JEREMIA 40:10 - Pathien Lekhabu Inthieng (BSI)

¹⁰ Keia chungthua chun, ngai ta u, eini kuoma hunghai, Kaldaihai hmaa ngîr dingin Mizpaa hin ka chêng ding a na; amiruokchu, nangni chun uoin le nipui theirahai chu la khâwm unla, hriek leh, in bâwmahai chun sie unla, khawpui in lâk tahaia chun chêng el ro,” tiin.

JEREMIA 40:10 ပူးပေါင်းရင်းမြစ်များ

2 SAMUEL 16:1

David chun tlâng sîp lâwn suokna a khêl dep chun, ngai ta, Mephiboseth siehlaw Ziba chun a lo tuok a, sabengtung pahni a hmang a, bei tlang zahni le grêp emṭâwl bâwr za le nipui thei za le uoin peng khat ân phurtir a.

1 LALHAI 10:8

I mihai, hieng i siehlaw, i bula um rawpa i varna thu ngai zing zing hlakhai hi an va hamṭha de aw!

THUVARHAI 22:29

Mi a sinthawa taimatak i hmu am? ama chu lalhai hmaah ngîr a tih. Mi hmusitumhai hmaa chun ngîr naw nih.

THUVARHAI 27:25

Bupâwl chu lâk a na, hlohna thar innêmhai chu an hung inlang a, Chun, tlânghaia thlaihnahai khawm chu lâk khâwm an nih.

ISAI 16:9

Chuleiin, Sibma grêp hrui chu Jazer ṭain ṭâng ka tih; aw Hesbon le Eleale, ka mitthli hin buok ka ti che: i nipui rahai chunga le i bu sîk chunga chun indona ri chu a tla ta si a.

JEREMIA 35:19

sipaihai Lalpa, Israel Pathien chun hieng hin a tih: Rekab naupa Jonadab hin kumkhuoin ka hmaa ngîr ding mi tlasam ngai naw ni,” tiin.

JEREMIA 39:10

Nisienlakhawm, Nebuzaradan, vêngtu pâwl hotu chun mi rimsihai iengkhawm nei lohai chu Juda rama chun a mâksan a, grêp huonhai le lohai anni chu a pêk nghâl tâwl bawk a.

JEREMIA 40:12

Judahai po po chu hnawthmang an nina hmun senga inthawk chun an hung kîr a, Juda ramah, Mizpaa Gedalia kuoma chun an hung a, uoin le nipui thei rahai chu tamtak el chu an lâk khâwm ta a.

JEREMIA 40:6

Chun, Jeremia chu Mizpaa Ahikam naupa Gedalia kuoma chun a fe ta a, mipui chu rama mâksana la umhai laia chun ama kuomah a va chêng ta a.

JEREMIA 43:5

Chuongchun, Karea naupa Johanan le, sipai hotuhai po po chun Juda rama la um sunhai, Juda rama hnawthmang an nina hnamhaia inthawka hung kîr nâwkhai,

JEREMIA 48:32

Aw Sibmaa grêphrui, Jazer ta dinga ṭap nêk hmana nasa khan i ta dingin ṭap ka ta; i kauhai chun tuipui râl an kai a, Jazer chu an va tlung hiel a; i nipui theihai chunga le i grêp rahai chunga chun suksetu a tlung ta a.

MIKA 7:1

Ka chung a va rik de! nisapui thei an sîkkhâwm laia um ang le grêp lo hun laia grêp hmu ṭhel lo ding ang ka ni si a; ra bâwr fâk ding a um nawh; ka hringna hin theichang hmin hmasa a châk a nih;

LUKA 21:36

Chuongchun, chuong thil hung tlung dinghai po po chu pumpel tlâk le Mihriem Naupa hmaa ngîr tlâka ruot in ni theina dingin, ieng lai khawmin ṭawngṭai pumin ngaiven ro,” a ta.

DÂN PAHNINA 1:38

I rawngbâwltu Nun naupa Josua hi chu lût a tih, ama hi infui rawh; Israel mihai chu ân hluotir ding a nih.

DÂN PAHNINA 16:13

“In hrizâwla mi le in uoin sâwrna khura mi in sîk khâwm zo pha ni sari sûng chu bâwkte ruoiṭhe in nei ding a nih.