JEREMIA 39:1 - Pathien Lekhabu Inthieng (BSI)

¹ Juda ram lal Zedekia inlal kum kuona, thla sâwmnaa chun Babulon lal Nebukadnezzar chu a sipaihai po po leh Jerusalemah a hung a, a hung rûn ta a;

JEREMIA 39:1 ပူးပေါင်းရင်းမြစ်များ

2 CHANCHIN SUINA 36:17

Chuleichun, an chunga chun Kaldai lal a hung tir a, anni chun hmun inthienghaia chun an tlangvâlhai dâm kâwlhnâmin an that a, tlangvâl amanih, nunghâkhai amanih, upa amanih, tar amani chunga khawm lunginsietna an nei naw a, chuongchun, an rêng chun a kutah a pêk a.

JEREMIA 32:1

Juda ram lal Zedekia inlal kum sâwmnaa Lalpa kuoma inthawka Jeremia kuoma thu hung tlung chu; chu kum chu Nebukadnezzar inlal kum sâwmpariet kum a nih.

JEREMIA 34:1

Babulon lal Nebukadnezzar le a sipaihai po po le, a ram sûnga hnuoi chunga lalram po pohai le mi po poin Jerusalem le a khawpuihai po po an do laia Lalpa kuoma inthawka Jeremia kuoma thu hung tlung chu:

JEREMIA 34:22

Ngai ta u, thu pêng ka ta, hi khawpuia hin hung inkîrtir ka tih; Lalpa chun a tih: chun, do an ta, lâng an ta, meiin râwng an tih; chuongchun, Juda khawpuihai chu hluotu um lova râusanah siem ka tih,” tiin.

JEREMIA 42:18

Sipaihai Lalpa Israel Pathien chun hieng hin a ti si a: Jerusalem hluotuhai chunga ka lunginsenna le ka ṭiumna bunthlâka a um ang khan; Aigupta rama in lût pha chun ka ṭiumna chu in chunga chun bunthlâk ni vêng a tih; chuongchun, hnâwmhnawk le, makti ding le, ṭawngsephur le, thusekawk nîng in ta, hi hmun hi hmu nâwk ta ngai naw ti niu.

JEREMIA 52:1

Zedekia chu rorêl a ṭan chun kum sâwmhni pakhat mi a na; Jerusalema chun kum sâwmpakhat sûng ro a rêl a; a nu hming chu, Libnaa Jeremia naunu Hamutal a nih.

JEREMIA 6:6

Sipaihai Lalpa chun hieng hin a lo ti ta si a: Thinghai chu phûr thlu unla, Jerusalem chunga chun pil dêngpâwnghai chu siem ro, hi hi khawpui hremna ding chu a na, a sûnga chun innêksâwrna ringawt el a nih.

EZEKIEL 33:21

Kan sal intâng a kum sâwmpahni kum, thla sâwmna, chu thla ni nga ni chun Jerusalema inthawka hung tlân suok mi pakhat chu ka kuomah a hung a, ka kuomah “Khawpui chu suksiet a ni tah,” a hung ti a.

EZEKIEL 4:3

Chun, thîr phêk la la, nang le khawpui inkâra chun bang dingin intung la, chun, i hmai chu chu tieng chu hei innghat la, inhuol angin siem la, chun, nangin inhuol rawh. Hi hi Israel sûngkaw inchikna chu nîng a tih.

EZEKIEL 40:1

Kan sal intâng kum sâwmhni panga kum, chu kum kum ṭantir, chu thla ni sâwm ni, khawpui chu suksieta a um hnung kum sâwm pali kum, chu ni le le chun Lalpa kut chu ka chungah a um a, chungtienga chun a mi ṭhuoi ta a.

EZEKIEL 5:2

Khawpui lailunga chun a hmun thuma ṭhea hmun khat chu meiah râwng i ta, chu pha chun khawpui rûnna chu suktlung nîng a ta; a hmun thuma ṭhea hmun khat dang chu lâng i ta, a vêlin kâwlhnâmin sât nawi i ta; chun a hmun thuma ṭhe a hmun khat dang chu thliah vawr dar i ta, chu hnunga chun keiin kâwlhnâm keidawk ka tih.

ZEKARIA 8:19

“Sipaihai Lalpa chun hieng ang hin a tih: Thla lina bu ngheina le, thla ngana bu ngheina le, thla sarina bu ngheina le, thla sâwmna bu ngheina chu Juda sûngkuo ta ding chun hlimna le lâwmna le thafânna ruoiṭhehai an ni lem ding a nih: chuleiin, indikna le inremna hi ngaina ro,” tiin.

DÂN PAHNINA 28:36

“Nangni le in lal leh, in pi le pu chena in hriet ngai naw hnam kuomah Lalpa chun ṭhuoi a ti cheu a, chutaka chun thing le lunga siem pathien dang rawng chu bâwl in tih.