JEREMIA 4:31 - Pathien Lekhabu Inthieng (BSI)

³¹ Nuhmei pakhat nauhase nat tuor, a nau lutîr hung suok dinga a na tuor râwl ang chu ka hriet si a, Zion naunu, thuok insama, a kuthai phara, “Tuhin ka chung a rik de! tuolthattuhai hmaa chun ka thla chu a thidang si a,” titu râwl chu a nih.

JEREMIA 4:31 ပူးပေါင်းရင်းမြစ်များ

INṬANNA 27:46

Chun, Rebeka chun Isak kuomah, “Hit naunuhai lei hin nun hi ka nghawk a nih. Jakob hin hi ram nunghâk, hieng Hit naunuhai laia mi hi nuhmeiin a nei ve nâwk lem chun, ka ta dingin hring hi ieng am ṭhahnem a ta?” a ti a.

JOB LEKHABU (THE BOOK OF JOB) 10:1

“Ka thlâ hin ka hringna hi a nghawk a; Ka nuom tâwkin sawisêl ka tih, Ka lungril rimsiknain thu hril ka tih.

INPÂKNA HLABU 120:5

Meshekhai rama ka châm le, Kedarhai puon ina ka um hi, ka chung a va rik de!

ISAI 1:15

Chuongchun, in kut in phar pha khawm in tienga chun ka hmai hip tâng ka ta, anih, vawi tamtak in ṭawngṭai hnung khawmin ngai ta naw ningah; in kuthai chu thisenin a sip si a.

ISAI 13:8

chun, ṭîng an ta, natna le lungninawnahai chun man tâwl a tih; nuhmei nauhase angin nâng an ta, mak inti tuong an ta; an hmêlhai chu meichawk hmêl ang ni tâwl a tih.

ISAI 21:3

Chuleiin, ka kâwnghai hi natna nasatakin a sip a, nuhmei nau invawi natna angin natnain a mi man ta a; naa hre thei lo khawp hielin na ka tuor a; khaw hmu thei lo khawp hielin ka lunginzîng a.

ISAI 26:17

Nuhmei nau vawn, nei hun ta chu, a na hlak a, nauhasea a khêk rawng rawng hlak ang hin, aw Lalpa, keini khawm i hmaah kan um hlak kha.

ISAI 42:14

Sâwttak ka to zing ta a; ka um ṭawk ṭawkin kân sûm hrâm hram hlak; tu ruok hin chu nuhmei nauhase angin khêk tuor tuor ka ta; inthuok huom huomin inthuok hlawp hlawp bawk ka tih.

ISAI 6:5

Chu phingleh kei chun, “Hmûr tirdakum put mi ka na, hmûr tirdakum put mihai laia um ka ni leiin ka chung a va rik de! Ka bohmang a ni hi, ka mitin, Lal, sipaihai Lalpa chu a hmu ta si a,” ka ti a.

JEREMIA 10:19

Ka natna lei chun ka chung a va rik de! ka hliemna chu a nasa hle a; nisienlakhawm, “Indiktakin hi hi ka natna chu a na, ka tuor ding hrim a nih,” ka ti a.

JEREMIA 13:21

Nangma kal zawngin anni chu ân chûktir a nih ti hrein, i ruolhai chu i chungah luah a sie pha chun ieng am hril tâng i ta? Nuhmei nauhase nat tuor angin nang chu lungngaina chun a man ding che a ni nâwm a nih?

JEREMIA 14:18

Ramhnuoiah ka va fe leh, kâwlhnâma thihai hmu a ni a! khawpui sûng ka lût leh, ṭâmnaa na tuorhai hmu a ni a! zâwlneihai le thiempuhai chu ram sûnga chun an invâk vêl a, hrietna nei si lovin,” tiin.

JEREMIA 15:18

Iengleiin am ka natna hi a re hlek naw a, sukdam nuom dêr lo ang ela ka hliemna hi sukdam thei lova um am an ni a? Ka ta ding hin vadungte hlêmhmang, tuihai kang hlak ang chu in ni tak tak ding am a nih?

JEREMIA 18:21

Chuleiin, an thlahai chu ṭâm kuoma chun pe la, anni chu kâwlhnâm thilthawtheina kuoma chun pe rawh; chuongchun, an nuhmeihai chu nau bo le, hmeithaihai innitir la, an pasalhai chu thinaa sukhlum ni hai sienla, chun, an tlangvâlhai chu indonaa kâwlhnâma that ni raw hai se.

JEREMIA 22:23

Aw Lebanon hluotu, sidar thinghaia bu septu, nuhmei nauhase nat anga natna, i chunga tuornahai a hung tlung pha chun lungsiet i va um âwm de!

JEREMIA 30:6

Tuhin indawn unla, en vêl ta u, pasal nauhasea na an um hlak am? Iem a ti a nuhmei nauhase nat tuor ang hrieu a, pasal tin chu a kuthai a taiah innghata, mi tin hmai chu dâng vawnga ka hmu hi?

JEREMIA 45:2

“Aw Baruk, Lalpa, Israel Pathien chun i kuoma chun hieng hin a tih.

JEREMIA 48:41

Kerioth chu lâkin a um a, kul dethai chu maktiin an um a; chu ni chun Moab mi thilthawthei lungril chu nuhmei na tuor lai lungril ang nîng a tih.

JEREMIA 49:22

Ngai ta u, hung suok a ta, mupui angin vuong a tih, chun, a thlahai chu Bozra chunga chun phar a ta; chun, chu nia chun Edoma mi thilthawtheihai lungril chu nuhmei na tuor lai lungril ang nîng a tih” tiin.

JEREMIA 49:24

Damaska chu a hung hrât naw a, tlân hmang dingin ân her a; inthinnain ama chu a man a; thuokdawngna le lungngaium chun ama a chel tlat ta a; nuhmei nauhase nat tuor ang elin.

JEREMIA 50:43

Babulona lal chun an ri chu a lo hriet a, a kuthai chu a hung chau a, ama chu lunginzîngna chun a man ta a, nuhmei nauhase nat tuor angin a na ta a.

JEREMIA 6:2

Ngainobei le inno Zion naunu chu sât thlâng ka tih.

ṬAP HLA 1:17

Zion chun a bânhai a phar vêl a, ama thlamuongtu ding tukhawm an um nawh, Lalpa chun Jakob chungthua chun, ama vêl hnaia umhai po chu a hmêlmahai nîng an tih tiin thu a lo pêk ta a; Jerusalem chu anni laia chun thil thiengnaw ang a lo ni tah.

ṬAP HLA 1:20

Ngai ta, aw Lalpa, rimsiin ka um hi; ka phîng sûng a buoi zo tah; Ka lung chu ka sûnga chun ân her a, khawhlotakin ka lo hel ta si a; Kawtthlêra chun kâwlhnâm chun a sukfahra a, ina chun thina a um a.

ṬAP HLA 2:21

Mi a naupang le upa khawm chu kawtthlêra chun hnuoiah an zâl a; Ka nunghâkhai le ka tlangvâlhai chu kâwlhnâmah an tlu a; I lunginsenna nia chun anni chu i sukhlum a, Anni chu i that a, i lunginsiet naw a,

HOSEA 13:13

Nuhmei nauha invawi lungngaina ang chu a chungah hung tlung a tih, Ama chu naupa varna nei lo a nih, A huntakah nau hung suokna hmunah a um si nawh.

MIKA 4:10

Aw Zion naunu, nuhmei nau invawi nau nei ding angin na tuor la, invawi rawh; tuhin khawpuia inthawk fe suok i ta, ramah chêng i tih. Babulon chen khawmin i fe ding a ni si a: chutaka chun sansuokin um i ta, chutaka chun i hmêlmahai kuta inthawkin Lalpa chun sansuok a ti che.

MIKA 4:9

Iengdinga i ṭap rak am a na? I sûngah laltak chu a um naw am a nih? I remruottu chu a bohmang ta am a nih? Nuhmei nau invawi anga natnain a man el ta che chu!

MIKA 7:1

Ka chung a va rik de! nisapui thei an sîkkhâwm laia um ang le grêp lo hun laia grêp hmu ṭhel lo ding ang ka ni si a; ra bâwr fâk ding a um nawh; ka hringna hin theichang hmin hmasa a châk a nih;

MATTHAI 21:5

“ ‘En ta, i Lal chu thuhnuoirawltakin, Sabengtung chungah, sabengtungtê chunga ngeia chuongin, I kuomah a hung ding a nih,’ tiin, Zion naunu chu hril rawh,” ti hi.

1 KORINTH 9:16

Chanchin Ṭha hril lang khawm suong ding hrim hrim ka nei si naw a; thaw mâkmaw ka chungah ân nghat a ni si a; Chanchin Ṭha hril naw lang ka chung a rik ding a ni si a.

1 THESSALONIKA 5:3

“Muongna le himna,” tia an hril lai takin, nuhmei nauhase angin kârlovin an chungah bohmangna hung tlung a tih, pumpel naw tawp an tih.