JEREMIA 38:6 - Pathien Lekhabu Inthieng (BSI)

⁶ Chuongchun, Jeremia chu an man a, lal naupa Malkija khurthim, vêngtuhai kul sûnga uma chun an sie lût ta a; chuongchun, Jeremia chu khuopnahai le chun an infe thlâktir ta a. Chun, chu khurthim sûnga chun chirhak ti chau naw chu tui khawm a um naw a, chuongchun, Jeremia chu chirhaka chun ân chie ta a.

JEREMIA 38:6 ပူးပေါင်းရင်းမြစ်များ

INṬANNA 37:24

an ṭhuoi a, khurah an thlâk ta a: khur chu a ruok tui um nawna a nih.

INPÂKNA HLABU 109:5

Anni chun thil ṭha chu thil suolin an mi thung a, Ka hmangaina chu theidanain an mi thung bawk a.

INPÂKNA HLABU 40:2

Bohmangna khura inthawkin, chirhak inhnâktaka inthawk chun a mi khai suok ta a: Chun, ka ke chu lungpui chungah ân nghat a, ka ke pênhai chu a sukdet a.

INPÂKNA HLABU 69:2

Chirhak inthûktak, sirsan hrim hrim um nawnaah ka tlum duok duok hi, Tui inthûktak, tui lien a mi chîm tlumnaahai, ka lo lût ta hi.

JEREMIA 32:2

Chuongchun, chu huna chun Babulon lal sipaihai chun Jerusalem chu an inhuol a; chun, zâwlnei Jeremia khawm chu Juda ram lal ina vêngtu kulbînga chun khârkhumin a um a.

JEREMIA 36:26

Chun, lal chun lal naupa Jerahmeel le, Azriel naupa Seraia le, Abdeel naupa Selemia chu lekhaziektu Baruk le zâwlnei Jeremia chu man dingin thu a pêk a; nisienlakhawm, Lalpa chun anni chu a thup a.

JEREMIA 37:16

Jeremia chu khur thima le kulbîngahai chun a hung chun, chutaka chun Jeremia chu ni tamtak a um a;

JEREMIA 37:21

Chun, lal Zedekia chun thu a pêk a; Jeremia chu vêngtuhai kula chun an sie a, khawpui sûnga bei po po chu hmang vawng a ni chenin bei siemtuhai kawtthlêra inthawkin ni tin bei an pêk a. Chuongchun, Jeremia chu vêngtuhai kula chun a um zing ta a.

JEREMIA 38:13

Chuongchun, Jeremia chu hruihruol chun ân khai a, khurthima inthawk chun an lâk suok ta a; chun, Jeremia chu vêngtuhai kulbînga chun a um zing a.

JEREMIA 38:22

Ngai ta, Juda ram lal ina nuhmei mâksana umhai po po kha Babulon lal rorêltuhai kuoma hung ṭhuoi suok nîng an ta; chuong nuhmeihai chun, ‘I ruol hmêlhriettakhai chun an hlêm che a, an hne ta che a ni hi; tuhin i kehai chu chirhaka chun a tluma, an hnungkîr nâwk a ni ta hi,’ tîng an ta.

DANIEL 6:16

Chun, lal chun thu a pêk a, Daniel chu an hung ṭhuoi a, sakeibakneihai pûka chun an pei lût ta a. Lal chun a hril a, Daniel kuoma chun, “I Pathien a rawng i bâwl zing hlak chun sansuok a ti che, ” a ta.

ZEKARIA 9:11

Chun, nanga chungthua chun, i thuthlung thisen leiin i sal intânghai chu khur sûng tui um nawnaa inthawk chun ka tir suok ta a.

THILTHAWHAI 16:24

Chuong ang lâwma thu an pêk leiin rip sûngrilah a khum a, an kehaia chun thing kawl ân buntir a.

HEBRAIHAI 10:36

Pathien dit zâwng in thaw hnungin thiltiem chu in hmu theina dingin selna in ngai a nih.