JEREMIA 4:22 - Pathien Lekhabu Inthieng (BSI)

²² “Ka mihai an invêt a, an mi hriet si naw a; naupang invêttak ang, hrietthiemna hrim khawm an nei naw, thil ṭha naw thaw dingin an var a, thil ṭha thaw ding ruok chun hrietna an nei nawh.”

JEREMIA 4:22 ပူးပေါင်းရင်းမြစ်များ

INṬANNA 39:16

Chun, Josef pu a hung hmakhat chu a silfên chu a kâwlah a lo sie zing a.

2 SAMUEL 13:3

Amiruokchu, Amnon chun ruol a nei a, a hming chu Jonadab a na, David unaupa Simea naupa a nih; Jonadab chu mi var vervêktak a nih.

INPÂKNA HLABU 36:3

A baua thu suokhai chu suolna le hlêmna ruok a ni hlak a, Varna le thil ṭha thawna chu a bânsan ta a.

INPÂKNA HLABU 36:4

A khumlaizâwla chun thilsuol a ngaituo hlak a, Lampui ṭha nawa chun a fe hrâm hrâm a, Suolna chu a tirdak nawh.

INPÂKNA HLABU 53:4

Thilsuol thawtuhai chun hriet hrim hrim an nei naw am a nih? Bei an fâk angin ka mihai an fâk zo vawng hlak a, Pathien hlak an ko ngai bawk nawh.

INPÂKNA HLABU 82:5

An hriet naw a hrietthiemna an nei bawk nawh; In thima chun an inlawn an inlawn a; Leihnuoi innghatna po po chu ân hnîng ta vawng a.

THUVARHAI 28:5

Mi suol chun rorêlna chu a hrietthiem naw a, Lalpa zawngtuhai ruok chun thil po po an hrietthiem.

ISAI 1:3

Bâwngchal chun a pu a hriet a, sabengtung khawma a pu bupêkna a hriet bawk a, Israelhai ruok chun an hriet si naw a; ka mihai chun an ngaituo naw a nih,” tiin.

ISAI 27:11

A kauhai chu a vuoi pha chun thliekin um a ta, nuhmeihai hung an ta, raw el an tih; hriet theina hrim hrim nei naw mihai an ni si a; chuleiin, anni siemtu chun anni chu lunginsiet naw ni a, anni inngîrtu chun anni chu a ditin ditsak hrim hrim bawk naw nih.

JEREMIA 10:8

Anni chu ngawng tak le invêt an na, milim inchûktirna chu thing bul el chu a nih.

JEREMIA 13:23

Ethiopia mi chun a vun chu a thlengin, keitê khawma a zie chu a thleng thei am a nih? Thil ṭha naw thaw ngaia hmanghai hin thil ṭha chu in thaw ding am a nih?

JEREMIA 2:8

Thiempuhai khawm chun, “Lalpa kha khaw lai am a um a?” khawm an ti naw a; dân hmangtuhai hlak chun an mi hriet bawk nawh: rorêltuhai khawm chun ka chungah an bawsiet a, zâwlneihai khawm chun Baal hmangin thu an hril a, thil a hlâwkna um dêr lohai chu an hnawt ta lem a.

JEREMIA 4:21

Ieng chen am puonzâr chu ka hmuin, tawtawrâwt ri chu ka hriet zing ding a na?

JEREMIA 5:21

Aw hrietthiemna boa mi invêthai, tuhin hi hi lo ngai ta u; mithai nei sia, hmu lohai, nahai nei sia hre lohai;

JEREMIA 5:4

Chun, kei chun, “Matheilovin, hienghai hi mi rimsi an na; invêt an nih: an Pathien rorêl amani, Lalpa lampui amani khawm chu an hriet si naw a.

JEREMIA 9:2

Ka chipuihai hi ka mâksana, an kuoma inthawka ka fe hmang theina dingin, thlalêra hin khuol inzinhai riekna hmun nei lang chu aw! anni chu uirehai le, mi khawhlohai um khâwm an ni vawng el si a.

JEREMIA 9:3

Thudik nawa dingin an thalngul ang elin an lei chu an kuoi a; chu rama chun thahrâttakin an hung inṭhang a, thudika ruok chun ni lovin; thil suola inthawkin thil suola vêk chun an pakai a, kei khawm an mi hriet hlawl nawh, Lalpa chun a tih.

JEREMIA 9:5

Chuongchun, mi tin chun mâni tuolbâwm chu hlêm a ta, thu dik hril naw ni; an lei chu khêlthu hril dingin an inchûktir ta a; thil suol thaw dingin anni le anni chu an insuklungzîng a.

EZEKIEL 16:30

Hieng thil, nuhmei châk tawm tawmhai sin i thaw hi hmuin, ‘I lungril chu a va khawhlo de!’ Lalpa Pathien chun a ti a nih.

HOSEA 4:1

Israel mipuihai, Lalpa thu chu ngai ta u; Hi rama hin thutak le lunginsietna le Pathien hrietna a um naw leiin, Lalpa chun ram hluotuhai hêkna ding a nei.

HOSEA 4:6

Ka mihai chu hrietna tlâksam leiin sukbohmang an na, Hrietna chu i dit naw leiin kei khawma ka thiempu i ninaa inthawk chun dit naw ve tâng ka ti che. I Pathien dân chu i theinghil vei a, Kei khawmin i nauhai theinghil vêng ka tih.

HOSEA 5:4

An Pathien tienga nghakîr dingin, An thil thaw hlakhai chu an bânsan naw a; Nawchizawr lungril anni lai a um si a, Lalpa chu an hriet naw a nih.

AMOS 3:10

An lal inahai pâwngnêkna le suomhmangna siekhâwmtuhai chun sukdik dân an thiem si nawh,” Lalpain a ti a.

MIKA 2:1

An khum laizâwla khawhlona suongtuotuhai le thil ṭha naw ngaituo suoktuhai chu an chung a rik de! Zîngkâra khuo a hung var hin chu chu an thaw hlak a, anni kut thilthawtheina a ni si leiin.

MIKA 7:3

An kuthai chu thil ṭha naw chungah taimataka thaw dingin an innghat a; lal chun thamna a ngên a, rorêltu chun lâwmman a ngiet a; milien chun a lungril thil suksuolna a hril suok a; chuong ang chun an inthuruol tâwl a nih.

LUKA 16:8

Chun, a pu chun, sum enkawltu fel naw chu a rem hriet leiin ân pâk ta a; var nauhai nêkin khawvêl nauhai hi an tulai dâna hin an var lem a nih.

JOHAN 16:3

Chuong thil chu thâwng an tih, Pa le kei an mi hriet naw leiin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:22

Vara inngaiin invêt an lo ni ta a,

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:28

Chun, Pathien hriet an nuom naw leiin, thil mawi naw tak tak thaw dinga a dit naw zâwng lungril nei phalin Pathienin a nghatsan ta a;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 16:19

In awizie chu mi po po kuomah ân thang suok ta si a. Chuleiin, nangni chungthuah ka lâwm a nih; nisienlakhawm, a ṭha tieng in vara, a suol tieng in var naw ka nuom a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:11

Tûkhawm a hre thiem hrim an um nawh, Tûkhawm Pathien zawng hrim an um nawh.

1 KORINTH 14:20

Unauhai, lungril tieng naupang naw ro; nisienlakhawm, suol kawnga chu nautê ang ni unla, lungril tienga chun puitling ro.

DÂN PAHNINA 32:28

Varna bo hnam an na, Annia chun hrietthiemna a um nawh.

DÂN PAHNINA 32:6

Aw mi invêt le var nawhai, Chuong ang chun maw Lalpa chu in thung ding chu? Ama chu ân dintu che i pa, Siemtu che le inngîr dettu che ni lo am a nih?