JEREMIA 40:4 - Pathien Lekhabu Inthieng (BSI)

⁴ Tuhin, ngai ta, vawisûn ni hin i kuta khaidiet umhaia inthawk chun kân suo che a nih. Babulon tienga kei mi zui hi i ngaia a ṭha chun, hung la, amiruokchu, Babulon tienga kei mi hung zui chu i ta dinga rin a um chun, ṭhul el rawh; ngai ta, ram po po chu i hmaa chun a um a, khaw tienga khawm i ta dinga ṭha le, i ta dinga remchângna tieng tienga chun, chu tienga chun fe rawh,” a ta.

JEREMIA 40:4 ပူးပေါင်းရင်းမြစ်များ

INṬANNA 13:9

Ram chu a pumin a um duoi a ni naw am a nih? Lunginsiettakin, ka kuoma inthawk hin insuktum el rawh: nang vawitieng i fe chun kei changtieng fêng ka ta, annawleh, nang changtieng i fe chun kei vawitieng fêng ka tih,” a ti a.

INṬANNA 20:15

Chun, Abimelek chun, “En ta, ka ram a um duoi annâwm, i nuomna taphawta hin um rawh,” a ta.

INṬANNA 44:21

Chun, nangin i siehlawhai kuoma hin, ‘Ama chu ka mita ka hmu theina dingin ka kuomah hung ṭhuoi thla ro,’ i ti a.

INṬANNA 47:6

Aigupta ram chu a um duoi annâwm: i pa le i unauhai chu ram ṭhatna lailiah umhmun inkhuortir ta la, Gosen ramah umhmun khuor raw se; chun, anni laia mi thilthawtheitak hriet i nei lem chun ka ran chungah hotuah siem rawh,” a ti a.

ESTHER 3:11

Chun, lal chun Haman kuoma chun, “Nangin an chunga ṭha i ti ang anga thaw dingin mihai le tangka khawm chu i kuoma pêk a nih,” a ta.

JEREMIA 37:14

Jeremia chun, “Thukhêl a nih; Kaldaihai kuomah kân pêk nawh,” a ta; nisienlakhawm, ama chun a ngai naw a; chuongchun, Irija chun Jeremia chu a man a, rorêltuhai kuoma chun a hung ṭhuoi ta a.

ṬAP HLA 3:7

Ka vêlin a mîn huon a, ka suok thei nawna dingin; ka khaidiet chu a sukrik a.