JEREMIA 4:4 - Pathien Lekhabu Inthieng (BSI)

⁴ Lalpa kuoma chun ser intan unla, in lungril ser chu tan ro, nangni Jerusalema mihai le, Juda rama mihai; chuong naw chun ka lunginsenna chu mei angin fe suok a ta, i thilthawhai rîtlona lei chun; tukhawm iṭhel ruol lovin kâng a tih.

JEREMIA 4:4 ပူးပေါင်းရင်းမြစ်များ

2 CHANCHIN SUINA 34:25

kei an mi lo nghatsan ta a; an kut sinthawhaia lunginsen dinga an mi chawktho theina dingin pathien danghai kuoma chun riminhnikhai an raw a; chuleiin, ka lunginsenna chu hi hmun chunga hin bunthlâk a ni ta a, sukre el ni ta naw nih,’ tiin.

ISAI 10:17

Chun, Israelhai êntu chu mei dingin nîng a ta, an Mi Inthieng chu meichawk dingin ni bawk a tih: chu chun ni khat thilah a hlohlingneihai le a buorhai chu sukkângin sukbohmang a tih, hmawlin thing ni lo mihriem ân let lem ang elin maw!

ISAI 30:33

Topheth pakhat chu inhma daia lo buotsai tah a ni si a, anih, lal ta ding chun siem zosa hieu a nih; inthûktak le lientakin a siem a, a thil sêkkhâwl chu mei le thing tamtak a nih; Lalpa thuok, kât vadung luong ang chun a sukkâng dur dur a.

ISAI 51:17

Aw Jerusalem, Lalpa kuta inthawka a lunginsenna noa mi dâwntunu, har la, har la, tho rawh, nang chun pêm pêmna no berbua mi chu i dâwn a, i dâwn fai rêt a.

JEREMIA 15:14

Chun, i hmêlmahai le ram i hriet ngai nawa chun infetir ka ti che a, ka lunginsen chun mei chu sêm a na, i chungah chawk kumkhuong a tih.

JEREMIA 21:12

Aw David sûngkuo, Lalpa chun hieng hin a tih: Zîngtieng chun rorêlna chu tirsuok la, nêksâwrtu kuta inthawk chun suksieta um chu sansuok la; chuong naw chun, in thilthawhai rîtlo leiin, mei angin ka lunginsenna chu fe suok a ta, tukhawm ṭhel ruol lovin chawk a tih.

JEREMIA 21:5

Keima ngeiin bân phar le kut hrâtin, lunginsenna le, ṭitumna le nasataka lunginthakna leh do ka ti che a.

JEREMIA 23:19

Ngai ta u, Lalpa thlipui chu, a lunginsenna chu, a fe suok a, anih, thlivir thlipui chu, mi khawhlo lu chunga chun hung nuoi a tih.

JEREMIA 36:7

An hnina chu Lalpa hmaa pein, mi tin chu mâni um dân suola inthawk chun an hung kîr rawi mawh: hi mihai chunga lunginsenna le ṭitumna Lalpain a hril chu a nasa hle si a,” tiin.

JEREMIA 44:22

Thil tirdakum in thawhai lei le, in thilthawhai suol lei chun Lalpa chun a tuor pei ta naw a; vawisûn ni ang chen khawma a ni ang sawn, in ram chu râusan le, maktia um le, ṭawngsekawk, hluotu um lo a lo ni ta kha.

JEREMIA 9:25

Ngai ta, nihai chu a hung tlung, Lalpa chun a tih; sertan ni sia sertanlohai po po chu hrem ka ta,

JEREMIA 9:26

Aigupta dâm, Juda dâm, Edom dâm, Ammon thlahai le, Moab thlahai, barêp hmul vawa thlalêra chênghai po po le chun, chuong hnamhai po po chu sertan lo an na, Israel sûngkuohai po po chu lungrila sertan lo an nih.

ṬAP HLA 4:11

Lalpa chun a ṭiumna chu a hung sukpuitling a, a lunginsenna ṭium chu a hung bunthlâk a; Ziona chun mei a sukchawk a, a lungphûmhai kâng hmangtu chu.

EZEKIEL 16:38

Chun, nuhmei inneina dân bawse le, mâni nau thisen insuo chunga rorêl angin i chungah rorêl ka tih; i chunga chun îtthîkna le lunginsenna thisen chu hung intlungtir ka tih.

EZEKIEL 18:31

In bawsietnahai po po, in lo bawsiet tahai chu, nangnia inthawkin peihâwn unla, thlarau thar le lungril thar insiempêk unla, aw Israel sûngkuo, iengdingin am thîng in ta?

EZEKIEL 20:33

“Lalpa Pathien chun ka hring zing angin, kut hrâttak le, bân phar le lunginsenna bunthlâkin in chungah lal nîng ka ta,

EZEKIEL 21:17

Kei khawma ka kuthai ben tuong ka ta, lunginsenna chu sukdei ka tih; kei Lalpa chun ka ti ta a nih, ti rawh,” a ta.

EZEKIEL 24:13

I pawrchenaa chun hurna a um a; ka sukfai che a, sukfaia i um naw leiin, i pawrchenaa inthawkin sukfai ni ngai ta hrim hrim naw ti ni, ka lunginsenna hi i chunga ka suklungâwi hmakhat chun.

EZEKIEL 24:8

Phuba la dinga hung tlung dinga lunginsenna chu ân umtir theina dingin, a thisen chu lungpui ruok chunga chun kân suo a, inkhum a ni nawna dingin.

EZEKIEL 44:7

lungrila sertan lo le tisa khawma sertan lo, hmêlmakhai ka hmun inthienga um ding le, sukpawrche dinga ka in ngeia in hung lâklût leia in tirdakumna hi huntâwk ta raw se; Bei dâm, sathâu dâm, thisen dâm chu in inhlân lai chun, ka thuthlunghai chu in bawsiet a, in tirdakumnahai chu belsa ding chauin.

EZEKIEL 6:12

Hlataka umhai chu hripuiin thîng an ta; a hnaia umhai chu kâwlhnâmah tlûng an ta, chun, umhmuna uma inhuol khuma um chu ṭâmin thîng a tih: chuong ang chun ka lungsenna chu an chunga chun ka sukpuitling ding a nih.

EZEKIEL 8:18

Chuleiin, kei khawma lunginsenin thaw vêng ka ta, ka mitin anni chu hla naw ni a, lunginsietna nei bawk naw ning; ka naa chun râwl inringtakin hung khêk hai sien khawm, anni chu lo ngai naw ning,” tiin.

LEVI DÂN 26:28

lunginsentakin nangni kal zâwngin um ka ta; in suol leiin a let sariin hrem bawk ka ti cheu.

LEVI DÂN 26:41

kei khawm anni kalzâwnga ka um a, an hmêlmahai rama ka înumtir chu: an lungril ser tan lo chu an insukhnuoi a, an rîtlonaa inthawka an insiem ṭha chun;

AMOS 5:6

Lalpa chu zawng unla hring in tih, chuong naw chun, Josef inah mei angin hung suok a ta, kâng vawng a ta, Bethel khuoah a chun sukrêmtu ding tukhawm um naw ni hai;

ZEPHANIA 2:2

thupêk chu lâk suok a ni hma hin, busi anga ni chu a liem el hma hin, in chunga Lalpa lunginsenna ṭiumtak a hung tlung hma ngei hin, in chunga Lalpa lunginsenna a hung tlung ni hma ngei hin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:25

Dân zâwmtu i ni chun sertan chu a sâwt tak zet a nih; Dân bawsetu i ni ruok chun i sertan chu tan naw ang el a lo ni tah.

DÂN PAHNINA 10:16

Chuleiin, in lungril ser chu tan unla, kâwmaw ta naw ro.

DÂN PAHNINA 30:6

In hring theina dinga Lalpa in Pathien chu in lungril po po le in lungvar po poa in hmangai theina dingin Lalpa in Pathienin in lungril le in thlahai lungril ser chu tanpêk a ti cheu a.

DÂN PAHNINA 32:22

Ka lunginsen a chawk a, Seol mawng chenin a kâng a, Leihnuoi, a rasuok pumin a kâng zo, Tlâng innghatna dâm a kâng a.

KOLOSSA 2:11

Krista sertannaa chun mihriem tisa suol chu hlîp vawngin, ama bawka chun kuta sertan ni lova sertan in ni kha.