JEREMIA 4:26 - Pathien Lekhabu Inthieng (BSI)

²⁶ Ka hei en a, ngai ta, ram rahlâwktakhai khawm chu thlalêr a lo ni ta a, chutaka khawpuihai po po chu Lalpa hmaihmaa le, a lunginsenna ṭiumtak hmaa chun a lo chim tâwl ta a.

JEREMIA 4:26 ပူးပေါင်းရင်းမြစ်များ

INPÂKNA HLABU 107:34

Ram ṭha chu ram ṭâwl chawkah ân changtir hlak a, A sûnga umhai rîtlona leiin.

INPÂKNA HLABU 76:7

Nang, nangma ngei chu ṭi ding i nih, I lunginsen taphawt chun tu am i mithmuah ngîr thei an ta?

JEREMIA 12:13

Bu an chîng a, hling an sîk a; anni chu an insukna a, nisienlakhawm, iengkhawm a hlawk nawh, Lalpa lunginsenna ṭiumtak lei chun i rahai chu inzapui i tih.

JEREMIA 12:4

Ieng chen am ram chun sûnin, ram pumpui hlohnahai chu a vuoi ding a na? chutaka an rîtlona um zing lei chun, ramsahai le vatehai khawm chu an bohmang a, “Ei ni hnungtieng tâwpna chu hmu naw ni,” an ti leiin.

JEREMIA 25:11

Chuongchun, hi ram pumpui hi rausan le maktiah um a ta; chun, hnamhai chun kum sâwmsari sûng Babulon lal rawng chu bâwl an tih.

JEREMIA 7:34

Chun, Juda khawpuihaia inthawk le Jerusalem kawtthlêrhaia inthawk chun hlimna râwl dâm, lâwmna râwl dâm, moneitu râwl dâm, mo râwl dâm inrêtir ka tih; ram chu suksiet a ni ding a ni si a.

JEREMIA 9:10

Ṭap ka ta, tlânghai ta dinga sûnin ṭapinrûm ka tih, ramrenaa ran tlatna hmunhai ta ding chun sûn ka ta; Chuong hmunhai chu inramin an um ta leiin, tukhawmin an hraw thleng ta ngai naw a, ran ruol inbu ri khawm chu hriet a ni ta naw a, chunglêng vatehai le ramsahai khawm chu an tlânsein, an tlânhmang tah.

ṬAP HLA 2:7

Lalpa chun a maichâm chu a peihâwnpêk a, a hmun inthieng khawm chu a sukthim a; A in ropui kulhai chu hmêlma kuta chun a pêkpêk bawk a. Inkhâwmpui hunbi nei nihai ang elin, Lalpa ina chun an khêkri chêl chûl a,

LEVI DÂN 26:31

In khuohai chu sukrêm ka ta, in hmun inthienghai chu sukrêm bawk ka tih; in rim inhnikhai khawm chu inhnam naw bawk ka tih.

MIKA 3:12

Chuleiin, Zion chu, nangni lei chun lo anga inlet nîng a ta, Jerusalem chu thil se um khâwm nîng a ta, biekin umna tlâng chu ramhnuoi hmun insâng ang nîng a tih.

ZEPHANIA 1:18

Lalpa lunginsenna nia chun an tangkain amanih, an rângkachakin amani khawm sansuok thei naw ni a; amiruokchu, ram pumpui chu a thîkna mei chun kâng hmang a tih; tâwpna chu, anih, rama chêngtuhai po po tâwpna râpthlâktak el chu ân tlungtir vak ding a ni si a.