JEREMIA 42:18 - Pathien Lekhabu Inthieng (BSI)

¹⁸ Sipaihai Lalpa Israel Pathien chun hieng hin a ti si a: Jerusalem hluotuhai chunga ka lunginsenna le ka ṭiumna bunthlâka a um ang khan; Aigupta rama in lût pha chun ka ṭiumna chu in chunga chun bunthlâk ni vêng a tih; chuongchun, hnâwmhnawk le, makti ding le, ṭawngsephur le, thusekawk nîng in ta, hi hmun hi hmu nâwk ta ngai naw ti niu.

JEREMIA 42:18 ပူးပေါင်းရင်းမြစ်များ

2 CHANCHIN SUINA 34:25

kei an mi lo nghatsan ta a; an kut sinthawhaia lunginsen dinga an mi chawktho theina dingin pathien danghai kuoma chun riminhnikhai an raw a; chuleiin, ka lunginsenna chu hi hmun chunga hin bunthlâk a ni ta a, sukre el ni ta naw nih,’ tiin.

ISAI 30:3

Chuleiin, Pharao hrâtna chu in muolphona ni tâng a ta, Aigupta hlim in lo ring hi in inzakna ni tâng a tih.

ISAI 65:15

Chun, in hming chu ṭawng inkhâmna dingin ka mi thlanghai kuoma chun mâksan in ta, Lalpa Pathien chun sukhlum a ti cheu a, chun, a siehlawhai chu hming dangin ko tâng a tih;

JEREMIA 18:16

an ram chu makti dinga siem ding le, hahîpa siem dingin; mi tin chu fe khêl taphawt chun maktîng an ta, an lu thin an tih.

JEREMIA 22:27

An lungrila kîr an châk êm êmna rama chun kîr nâwk ta naw ni hai.

JEREMIA 23:40

chun, in chunga chun kumkhuoa um ding ṭawngsekawk chu hung intlun ka ta, inzakna re lo leh, chuong chu theinghil ni ta ngai naw ni hai.

JEREMIA 24:9

anni chu thil ṭha nawa hnungtieng hmatienga sukṭita um dingin hnuoia lalram po pohai lai chun pe suok ka tih; ṭawngsekawk le, thuvara le hrânghla le inkhâmna ni dingin, anni ka hnawt suokna ding hmun po poahai chun pe suok ka tih.

JEREMIA 25:9

ngai ta u, mi tir ka ta, hmâr rama inthawk chun sûngkuohai po po chu ko ka tih, Lalpa chun a tih; chun, ka siehlaw Babulon lal Nebukadnezzar kuoma chun mi tir ka ta; anni chu hi ram le, a hluotuhai le, a vêla hnamhai po po chunga do dingin hung ṭhuoi ka ta; chuongchun, anni chu sukse letdêr ka ta, makti ding le, inchekna ding le, kumkhaw rausanah ka siem ding a nih.

JEREMIA 26:6

chuongchun, hi in hi Silo angah siem ka ta, hi khawpui hi hnuoia hnam po pohai ṭawngse hnâwknaah siem bawk ka tih,” tiin.

JEREMIA 29:18

Chun, anni chu kâwlhnâm le ṭâm le hriin hnawt ka ta, anni ka tir hmangna tieng hnamhai po po laia chun thusekawk ding le, inchekna ding le, makti ding le, mi ṭawngdâwng dingin hnuoia lalram po po laia hnungtieng hmatienga nawrlênga um dingin pe suok ka tih;

JEREMIA 29:22

Babulona Juda sal intânghai po po chun, “Zedekia le Ahab, Babulon lalin a rawhai ang chun Lalpa chun siem raw se che,” tiin, anni chungthua chun ṭawngse inphurna takah hmang an tih:

JEREMIA 33:5

Kaldaihai chu do dingin an hung a, ka lunginthaknaa le ka lunginsennaa ka that ding mi ruonghaia suksip dingin, an suolnahai po po leiin hi khawpuia inthawk ka hmai ka thup ta si a.

JEREMIA 44:12

Juda la um sunhai chu ṭhuoi ka ta, chutaka va mikhuol dinga Aigupta ram tieng an hmai innghathai chu; chun, anni chu bohmang vawng an ta, Aigupta rama chun tlûng an ta; ṭâmna le kâwlhnâmin anni chu sukbohmang nîng an tih; thîng an ta, a chîn taka inthawka a lien tak chenin kâwlhnâm le ṭâmin thîng an tih; chuongchun, anni chu hnâwmhnawk le, makti ding le, ṭawngsephur le ṭawngsekawk nîng an tih.

JEREMIA 44:22

Thil tirdakum in thawhai lei le, in thilthawhai suol lei chun Lalpa chun a tuor pei ta naw a; vawisûn ni ang chen khawma a ni ang sawn, in ram chu râusan le, maktia um le, ṭawngsekawk, hluotu um lo a lo ni ta kha.

JEREMIA 44:6

Chuleiin, ka lunginsenna le ṭîumna chu Jerusalem kawtthlêrhaia le Juda ram khawpuihai chunga chun bunthlâkin a um a, mûtchawkin a um ta a ni kha; chuongchun, vawisûn ni chena an ni angin, suksiet le râusan an ni ta a.

JEREMIA 44:8

chuongahai chun in kut sinthawhai chun in mi suklungsen a, in va mikhuolna tiengahai chun Aigupta rama pathien danghai kuoma chun riminhnik dâm in raw a; chuong chu hi hnuoia hnam po pohai laia thusekawk le, ṭawngsephur le, sâtthlâk in ni theina ding chau a ni naw am a nih?

JEREMIA 6:11

Chuleiin, Lalpa lunginsenna chun ka sip a; insûm zing chu ka nghawk a nih; kawtthlêra chun naupanghai laia chun bunthla la, tlangvâl inkhâwmhai laia le chun; pasal chu a nuhmei le chun lâk nîng an ta, mi upatak le tartak khawm.

JEREMIA 7:20

Chuleiin, Lalpa Pathien chun hieng hin a tih: Ngai ta, ka lunginsenna le ka ṭiumna chu hi hmuna hin bunthlâk nîng a ta, mihriem chunga le, ramsahai chunga le, rama thinghai chunga le, hnuoia rahai chunga chun; chun, kâng a ta, ṭhel ni ngai naw ni.

ṬAP HLA 2:4

Hmêlma angin a thalngul chu a kuoi a, hmêlma angin a kut changtiengin a ngîr a, Zion naunu puon ina mita hmu inhâwkumhai po po chu a that vawng a; A lunginsenna chu mei angin a bunthlâk a,

ṬAP HLA 2:6

A biekbûk chu huon ang elin, a lâk hmang luipêk a; Ân khâwmna hmun chu a suksiet bawk a; Lalpa chun Zionah, inkhâwmpui hunbi neihai le châwlnihai chu theinghila um dingin a siem a, A lunginsenna nasatna chun a thiempu le lal chu a hmusit ta a.

ṬAP HLA 4:11

Lalpa chun a ṭiumna chu a hung sukpuitling a, a lunginsenna ṭium chu a hung bunthlâk a; Ziona chun mei a sukchawk a, a lungphûmhai kâng hmangtu chu.

EZEKIEL 20:34

hnam danghai laia inthawkin la suok ka ti cheu a, sukdara in umna ramhaia inthawk khan kut tha hrât le, bân phar le lunginsenna bunthla hielin kei khâwm ka ti cheu;

EZEKIEL 22:22

Tangkaruo chu pûmmeia ân tui angin chuong ang chun chutaka chun intui in tih, chuongchun, kei Lalpa hin in chungah ka lunginsenna chu ka hung bunthlâk a nih ti hre tâng in tih,” tiin.

DANIEL 9:11

Anih, Israel mihai po po chun i râwl chu awi lo dinga inherhmangin i Dân chu an lo bawsiet ta a; chuleiin, ṭawngsie chu kan chungah, Pathien siehlaw Mosie dâna inkhâmna zieka um le chun buokin a um ta a; chuonga chun thil kan lo suksuol ta si a.

DANIEL 9:27

Chun, hapta khat chu mi tamtak leh thuthlung dettak siem a ta, chun, chu hapta chenve kâr chun inthâwina le thilinhlân chu suktâwp a tih; chun, tirdakumna thla chunga chun sukrêmtu inumtirtu ding chu hung a ta, a tâwpna ding ruot chen chun; chun, sukrêmtu chunga chun lunginsenna chu buok ni tâng a tih,” tiin.

HOSEA 7:16

An ngha kîr a, Achunghnungtak kuomah ni lovin; Thalngul rul ang an nih, An mi lienhai chu an ṭawng pâwngpawr leiin kâwlhnâmin tlûng an tih; Hi hi Aigupta rama nuizatbûr an nina nîng a tih.

NAHUM 1:6

A lungninawna hmaa chun tu am ngîr thei an ta, a lunginsenna nasataka chun tu am um thei an ta? A lunginsenna chu mei anga bunthlâk a na, lungpuihai chu a sukkawi vawng a nih.

ZEKARIA 8:13

Chun, hnam tinhai laia ṭawngsephur in ni ang khan, aw Juda sûngkuo le Israel sûngkuo, hung sanhim ka ti cheu a, malsâwmna hung ni tâng in tih: ṭi naw unla, in kuthai chu sukhrât phawt phawt el ro,” tiin.

NAMBAR 5:27

Tui a hang indâwntir chun a lo pawrche a, a pasal chunga thil a lo suksuol chun ṭawngsie intlungtirtu tui chu a phîng sûngah lût a ta, nasatakin hung nâng a ta, a phîng chu hung invûng a ta, a êlpui chu hung chêr a ta, chuongchun, nuhmei chu a chipuihai lai ṭawngsephur hung nîng a tih.

THUPUONGSUO 14:10

a lunginsenna noa iengkhawm pawl lova siem chu dâwn a ta, vântirko inthienghai mithmua le Berâmte mithmua chun mei le kâta sawisakin um bawk a tih.