JEREMIA 4:23 - Pathien Lekhabu Inthieng (BSI)

²³ Leihnuoi chu ka en leh, ngai ta, a ruok le a sie a na; vânhai khawm chun varna an nei naw a.

JEREMIA 4:23 ပူးပေါင်းရင်းမြစ်များ

INṬANNA 1:2

Chun, hnuoi hi a sie le a ruok ngawt a na, tui inthûktak chung chu ân thim mup a. Pathien Thlarau chun tui chunghai chu a awp zing a.

ISAI 13:10

Vân arasihai le a sizuchohai chun an var insuo naw ni hai a, nisa chu a suok laia sukthimin um a ta, thla khawma a var chu ân vartir ta naw ding a nih.

ISAI 5:30

Chu nia chun tuisuoriet inri dur dur angin an chungah inri dur dur an ta, chuongchun, miin ram chu an hei thlîr chun, ngai ta, inthim le lunginzingna ruok nîng a tih, var hlak chu chutaka sûmahai chun sukthimin a um a.

JEREMIA 2:12

Aw nangni vânhai, hi chunga hin makti unla, a ṭitin ṭi unla, nasataka râusanin um ro, Lalpa chun a tih.

JEREMIA 9:10

Ṭap ka ta, tlânghai ta dinga sûnin ṭapinrûm ka tih, ramrenaa ran tlatna hmunhai ta ding chun sûn ka ta; Chuong hmunhai chu inramin an um ta leiin, tukhawmin an hraw thleng ta ngai naw a, ran ruol inbu ri khawm chu hriet a ni ta naw a, chunglêng vatehai le ramsahai khawm chu an tlânsein, an tlânhmang tah.

ṬAP HLA 3:2

Ama chun a mi ṭhuoi a, varah ni lovin, inthimah a mîn lâwntir a.

JOEL 2:10

An hmaa chun hnuoi khawm ân thin a; vânhai ân hnîng a; nisa le thla chu an inthim a, arasihai chun an var an thup a:

AMOS 8:9

Chun, Lalpa Pathien chun a hril a, Chu nia chun, sûn changlai nisa intlâktir ka ta, nisa sat lai chun hnuoi chu sukthim ka tih.

ZEKARIA 14:6

Chu ni chun a var khawm chu var ta naw ni a, inthim lem tâng a ta;

MATTHAI 24:29

“Nisienlakhawm, chuong ni rinum zo phingle chun, nisa inthimin um a ta, thla var ta naw ni a, vâna arasihai hung tlâng an ta, vân thilthawtheinahai chu sukhnîngin um a tih.

MATTHAI 24:35

Hnuoi le vân bo a ta, ka thu ruok chu bo naw ni.

THUPUONGSUO 20:11

Chun, lalṭhungpha lientak vârtak le a chunga ṭhung chu ka hmu a, a hmaa inthawk chun hnuoi le vân an tlân hmang a, an ta dingin hmun hrim a um ta naw a.