JEREMIA 41:1 - Pathien Lekhabu Inthieng (BSI)

¹ Chun, thla sarinaa chun lal chi Elisama naupa Nethania, chu naupa Ismael le, lal hotu lientak pakhat le, ama kuoma mi sâwmhai le chun, Mizpaa chun Ahikam naupa Gedalia kuoma chun an hung ta a; chutaka Mizpaa chun bei dâm an fâk hmunkhat tâwl a.

JEREMIA 41:1 ပူးပေါင်းရင်းမြစ်များ

2 SAMUEL 3:27

Chun, Abner chun Hebron a hung tlung chun Joab chun kul kawtkhârah biekrûk dingin a ṭhuoi hran a, a unau Asahel thisen suok thungna dingin a phîngah a sun hlum ta a.

2 LALHAI 11:1

Chun, Ahazia nu Athalia chun a naupa a thi ti a lo hriet chun, a tho a, lal nauhai po po chu a that vawng a.

2 LALHAI 25:22

Chun, Babulon lal Nebukadnezzar chun Judai rama mâksana umhai khawm chu an chunga chun Saphan naupa Ahikam naupa Gedalia chu awptu dingin a siem a.

2 LALHAI 25:25

Nisienlakhawm, thla sarinaa chun lal thla, Elisama naupa, Nethania naupa Ismael chu mi sâwm ṭhuoiin a fe a, Gedalia chu Mizpa khuoah Judahai le Kaldaihai a kuoma umhai le chun an thaw a, an that ta vawng a.

2 CHANCHIN SUINA 22:10

Chun, Ahazia nu Athalia chun a naupa chu a thi tah ti a hriet chun, a tho a, Juda sûngkuo lal chi po chu a rawt ta vawng a.

INPÂKNA HLABU 109:5

Anni chun thil ṭha chu thil suolin an mi thung a, Ka hmangaina chu theidanain an mi thung bawk a.

INPÂKNA HLABU 41:9

Anih, ka ruol pâwlngei, ka ringtak, ka bei fâkpui ngei chun, A kekhawng chu ka chungah ân let ta a.

THUVARHAI 13:10

Chaponaa chun inkhingna a suok a, Thurâwn ṭhataka ruok chun varna a um.

THUVARHAI 27:4

Lunginsenna hi a suol a, lungawi nawna hi a phulliem a; Amiruokchu, tu am îtthîkna hmaa chun ngîr thei a ta?

JEREMIA 36:12

lekhaziektuhai pindanah lal ina chun a zu fe thla ta a; chun, ngai ta, chutaka chun lalhai po po, lekhaziektu Elisama, Semaia naupa Delaia, Akbor naupa Elnathan, Saphan naupa Gemaria, Hanania naupa Zedekia le lalhai po po chu an inṭhung a.

JEREMIA 36:20

Chun, anni chu huong sûng tuollaia chun lal kuomah an va fe a; amiruokchu, lekhabu zuol chu lekhaziektu Elisama pindana khan an mâksan a; chuongchun, lal na hrieta chun thuhai po po chu an hril ta a.

JEREMIA 39:14

mi an tir a, Jeremia chu vêngtuhai kulbînga inthawk chun an ṭhuoi suok a, Saphan naupa Ahikam, chu naupa Gedalia kuoma chun an pêk a, in tienga ṭhuoi dingin; chuongchun, mipuihai laia chun a um ve ta a.

JEREMIA 40:13

Chu nawa khawm Karea naupa Johanan le sipaihai hotuhai ramhnuoia umhai po po chu Mizpaa chun Gedalia kuoma chun an hung a,

JEREMIA 40:5

Chun, chuonga a la fe hma chun, ama chun, “Fe el rawh; Babulon lal Juda ram khawpuihai chunga rorêltua a siem Saphan naupa, Ahikam naupa Gedalia kuoma chun kîr nâwk la, mipuihai lai chun ama kuoma chun va um el rawh; annawleh, fena dinga remchâng i tina tieng tieng chun fe el rawh,” a ta. Chuongchun, vêngtu hotu chun fâk ding le thilpêk a pêk a, ân fêtir ta a.

JEREMIA 40:6

Chun, Jeremia chu Mizpaa Ahikam naupa Gedalia kuoma chun a fe ta a, mipui chu rama mâksana la umhai laia chun ama kuomah a va chêng ta a.

JEREMIA 40:7

Chun, rama sipai hotuhai po po le an mihaiin Babulon lalin Gedalia Ahikam naupa chu chu rama rorêltuah a siem a, a kuoma chun pasalhai, nuhmeihai, naupanghai, mi rimsitak takhai, Babulona sala ṭhuoia um nawhai chu ân kawltir ti an hriet chun,

JEREMIA 40:8

Mizpaa Gedalia kuoma chun, Nethania naupa Ismael, Karea naupasal Johanan le Jonathan, Tanhumeth naupa Seraia, Netophath mi Ephai naupasalhai, Maakath mi naupa Jezania le anni le an mihai chu an hung tâwl a.

EZEKIEL 17:13

chun, lal chi khawm chu a ṭhuoi a, ama le chun thuthlung a siem ta a, chun, ama khawm chun inkhâmna hnuoiah a hung ṭhuoi a, rama mi thilthawtheihai chu a lâk hmang a;

JOHAN 13:18

In rênga thu ka hril nawh; ka ithlang hai chu ka hriet, nisienlakhawm, chu chu, ‘Ka bei fatu chun, A kekhawng chu ka chungah ân let tah,’ ti Pathien Lekha Thu kha a hung tlung theina dingin a nih.