JEREMIA 41:2 - Pathien Lekhabu Inthieng (BSI)

² Chun, Nethania naupa Ismael le a kuoma mi sâwm umhai chu an tho a, Saphan naupa, Ahikam naupa Gedalia, Babulon lalin chu rama rorêltu dinga a sie chu kâwlhnâm leh an thaw a, ama chu an that ta a.

JEREMIA 41:2 ပူးပေါင်းရင်းမြစ်များ

2 SAMUEL 3:27

Chun, Abner chun Hebron a hung tlung chun Joab chun kul kawtkhârah biekrûk dingin a ṭhuoi hran a, a unau Asahel thisen suok thungna dingin a phîngah a sun hlum ta a.

2 LALHAI 25:25

Nisienlakhawm, thla sarinaa chun lal thla, Elisama naupa, Nethania naupa Ismael chu mi sâwm ṭhuoiin a fe a, Gedalia chu Mizpa khuoah Judahai le Kaldaihai a kuoma umhai le chun an thaw a, an that ta vawng a.

INPÂKNA HLABU 109:5

Anni chun thil ṭha chu thil suolin an mi thung a, Ka hmangaina chu theidanain an mi thung bawk a.

INPÂKNA HLABU 41:9

Anih, ka ruol pâwlngei, ka ringtak, ka bei fâkpui ngei chun, A kekhawng chu ka chungah ân let ta a.

JEREMIA 40:14

a kuomah, “Ammon mihai lal Baalis chun Nethania naupa Ismael chu i hringna la dingin a hung tir ti i hriet am?” an ti a. Nisienlakhawm, Gedalia, Ahikam naupa chun anni chu a taksâwn naw a.

JEREMIA 40:16

Nisienlakhawm, Ahikam naupa Gedalia chun Karea naupa Johanan kuoma chun, “Hi thil hi i thaw ding a ni nawh, Ismael chungthuah khêl dêr i hril a ni si a,” a ta.

JEREMIA 40:5

Chun, chuonga a la fe hma chun, ama chun, “Fe el rawh; Babulon lal Juda ram khawpuihai chunga rorêltua a siem Saphan naupa, Ahikam naupa Gedalia kuoma chun kîr nâwk la, mipuihai lai chun ama kuoma chun va um el rawh; annawleh, fena dinga remchâng i tina tieng tieng chun fe el rawh,” a ta. Chuongchun, vêngtu hotu chun fâk ding le thilpêk a pêk a, ân fêtir ta a.

JEREMIA 40:7

Chun, rama sipai hotuhai po po le an mihaiin Babulon lalin Gedalia Ahikam naupa chu chu rama rorêltuah a siem a, a kuoma chun pasalhai, nuhmeihai, naupanghai, mi rimsitak takhai, Babulona sala ṭhuoia um nawhai chu ân kawltir ti an hriet chun,

JEREMIA 40:8

Mizpaa Gedalia kuoma chun, Nethania naupa Ismael, Karea naupasal Johanan le Jonathan, Tanhumeth naupa Seraia, Netophath mi Ephai naupasalhai, Maakath mi naupa Jezania le anni le an mihai chu an hung tâwl a.

JEREMIA 41:3

Ismael chun Gedalia kuoma Juda umhai po po Mizpaa umhai le, Kaldai mi, chutaka um, indo mihai khawm chu a that vawng a.

JOHAN 13:18

In rênga thu ka hril nawh; ka ithlang hai chu ka hriet, nisienlakhawm, chu chu, ‘Ka bei fatu chun, A kekhawng chu ka chungah ân let tah,’ ti Pathien Lekha Thu kha a hung tlung theina dingin a nih.