathien Lekhabu Inthieng (BSI)

¹⁹ Aw Juda la um sunhai, nangni chungthuah Lalpa chun thu a hril a nih: Aiguptaa chu fe dêr naw ro: vawisûn hin in kuomah ka hrilfie ta a nih ti hi hre ngei ngei ro.

JEREMIA 42:19 ပူးပေါင်းရင်းမြစ်များ

2 CHANCHIN SUINA 24:19

Lalpa kuoma hung ṭhuoi nâwk dingin an kuoma chun zâwlneihai a tir a; anni chu an lo ngâwk a, na an lo daw nuom naw a.

NEHEMIA 9:26

Nisienlakhawm, an hung kâwmaw a, i chungah an hel a, i Dân chu an hnungsawn dai a, nangma tieng innghattir nâwk tumtu i zâwlneihai chu an that a, lungsenumtak tak thilhai an thaw a.

ISAI 21:12

Râlvêngtu chun, “Zîngkâr a hung ni ding a ni tah, zân khawm: in indawn nuom chun indawn ro: nghakîr nâwk unla, hung ro,” a ta.

JEREMIA 38:21

Amiruokchu, vân pêk chu i nuom naw chun, hi hi a nih Lalpain thu a mîn entir chu.

EZEKIEL 17:15

Amiruokchu, mi tamtak le sakawrhai an pêk theina dingin, ama aiawtu chu Aigupta rama tirin, ama chunga chun a hel ta a. A hlawtling ding am a nih? Chuong ang thilthawtu chun a pumpel ding am a nih? Thuthlung chu bawse siin a pumpel ding am a nih?

EZEKIEL 2:5

Chun, an lo ngai khawma, an lo ngaisak naw khawmin amanih, anni laia zâwlnei a um ti chu hre chêk an tih, (sûngkaw hel an ni si a).

EZEKIEL 3:21

Amiruokchu, mi fel chu vaulâwkna i nei a, mi fel chu a lo suol naw a, suol a thaw naw chun, ama chu hring ngei a tih; vaulâwkna chu a pawisak lei chun, nang khawma i thla chu sanhim i tih.

NAMBAR 14:3

Ieng dinga kâwlhnâma thi el dinga Pathienin hi rama hi mi ṭhuoi am a ni aw? Ei nuhmei ei nau le tehai hlak chu man el ding an ni âwm si a. Aigupta rama kîr nâwk el hi eini ta dingin a ṭha lem a ni naw am a nih?” an ta.

THILTHAWHAI 2:40

Chun, thu dang tamtakin a hrilfie a, “Tulai ruolthar rilohaia inthawk hin insukhim ro,” tiin ân fui a.

EPHESI 4:17

Chuongchun, hi hi ka hrilin Lalpaa chun kân hriettir cheu a nih: Jentailhai chu lungril hmanglo puta an um angin um ta naw unla,

DÂN PAHNINA 17:16

Amiruokchu, sakawr a hau ding a ni nawh, sakawr a hau theina dingin Aigupta mihai le chun inthuruol ding a ni bawk nawh. Lalpa chun, ‘Tuta chen chu, chu tienga chun in kîr nâwk ding a ni ta nawh,’ a ti tlat si a.

DÂN PAHNINA 31:21

Thil ṭha naw le lunginzîngna tamtak an chunga a hung tlung pha chun, hi hla hi ân hrietsuoktirtu nîng a tih; (an thlahai baua inthawkin theinghil thei a ni âwm si naw a); tuta kân khâmna rama ka ṭhuoi hma hrim khawmin an insuongtuo vêl dan chu ka hrietsa zing a nih,” a ti a.

1 THESSALONIKA 4:6

chu kawnga chun tûkhawmin bawsein, a unau chungah thil ṭha naw chu thaw naw sien la, Lalpa chu chuong ang thil thawtuhai po po phuba latu a ni leiin keini khawmin kan hril lâwkin kan inhriettir ta cheu ang khan.