JEREMIA 42:16 - Pathien Lekhabu Inthieng (BSI)

¹⁶ hieng hi hung nîng a tih: chu Aigupta rama chun kâwlhnâm in ṭi hlak khan hung hnawt phâk a ti cheu a, ṭâm in iṭi khan chu Aigupta rama chun a hung hnawt rak rak ding cheu a nih; chuongchun, chutaka chun thîng in tih.

JEREMIA 42:16 ပူးပေါင်းရင်းမြစ်များ

THUVARHAI 13:21

Thil ṭha naw chun mi suolhai chu a hnawt pei a, Mi fel ruok chu thil ṭhaa thung nîng a tih.

JEREMIA 27:8

Chun, hnam le lalram Babulon lal Nebukadnezzar rawng bâwl lohai le, Babulon lal rîngkawl hnuoia an rîng sie nuom lohai chu, Lalpa chun a tih; ama kut ngeia ka sukbohmang vawng hmakhat chun, anni chu hripui dâm, ṭâm dâm, kâwlhnâm dâmin hrem ka tih.

JEREMIA 41:18

Ahikam naupa Gedalia Babulon lalin chu ram chunga rorêltu dinga a sie kha Nethania naupa Ismael khan a that leiin anni chu an ṭi êm êm a.

JEREMIA 42:13

Amiruokchu, ‘Hi rama hin um zing nâwng ei tiu,’ in ti a, in Pathien Lalpa râwl chu in awi naw a,

JEREMIA 44:27

Ngai ta u, thil ṭha tiengah ni lovin, thil ṭha naw tienga dingin anni chu ka enkai dêk a nih: Aigupta rama Juda mi um po pohai chu, an ram dêr hmakhat chun, ṭâmna dâm le kâwlhnâm dâma anni chu sukbohmang nîng an tih.

EZEKIEL 11:8

Kâwlhnâm chu in ṭi a; in chungah kâwlhnâm chu hung intlungtir ka tih, Lalpa Pathien chun a tih.

ZEKARIA 1:6

Amiruokchu, ka thuhai le ka thuruothai, ka siehlaw zâwlneihai thu ka ipêkhai chu, chuonghai chun in thlatuhai chu an hnawtphâk tah ni lo am a nih? Anni chu an ngha kîr a, ‘ei thilthawhai ang pei le, ei um dân ang peia sipaihai Lalpain ei chunga thaw dinga a ngaituo angtakin, chuong angtak chun ei chungah a thaw a ni hi,’ an ti a,” tiin.

JOHAN 11:48

Hieng anga ei thlathlam el chun mi po poin ama ring an ta; chun, Roma mihai hung an ta, ei hmun le ei chihai hi mi lâkpêk an tih,” an ta.

DÂN PAHNINA 28:15

“Amiruokchu, Lalpa in Pathien râwl chu nguntaka in ngai a, vawisûna thu ka pêk cheu thupêk po pohai hi fîmkhurtaka in zâwm naw chun hieng ṭawngsie po pohai hi in chungah hung um a ta, nangchîng an ti cheu.

DÂN PAHNINA 28:22

Lalpain ngawrna dâm, khawsik dâm, invûngna dâm, pang satna dâm, kâwlhnâm dâm, ṭâwlna dâm, hmawnna dâmin hrem a ti cheu a, in bohmang hmakhat chun hnawt pei a ti cheu.

DÂN PAHNINA 28:45

Hieng ṭawngsie po po hi in chungah la hung um a ta, hnawt an ti cheu a, nangchîng an ti cheu a, an sukbohmang vawng cheu chenin; a thupêk cheu le a dân a pêk cheu zâwm dinga Lalpa in Pathien râwl chu in ngai naw leiin,