JEREMIA 42:11 - Pathien Lekhabu Inthieng (BSI)

¹¹ In iṭitak Babulon lal chu ṭi naw unla, ama chu ṭi naw ro, Lalpa chun a tih: a kuta inthawka sanhima sandam ding cheuin kei in kuomah ka um zing si a.

JEREMIA 42:11 ပူးပေါင်းရင်းမြစ်များ

2 LALHAI 25:26

Chuongchun, mi po po a chîn a lienin sipai hotuhai leh an suok a; Aigupta ramah an fe ta a, Kaldaihai chu an ṭi a nih.

INPÂKNA HLABU 118:6

Lalpa chu keia tienga ṭhang a nih, ṭi naw ning: Mihriemin ieng am mi law thei an ta?

INPÂKNA HLABU 46:11

Sipaihai Lalpa chu ei kuomah a um a, Jakob Pathien chu ei kulbîng insâng a nih.

INPÂKNA HLABU 46:7

Sipaihai Lalpa chu ei kuomah a um a, Jakob Pathien chu ei kulbîng insâng a nih.

ISAI 41:10

ṭi naw ro, kei in kuomah ka um si a; lunginzîng naw ro, kei in Pathien ka ni si a; sukhrât ka ti cheu a, anih, ṭhangpui ka ti cheu, anih, ka felna kut changtiengin chel zing ka ti cheu.

ISAI 43:2

Tuihai in palkai lai khawmin kei in kuomah um ka ta; vadunghai in palkai lai khawmin chîm tlum naw ni cheu; meia in fe thleng lai khawmin kâng naw ni cheu a; meichawkin sukchawk bawk naw ni cheu.

ISAI 43:5

Ṭi naw ro, in kuomah ka um si a; in thlahai chu khawsak tienga inthawkin hung ṭhuoi ka ta, khawthlang tienga inthawkin ṭhuoi khâwm ka ti cheu a,

JEREMIA 1:19

Chuongchun, do an ti che a; amiruokchu, hne naw ni hai che; nangma sanhim ding chein i kuomah ka um si a, Lalpa chun a tih,” tiin.

JEREMIA 1:8

Anni lei chun ṭi naw la, Nang chu sanhim ding chein i kuomah ka um si a; Lalpa chun a tih,” tiin.

JEREMIA 15:20

Chun, hi hnam ta ding hin dârsen bang kulah siem ka ti che a; nang chu hung do hlak an ti che a, nisienlakhawm, hne ngai naw ni hai che; sandam ding le sansuok ding chein i kuomah ka um zing si a, Lalpa chun a tih.

JEREMIA 27:11

Amiruokchu, Babulon lal rîngkawl hnuoia an rîng daw a, ama rawngbâwltuhai chu hnam ngei chu an rama chun inumtir zing ka tih, Lalpa chun a tih; inlêt an ta, chêng zing an tih,’ ” tiin.

JEREMIA 27:12

Chun, hieng thuhai ang tak hin Juda lal Zedekia kuoma chun thu ka hril a, “Babulon lal rîngkawl hnuoia chun in rînghai hung daw unla, ama le a mihai rawng chu bâwl unla, hringin um ro.

JEREMIA 27:17

Anni thu chu ngai naw unla, Babulon lal rawng chu bâwl unla, damin um ro, ieng dingin am hi khawpui hi râusanin um el a ta?

JEREMIA 41:18

Ahikam naupa Gedalia Babulon lalin chu ram chunga rorêltu dinga a sie kha Nethania naupa Ismael khan a that leiin anni chu an ṭi êm êm a.

NAMBAR 14:9

Lalpa chungah hel naw phawt el unla, chu rama mihai khawm chu ṭi hlek naw ro, ei bu ding an ni el annâwm, an inhumhimna chu teplo mei mei a nih; Lalpa chu ei kuomah a um annâwm; anni chu ṭi naw ro,” tiin an hril a.

MATTHAI 10:28

“Chun, taksa sukhluma thlarau sukhlum thei nawhai chu ṭi naw unla, Hremhmuna thlarau le taksa sukbo thei ruok chu ṭi ro.

MATTHAI 28:20

thu ka ipêk po po cheu pawm dingin inchûktir ro. Chun, ngai ta u, kei kumkhuoin khawvêl tâwp chen khawmin in kuomah um pei ka tih,” a ta.

THILTHAWHAI 18:10

kei i kuomah ka um annâwm, sukna ding chein tukhawmin i chungah kut thlâk naw ni hai; hi khuoa hin mi tamtak ka nei si a,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:31

Chuong thua chun ieng am hril tâng ei ta? Pathien eini tieng a ṭhang chun tuin am mi do thei a ta?

DÂN PAHNINA 20:4

nangni sandam ding cheu le, in hmêlmahai thawpêk ding cheuin in kuoma um pei chu Lalpa in Pathien a ni si a,’ ti raw se.

2 TIMOTHE 4:17

Chanchin Ṭha keima leia hril kima a um theina ding le, Jentailhai po poin an hriet theina dingin, Lalpa chun a mi ṭan a, a mi sukhrât ta lem a nih; chun sakeibaknei baua inthawk kha sansuokin ka lo um ta a nih.

JOSUA 1:5

I dam sûng po po chun tukhawm i hmaah ngîr thei naw ni hai a, Mosie kuoma ka um ang khan i kuoma khawm ka um ve ding a nih; inhlâwsamtir naw ning che a, mâk khawm mâksan naw tawp ka ti che.

JOSUA 1:9

Hrâttak le huoitakin um rawh; ṭi naw la, zâm bawk naw rawh, Lalpa i Pathien chu i fena taphawtah i kuomah a um pei ding annâwm,”tiin, a hril a.