JEREMIA 4:13 - Pathien Lekhabu Inthieng (BSI)

¹³ Ngai ta, ama chu sûmhai angin a tungin hung a ta, a sakawr tawlailîrhai chu thlivir ang nîng an tih, a sakawrhai khawm chu mupuihai nêkin an hrât lem a nih. Ei chung a va rik de! suksietin ei um si a.

JEREMIA 4:13 ပူးပေါင်းရင်းမြစ်များ

2 SAMUEL 1:23

Saula le Jonathan umdân chu dit a umin a mâwi a, An thi khawma an inṭhe nawh; Mupuihai nêkin an ṭuonrang lem a, Sakeibakneihai nêkin an hrât lem.

ISAI 13:5

Annirawi, Lalpa le a lungninawna hriemhreihai chu, ram hlataka inthawk, kâwlkawdawng tâwp rêta inthawkin, ram po po hi sukse dingin an hung a ni chu.

ISAI 19:1

Aigupta ram phurrik chu, Ngai ta, Lalpa chu sûm hrâttak chunga chuongin Aigupta ram a hung tlung tah ie! Aigupta ram milimhai chu a hmaa chun inthin dar dar an ta, Aigupta mihai lungril chu an sûnga chun intuihmang el a tih.

ISAI 3:8

A ropuina mit chu suknuor dinga an ṭawng le an thilthawhai chu Lalpa do tieng a ni leiin Jerusalem chu a se zo a, Judahai chu an tlu zo tah a nih.

ISAI 5:28

an thalhai chu inzumtak a na, an thalngulhai po po chu kuoi sain a um ṭhup a; an sakawr tinhai chu meitâwklung ang nîng an ta, an tawlailîr kehai chu thlivir ang ela ngai ni bawk an tih.

ISAI 66:15

Ngai ta u, a lunginsenna chu hrîkthla ding le, a kâwkna chu meichawkhaia hrîkthla dingin, Lalpa chu mei leh a hung ding a ni si a, a tawlailîrhai chu thlivir ang el nîng a tih.

JEREMIA 10:19

Ka natna lei chun ka chung a va rik de! ka hliemna chu a nasa hle a; nisienlakhawm, “Indiktakin hi hi ka natna chu a na, ka tuor ding hrim a nih,” ka ti a.

JEREMIA 4:12

thli hrâttak hienga inthawk hin ka kuomah hung a tih; tuta an chungthu rêla hriltu khawm hi kei ka nih,” ti nîng a tih.

JEREMIA 4:31

Nuhmei pakhat nauhase nat tuor, a nau lutîr hung suok dinga a na tuor râwl ang chu ka hriet si a, Zion naunu, thuok insama, a kuthai phara, “Tuhin ka chung a rik de! tuolthattuhai hmaa chun ka thla chu a thidang si a,” titu râwl chu a nih.

JEREMIA 46:18

Laltak a hming khawm sipaihai Lalpa chun, ka hring zing angin; tuisuoriet panga Karmel ang le, tlânghai laia Tabor tlâng angin, ama chu hung ngei ngei a tih.

JEREMIA 48:40

“Lalpa chun hieng hin a ti si a: Ngai ta u, mupui angin vuong a ta, Moab chunga chun a thlahai zâr a tih.

JEREMIA 49:22

Ngai ta u, hung suok a ta, mupui angin vuong a tih, chun, a thlahai chu Bozra chunga chun phar a ta; chun, chu nia chun Edoma mi thilthawtheihai lungril chu nuhmei na tuor lai lungril ang nîng a tih” tiin.

JEREMIA 6:23

Thalngul le fei an chawi a; an râwng hle a, lunginsietna hrim an nei dêr nawh; an râwl chu tuipui angin ân hawk a, anni chu sakawr chunghaia chun an chuong a; mi tin el chu indonaa angin, i chunga chun, aw Zion naunu, an hung intlar a nih.

JEREMIA 9:19

Ziona inthawk chun ṭapinrûm ri chu hriet a ni si a; Ei siet nasat tâkzie chu! ram chu ei nghatsan a, ei chêngnahai chu an sukchim tâk leiin nasataka sukbuoiin ei um a.

ṬAP HLA 4:19

Eini mi hnawttuhai chu vâna mupui nêkin an hrât lem a, Tlânghai chunga chun an mi hnawt a, thlalêra chun eini an mîn chân a.

EZEKIEL 26:10

A sakawrhai tam lei chun pilvut chun hung inkhum an ti che a; khawpuia lûtna siema uma, mihai an lût anga, i dâi kawtkhârhaia chun a hung lût pha chun sakawr tawlailîrhai, tawlailîrhai le sakawr chung chuong mihai ri chun i kul bang chu inhnîng a ta.

EZEKIEL 38:9

Nang chu hang fêng i ta, thlipui angin hung i ta; chun, nang le, i pâwlhai po po le, hnam tamtak nangma kuoma umhai chu chu ram inkhumtu sûmpui ang chu nîng in tih.

DANIEL 11:40

Chun, hun tâwpa chun simtieng lal chun ama chu nawr a ta; hmârtieng lal chun lawng tamtakhai leh, sakawr chung chuong mihai leh, sakawr tawlailîrhai leh phaivaw hrâng ang elin ama chu hung rûn a tih; chun, ramhaia chun hung lût a ta, palzêl a ta, fe thleng a tih.

DANIEL 7:4

A hmasatak chu sakeibaknei ang a na, mupui thlahai a nei a; a thlahai chu sukthlawnga uma, hnuoia inthawka dawm kânga uma, mihriem anga ke pahnia inngîrtir a hung na, mihriem lungril a kuoma pêk a ni chen chun ka en zing a.

HOSEA 8:1

Tawtawrâwt chu i hmûrah inbûk rawh; Lalpa sûnghai chungah mupui angin a hung ie; Ka thuthlung an bawsiet a, Ka dân an helsan leiin.

MIKA 2:4

Chu nia chun nangni demin tekhithu hril an ta, ṭap hla lungriemithlâk umtaka inzâwtin, “Rawk vawngin ei um ta a nih, ka mihai chan a sukdanglam a, ka kuoma inthawkin a tâwl hmang tah a ni hi! Hel hmanghai kuomah ei lo a sem dar tah a ni hi,” tîng an tih.

NAHUM 1:3

Lalpa chu a lung ân uoi a, nasataka thilthawthei a na, mi suol chu thiem inchangtir hrim hrim naw ni; Lalpa chun thlivira le thlipuia chun lampui a nei a, sûmhai chu a kea pilvut a nih.

HABAKKUK 1:8

An sakawrhai chu keitêhai nêkin an hrât lem a, Zântienga satenehai nêkin ṭi an um lem a nih; chapotakin an inân a; An sakawr chung chuongmihai chu hlataka inthawkin an hung a, Mupuiin hrâttaka sa a baw angin an vuong a.

ZEKARIA 6:1

Chun, ka mithai ka hang inlên nâwk a, tlâng pahni inkâra sakawr tawlailîr pali hung suok hi ka hmu a, ka en zing a; chu tlânghai chu dârsen tlâng an nih.

MATTHAI 24:30

Chu phâ chun Mihriem Naupa inchikna chu vânah inlang a ta, chun, hnuoia um chi tinin an âwmhai chum an ta, Mihriem Naupa hi thilthawtheina le ropuina nasatak leh vân sûm chunga hung hmûng an tih.

DÂN PAHNINA 28:49

Hlataka inthawk, kâwlkawdawnga inthawkin nangni thaw ding hnam Lalpain mupui bir angin hung tir a ta, an ṭawng khawm in hriet naw hnam;

THUPUONGSUO 1:7

Ngai ta u, ama chu sûmhai le chun a hung ding a nih; mit tinrêngin hmûng an ta, a suntuhai ngei khawm khan; khawvêla hnam po poin ama ṭa bawk an tih. Chuong angtak chun ning a tih, Amen.