JEREMIA 40:7 - Pathien Lekhabu Inthieng (BSI)

⁷ Chun, rama sipai hotuhai po po le an mihaiin Babulon lalin Gedalia Ahikam naupa chu chu rama rorêltuah a siem a, a kuoma chun pasalhai, nuhmeihai, naupanghai, mi rimsitak takhai, Babulona sala ṭhuoia um nawhai chu ân kawltir ti an hriet chun,

JEREMIA 40:7 ပူးပေါင်းရင်းမြစ်များ

2 LALHAI 25:12

Chu rama pasie siehai ruok chu vêngtu pâwl hotu chun grêphrui enkawltu ding le lo neitu dingin a mâksan a.

2 LALHAI 25:4

Chun, khawpui kul chu a sukâwng a; chuongchun, zânah indo mi po po chu lal huon bul, kul bang pahni inkâra kul kawtkhârah an tlânse ta vawng a: (Kaldaihai chun khuo chu an inhuol vêl a nih:) chun, lal chu Araba lampui tieng a fe a.

JEREMIA 39:10

Nisienlakhawm, Nebuzaradan, vêngtu pâwl hotu chun mi rimsihai iengkhawm nei lohai chu Juda rama chun a mâksan a, grêp huonhai le lohai anni chu a pêk nghâl tâwl bawk a.

JEREMIA 39:14

mi an tir a, Jeremia chu vêngtuhai kulbînga inthawk chun an ṭhuoi suok a, Saphan naupa Ahikam, chu naupa Gedalia kuoma chun an pêk a, in tienga ṭhuoi dingin; chuongchun, mipuihai laia chun a um ve ta a.

JEREMIA 39:4

Chun, Juda ram lal Zedekia le indo mihai po po chun chu chu an hmu chun an tlânsie a, kul pahni inkâra dai kawtkhârah, lal huon lampuia chun a zân a zân chun an tlânsuok ta a; chuongchun, ama chu Araba lampuia khan a fe a.

JEREMIA 39:9

Chun, Nebuzaradan, vêngtu pâwl hotu chun khawpuia mi la um sunhai le, tlân hmangtuhai le, ama kuoma hung lûthai le, mipui a la mahla la um sunhai po chu Babulon tieng chun salah a ṭhuoi ta a.

JEREMIA 41:1

Chun, thla sarinaa chun lal chi Elisama naupa Nethania, chu naupa Ismael le, lal hotu lientak pakhat le, ama kuoma mi sâwmhai le chun, Mizpaa chun Ahikam naupa Gedalia kuoma chun an hung ta a; chutaka Mizpaa chun bei dâm an fâk hmunkhat tâwl a.

JEREMIA 41:10

Chun, Ismael chun Mizpaa mi dam la umhai po: lal naunuhmeihai le vêngtu pâwl hotu Nebuzaradanin Ahikam naupa Gedalia ân kawltir, Mizpa khuoa la um po po leh chun salin a man ta vawng a; Nethania naupa Ismael chun chuonghai chu sala ṭhuoiin Ammon mihai ram fethleng dingin a fe suok ta a.

JEREMIA 41:11

Nisienlakhawm, Karea naupa Johanan le, ama kuoma um sipai hotuhai po po chun Nethania naupa Ismaelin thil ṭhanaw a thawhai po po chu an lo hriet chun,

JEREMIA 43:6

pasalhai, nuhmeihai, naupanghai, lal naunuhmeihai le, mi tin Nebuzaradanin Saphan naupa Ahikam, chu naupa Gedalia le zâwlnei Jeremia le, Neria naupa Baruk kuoma a mâksanhai chu an ṭhuoi a;

JEREMIA 52:16

Nisienlakhawm, Nebuzaradan chun chu rama mi inrim zuol taluohai chu lo neitu dinghaia le, grêp huon enkawltu dinghaiah a mâksan a.

EZEKIEL 45:16

Rama mipuihai po po chun hi thilinhlân ang hi Israel rama lal ta ding chun an pêk ding a nih.