JEREMIA 39:14 - Pathien Lekhabu Inthieng (BSI)

¹⁴ mi an tir a, Jeremia chu vêngtuhai kulbînga inthawk chun an ṭhuoi suok a, Saphan naupa Ahikam, chu naupa Gedalia kuoma chun an pêk a, in tienga ṭhuoi dingin; chuongchun, mipuihai laia chun a um ve ta a.

JEREMIA 39:14 ပူးပေါင်းရင်းမြစ်များ

2 LALHAI 22:12

Chun, lal chun thiempu Hilkia hai, Saphan naupa Ahikam hai, Mikaia naupa Akbor hai, lekhaziektu Saphan hai, lal mi Asaia hai kuoma chun,

2 LALHAI 22:14

Chuongchun, thiempu Hilkia hai, Ahikam hai, Akbor hai, Saphan hai, Asaia hai chu silfên enkawltu Harhas nau Tikva naupa Sallum nuhmei zâwlneinu Hulda kuoma chun an va fe a, an va râwn a. (Ama chu Jerusalem Misneha um a na).

2 CHANCHIN SUINA 34:20

Chun, lal chun Hilkia hai, Saphan naupa Ahikam hai, Mika naupa Abdon hai le lekhaziektu Saphan le lal siehlaw Asaia chu thu a pêk a,

INPÂKNA HLABU 105:19

A thu a tlung hmakhat chun, Lalpa thu chun ama chu a fie hlak a.

JEREMIA 26:22

chun, lal Jehoiakim chun Aigupta rama chun mihai a tir a, Akbor naupa Elnathan le mi ṭhenkhat chu Aiguptaa chun a tir a;

JEREMIA 26:24

Nisienlakhawm, Saphan naupa Ahikam kut chu Jeremia kuoma chun a um a, ama chu that dinga mipui kuoma an pêk nawna dingin.

JEREMIA 32:2

Chuongchun, chu huna chun Babulon lal sipaihai chun Jerusalem chu an inhuol a; chun, zâwlnei Jeremia khawm chu Juda ram lal ina vêngtu kulbînga chun khârkhumin a um a.

JEREMIA 37:21

Chun, lal Zedekia chun thu a pêk a; Jeremia chu vêngtuhai kula chun an sie a, khawpui sûnga bei po po chu hmang vawng a ni chenin bei siemtuhai kawtthlêra inthawkin ni tin bei an pêk a. Chuongchun, Jeremia chu vêngtuhai kula chun a um zing ta a.

JEREMIA 38:13

Chuongchun, Jeremia chu hruihruol chun ân khai a, khurthima inthawk chun an lâk suok ta a; chun, Jeremia chu vêngtuhai kulbînga chun a um zing a.

JEREMIA 38:28

Chuongchun, Jeremia chu vêngtuhai kulbînga chun Jerusalem chu lâka a um ni chen chun a um ta a.

JEREMIA 39:13

Chuongchun, Nebuzaradan, vêngtu pâwl hotu le Nebusazban, Rabsaris, Nergalsarezer, Rabmag le Babulon lal rorêltuhai po po chun,

JEREMIA 39:15

Chun, Lalpa thu chu Jeremia kuomah a hung tlung a, vêngtuhai kulbînga khum a ni lai khan,

JEREMIA 40:1

Nebuzaradan, vêngtu pâwl hotuin ama chu Ramaa inthawka ân fetir a, Juda rama mi le Jerusalema sal intânghai Babulon tienga sala ṭhuoihai laia khaidieta khuopa ama a ṭhuoi hnunga Lalpa kuoma inthawka Jeremia kuoma thu hung tlung chu.

JEREMIA 40:5

Chun, chuonga a la fe hma chun, ama chun, “Fe el rawh; Babulon lal Juda ram khawpuihai chunga rorêltua a siem Saphan naupa, Ahikam naupa Gedalia kuoma chun kîr nâwk la, mipuihai lai chun ama kuoma chun va um el rawh; annawleh, fena dinga remchâng i tina tieng tieng chun fe el rawh,” a ta. Chuongchun, vêngtu hotu chun fâk ding le thilpêk a pêk a, ân fêtir ta a.

JEREMIA 40:6

Chun, Jeremia chu Mizpaa Ahikam naupa Gedalia kuoma chun a fe ta a, mipui chu rama mâksana la umhai laia chun ama kuomah a va chêng ta a.

JEREMIA 40:7

Chun, rama sipai hotuhai po po le an mihaiin Babulon lalin Gedalia Ahikam naupa chu chu rama rorêltuah a siem a, a kuoma chun pasalhai, nuhmeihai, naupanghai, mi rimsitak takhai, Babulona sala ṭhuoia um nawhai chu ân kawltir ti an hriet chun,

JEREMIA 41:1

Chun, thla sarinaa chun lal chi Elisama naupa Nethania, chu naupa Ismael le, lal hotu lientak pakhat le, ama kuoma mi sâwmhai le chun, Mizpaa chun Ahikam naupa Gedalia kuoma chun an hung ta a; chutaka Mizpaa chun bei dâm an fâk hmunkhat tâwl a.