JEREMIA 4:14 - Pathien Lekhabu Inthieng (BSI)

¹⁴ Aw Jerusalem, sandama i um theina dingin i khawhlonaa inthawk chun i lungril chu sâwpfai rawh. I ngaituona rilohai hi ieng chen am i lungrila chun a châm ding a na?

JEREMIA 4:14 ပူးပေါင်းရင်းမြစ်များ

INPÂKNA HLABU 119:113

Lungril mumal neilo mihai chu ka theida a, I dân ruok chu ka ngaina a nih.

INPÂKNA HLABU 51:2

Ka rîtlonahai hi mi sâwpfaipêk var la, Ka suol hi mi sâwpfaipêk rawh.

INPÂKNA HLABU 66:18

Ka lungrila suolna ka ngaisak chun, Lalpa chun mi ngaisak naw nih.

THUVARHAI 1:22

Ieng chen am nangni mi mâwlhai, mâwlna hi in hmangai ding a na? Hmusittuhai chu an hmusitnaa chun an lâwmin, Invêthai chun ieng chen am hrietna chu in theida ding a na?

ISAI 55:7

mi rilo chun a um dân chu bânsan sienla, mi fel naw chun a ngaituonahai chu bânsan bawk raw se; Lalpa kuomah kîr nâwk raw se; chuongchun, ama chun lo lunginsiet a ta; ei Pathien kuomah kîr nâwk raw se, ama chun a lo ngaidam nasa khawp âwm si a.

JEREMIA 13:27

Ramhnuoi muol chunghaia i châkna hurna, i în hrâmnahai, i uirenahai, i tirdakumnahai chu ka hmu a. Aw Jerusalem, i chung a va rik de! sukthieng i ni âwm si naw a, ieng chen am a la ni ding chu aw?

JEREMIA 17:1

Juda suolna chu thîr kawlawm le, lunghlu hmawr zuma ziek a nih; an lungril lungphêka chun a kera ker a na, in maichâm kiahai le chun;

JEREMIA 18:11

Chuleiin, tuhin fe la, Jerusalem hluotuhai le Juda rama mihai kuoma chun thu hril la, ‘Lalpa chun hieng hin a tih: Ngai ta u, in chungah thil ṭha naw ka riruong a, in chungah phierrûkna ka phierrûk a, tuhin mi tin mâni lampui rilo senga inthawk chun hung kîr raw se; chuongchun, in thilthawhai le in lampuihai chu siem ṭha ro,’ tiin.

JEREMIA 2:22

Changalin în sâwp a, sâbawn tamtak i hmanga chu, i suolna chu ka hmaa chun a la chieng rawp a nih, Lalpa Pathien chun a tih.

JEREMIA 6:19

Aw leihnuoi, lo hre ta, ngai ta, ka thuhai chu an ngai naw leiin hi hnam chunga hin thil ṭha naw, an ngaituonahai ra ngei chu kân tlungtir ding a nih; ka dân hlak chu an lo hnâwl a.

EZEKIEL 18:31

In bawsietnahai po po, in lo bawsiet tahai chu, nangnia inthawkin peihâwn unla, thlarau thar le lungril thar insiempêk unla, aw Israel sûngkuo, iengdingin am thîng in ta?

ZEKARIA 8:17

nangni laia mi tukhawma mâni tuolbâwm chungah thil ṭha naw a lungrilah suongtuo hlek naw raw se; inkhâmna indik naw chu ngaina naw unla, hienghai ku hi a nih thil ka theida chu, sipaihai Lalpa chun a tih,” tiin.

MATTHAI 12:33

“Thing chu a ṭha a, a ra khawm a ṭha, in ti naw nghâl an leh, thing chu a sie a, a ra khawm a sie, ti nghâl nghâl ro; thing chu a rain ân hriet si a.

LUKA 11:39

Chun, Lalpa chun a kuomah, “Nangni Pharisaihaiin no le thlêng puo tieng chu in sâwp fai hlak luo a; in sûng tieng ruok chu hlêprûkna le suolin a sip si a.

JOHAN 13:9

Simon Peter chun a kuomah, “Lalpa, chuong a ni chun, ka ke chau ni lovin, ka kut le ka lu khawm tie,” a ta.

THILTHAWHAI 8:22

Chuleiin, i suol hi sim la, Lalpa kuomah ṭawngṭai rawh, chuongchun, i lungrila i ngaituo hi a ngaidam thei khiet che rawi mawh.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:21

Pathien hre zing siin Pathien angin an chawimawi naw a, lâwmthu khawm an hril bawk si nawh. Teplo mei mei an ngaituo lem ta a, an lungril invêt chu a hung inthim ta a.

1 KORINTH 3:20

“Lalpa chun mi varhai ngaituona chu a thlâwn a nih ti a hriet,” ti ziek a ni nâwk bawk a.

JAKOB 4:8

Pathien hnai ro, chuongchun, amain hnai a ti cheu. Mi suolhai, in kuthai sâwpfai ro, lungril bulbâl nei nawhai, in lungrilhai sukthieng ro.