JEREMIA 4:19 - Pathien Lekhabu Inthieng (BSI)

¹⁹ Ka phîng, ka phîng! ka lungah a na; ka lung chu a to ṭawk ṭawk naw tawp a; ka to ṭawk ṭawk thei nawh; indona inṭhi lâwkna tawtawrâwt ri chu, aw ka thla, i lo hriet ta leiin.

JEREMIA 4:19 ပူးပေါင်းရင်းမြစ်များ

INṬANNA 49:6

Aw ka thlarau, nang chu an inrâwnnaa chun inrawl ve naw rawh: An lunginsenin mi an that a, An kâwmawnain bâwngchal tha an sat a.

2 LALHAI 4:19

Chun, a pa kuoma chun, “Ka lu, ka lu,” a ta. Chun, ama chun a siehlaw kuoma chun, “A nu kuomah ama kha ṭhuoi rawh,” a ta.

2 LALHAI 8:11

Chuongchun, a ta dinga inzakum khawp rauin a mel ta zing el a, chun, Pathien mi chu a ṭap ta a.

INPÂKNA HLABU 103:1

Aw ka hringna, Lalpa chu inpâk la, Ka sûnga um po pohai, a hming inthieng chu inpâk ro.

INPÂKNA HLABU 116:7

Aw ka hringna, i châwlnaa chun kîr nâwk rawh, Lalpa chun i chungah ṭhatakin a thaw ta si a.

INPÂKNA HLABU 119:136

Ka mitthli hi vadung tui angin a luong thla a, I dân an zâwm naw leiin.

INPÂKNA HLABU 119:53

Lungninawna nasatak hin a mi tlâk khum a. Mi rilo i dân fesantuhai leiin.

INPÂKNA HLABU 146:1

Lalpa chu inpâk ro, Aw ka hringna, Lalpa chu inpâk rawh.

INPÂKNA HLABU 16:2

Lalpa kuoma chun, “Nang chu ka Lalpa i na, Nangmaa naw chun thil ṭha hrim ka nei nawh,” ka ti a.

ISAI 15:5

Moabhai leiin ka lungril chu a khêk a; an mi ṭhahai chu Zoar khuoa le Eglath-selisijah-ah an tlân a, Luhith lam tunga chun ṭap pumin an fe a nih; Horonaim lampuia chun sietna khêkin an khêk suok a nih.

ISAI 16:11

Chuleiin, ka rîhai chu Moab lunginsiet leiin ṭingṭang angin ân ri a, ka phîng sûng chu Kirheres lunginsiet leiin ṭingṭang angin ân ri bawk a.

ISAI 21:3

Chuleiin, ka kâwnghai hi natna nasatakin a sip a, nuhmei nau invawi natna angin natnain a mi man ta a; naa hre thei lo khawp hielin na ka tuor a; khaw hmu thei lo khawp hielin ka lunginzîng a.

ISAI 21:4

Ka lungril hi ân thuok hlawp hlawp a, thil râpthlâktakin a mi suklâu a; zântieng dei ka nghâkhla hlak kha ka ta dingin inthinnaah ân chang a,

ISAI 22:4

Chuleiin, kei chun, “Mi en lovin, khingtieng en ro, ka ṭap rak rak ding a nih; ka mihai naunuhai râllâka an lâk thua chun mi thlêm inkhaw nuom naw ro,” ka ti a.

JEREMIA 13:17

Nisienlakhawm, in ngai naw chun, in chapona lei chun ka thla chu inrûkin ṭap a tih; Lalpa berâm ruol chu sala man an ni tâk leiin ka mit chu rinum titakin ṭap a ta, mitthliin luong thlâng a tih.

JEREMIA 20:9

Chun, ama chanchin hi hril nâwng ka ta, a hmingin thu hril naw ningah, ti ding ni lang, ka ruhai sûnga mei khâr nela chawk ang elin ka lungrila hin a um a, ka topui ṭawk ṭawk thei naw a, ka umpui thei naw a.

JEREMIA 23:9

Zâwlneihai chungthua chun; ka lungril chu ka sûnga chun a kawise a, ka ruhai po po khawm ân hnîng a; zu inrui mi, mi uoinin a hne zet ang el chu ka nih; Lalpa lei le, Lalpa thu inthienghai lei chun.

JEREMIA 4:21

Ieng chen am puonzâr chu ka hmuin, tawtawrâwt ri chu ka hriet zing ding a na?

JEREMIA 4:5

Juda rama chun hrilfie unla, Jerusalema chun puong ro, “Rama chun tawtawrâwt chu mût unla, khêk inring unla, hieng hin ti ro: Hung inkhâwm tâwl unla, khawpui kulneiahai chun fêng ei tiu,” tiin.

JEREMIA 42:14

‘Ni lo, Aigupta ramah fe lem ei ta, chutaka chun indona hlak hmu nâwng ei ta, tawtawrâwt ri hlak hre nâwng ei ta, bei tlâksam hlak hre bawk nâwng ei ta, chutaka chun chêng ei tiu,’ ti in ni chun;

JEREMIA 49:2

Chuleiin, ngai ta u, nihai chu a hung tlung mêk, Lalpa chun a tih: Ammon thlahai Rabba chunga chun indona ṭhâwnglâwk ri chu hriet ngei dingin inumtir ka ta; chuongchun, râusan hmun pâwng el hung nîng a ta; a naunuhmeihai chu meiin kâng an tih; chuongchun, ama lo neitu chu Israel chun nei ve thung a ta, Lalpa chun a tih.

JEREMIA 50:22

Suksietna ropuitak le, indona ri chu rama chun a um a.

JEREMIA 6:24

Chu thuthang chu kan lo hriet a; kan kuthai chu a hung châu a, lungzîngna chun keini a mi man a, nuhmei nauhase nat tuor ang el chun keini chu a mi chip a nih.

JEREMIA 8:18

Aw lungngainaa inthawk hin keima le keima bêk inthlamuong thei lang chu; ka sûnga chun ka lung hlak chu a thidang si a.

JEREMIA 8:21

Ka chipuihai naunu suknatnaa chun suknat vein ka um a, ka thla ân vai a, beidawngnain a mi chel tlat a.

JEREMIA 9:1

Aw ka chipuihai naunu sukhluma um chu a sûn a zâna ka ṭa theina dingin ka lu hi tuihai ni sienla, ka mithai hi mitthli tuikhurhai hung ni sien chu!

JEREMIA 9:10

Ṭap ka ta, tlânghai ta dinga sûnin ṭapinrûm ka tih, ramrenaa ran tlatna hmunhai ta ding chun sûn ka ta; Chuong hmunhai chu inramin an um ta leiin, tukhawmin an hraw thleng ta ngai naw a, ran ruol inbu ri khawm chu hriet a ni ta naw a, chunglêng vatehai le ramsahai khawm chu an tlânsein, an tlânhmang tah.

ṬAP HLA 1:16

Hieng thilhai lei hin ka ṭap a; ka mit chu tuiin a luongthla a, Thlamuongtu ka lungril sukhartu ding kha keimaa inthawka a hlat êm leiin. Hmêlmahai chun an hne ta leiin, ka nauhai chu râusanin an um ta a.

ṬAP HLA 1:20

Ngai ta, aw Lalpa, rimsiin ka um hi; ka phîng sûng a buoi zo tah; Ka lung chu ka sûnga chun ân her a, khawhlotakin ka lo hel ta si a; Kawtthlêra chun kâwlhnâm chun a sukfahra a, ina chun thina a um a.

ṬAP HLA 2:11

Ka mithai chun mitthli a tlasam hiel a, ka sûng tieng a buoi zo a, Ka mîtkhâ chu hnuoi chungah bunthlâkin a um a, ka mihai naunuhai suksietna lei chun; Naupang dâwnghai le nêne ne laihai chu kawtthlêrhaia chun an inkawn el a.

DANIEL 4:19

Chun, Daniel a hming dang Beltesazzar chu chawmkhat tak chu mak ti takin a um a, a ngaituonahai chun ama a sukbuoi vieu a. Lal chun a dawn a; “Beltesazzar, mang chun amanih, a umzie chun amanih sukbuoi naw raw se che.” a ta. Beltesazzar chun a dawn a. “Ka lalpa, mang chu nangma theidatuhai che ta ding a na, a umzie chu i hmêlmahai ta ding a nih.

DANIEL 7:15

“Kei Daniel ruok chu, ka taksa sûnga chun ka lungril chu suknatin a um a, ka lua thil hmulâwkhai chun an mi suklungzîng hle a.

DANIEL 7:28

“Hi hi thu tâwpna chu a ni a; kei Daniel ta ding chun ka ngaituonahai chun a mi sukbuoi hle a, ka hmêlputziehai chu a hung danglam a; nisienlakhawm, chu thil chu ka lungrilah ka vawng zing a,”tiin.

DANIEL 8:27

Chun, kei Daniel chu ka châu a, ni iengzât amani chu ka damnaw a; chun, ka tho a, lal sin chu ka thaw ta a: nisienlakhawm, thilhmulâwka chun mak ka ti êm êm a, tukhawma an hriet thiem si naw a.

AMOS 3:6

Khawpuiah tawtawrâwt an mûtin, mi ṭi lovin an um hlak am a nih? Lalpa thaw lo chun khawpuia chun sietna a tlung thei ding am a nih?

HABAKKUK 3:16

Ka hriet a, ka phîngsûng chu ân thin a, Ka hmûrhai chu râwlria chun ân thin hlawp hlawp a; Ka ruhaia chun hmawnna a hung lût a, chuongchun, ka hmuna chun kân thin a nih; Buoina nia chun châwl kata, Mipui, sipai pâwl anga mi rûntu chunga an hung tlung pha chun.

NAMBAR 10:9

In rama hmêlma hnuoisietu cheu do dinga in fe ding phâ râlkhêl mûtin tawtawrâwthai chu in mût ding a nih; chuongchun, Lalpa in Pathien hmaa chun hriet zing nîng in tih, chun, in hmêlmahaia inthawk chun sanhim ni bawk in tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 10:1

Unauhai, ka lung nuom zâwng le, anni ta dinga Pathien kuoma ka ṭawngṭaina san tak hi, sandam an hung ni theina ding a nih.

1 KORINTH 14:8

Tawtawrâwt hi mumal nei lova ân ri chun tu am râl kâp dingin inbuotsai an ta?

GALATI 4:19

Ka nauhai, Krista chu nangnia siem puitlinga a um hmakhat chu nauha invawiin kân vawi nâwk cheu hi.

RORELTUHAI 5:21

Kison vadung chun anni a hnâwl hmang vawng a, Tienlai vadung, Kison vadung chun. Aw ka thlarau, hrâttakin fe pei rawh!