JEREMIA 38:4 - Pathien Lekhabu Inthieng (BSI)

⁴ Chun, rorêltuhai chun lal kuoma chun, “Kan hni che hi, hi mipa hi sukhlum ni ngei raw se; chuong thuhai chu an kuoma hrilin, mipui po pohai kuthai, hi khawpuia indomi umhai kuthai chu a sukzuoi a nih; hi mipa hin hi hnam ṭhatna ding hi a zawng naw a, sietna ding a zawng lem a nih”, an ta.

JEREMIA 38:4 ပူးပေါင်းရင်းမြစ်များ

1 LALHAI 21:20

Chun, Ahab chun Elija kuomah, “I mi hung hmu ta maw, ka hmêlmapa?” a ta. Chun, ama chun a dawn a, “Ka hmu ta che a ni hi, Lalpa mithmua thil ṭha naw thaw dingin inzawr ta che chu.

2 CHANCHIN SUINA 24:21

Chun, ama chu an phierrûk ta a, Lalpa in inhuon tuolsûnga chun lal thupêkin an dêng hlum ta a.

EZRA 4:12

i kuoma inthawka Juda hunghai kha Jerusalemah kan kuomah an hung a nih ti hi lal chun lo hre raw se; khawpui sie le hel chu an bâwl a, a kulhai chu an zo ta a, a lungphûmhai chu an siem ṭha mêk a nih.

NEHEMIA 6:9

“An sinthaw chu an puitling thei nawna dingin an kuthai chu suksietin um a tih,” tiha mi hrilṭi nuom ruok an nih. Chuongchun, aw Pathien, ka kuthai hi mi hung sukhrâtpêk raw aw.

FESUOKNA 5:4

Aigupta lal chun an kuomah, “Mosie le Aron hin iengtiziea mipuihai hi an sinthawhaia inthawkin inṭhuoihmang am a na? In sin chu va thaw ṭawk ṭawk unla a ni el,” a ti a.

JEREMIA 11:21

Chuleiin, i hringna lâk tumtu Anathoth mihai chungthua chun Lalpa chun hieng hin a tih; anni chun, “Kan kuta i thi nawna dingin Lalpa hming chun thu hril naw rawh,” an ta;

JEREMIA 18:23

Amiruokchu, Lalpa, mi thatna dinga ka chunga an thu inrâwnna po po kha i hriet a, an suolna chu ngaidam naw la, i mithmua inthawk chun an suol chu sukhmangpêk bawk naw rawh, amiruokchu, nangma hmaa chun pei thlûkin um hai sienla, anni chu i lunginsen lai chun sawisa rawh.

JEREMIA 26:11

Chun, thiempuhai le zâwlneihai chun lalhai le mipuihai po po kuoma chun, “Hi mipa hi thi tlâk a nih, in nahaia in hriet ta ang ngei khan hi khawpui siet ding thu a hril a nih,” tiin an hril a.

JEREMIA 29:7

Chun, sala intâng dinga kân ṭhuoihmangtirna cheu khawpuia inremna chu zawng unla, chu chu Lalpa kuoma chun hni ro; chutaka inremna lei chun muongna in nei ding a ni si a.

JEREMIA 38:16

Chuongchun, lal Zedekia chun inrûkin Jeremia kuoma chun ân tiemkam ta a, “Lalpa ei hringnahai siemtu chu a hring zing angin, sukhlum naw ning che a, hieng i hringna zawngtuhai kuoma hin pe bawk naw ning che,” a ta.

JEREMIA 38:25

Nisienlakhawm, rorêltuhai chun kân biekpui che ti an hrieta, i kuomah an hunga, i kuomah, ‘Lal kuoma i thu hril kha mi hrilfie rawh, kan kuomah ip naw la, sukhlum naw ning ung che; chun, ieng am lal chun i kuomah a hril a an ti chun,’

JEREMIA 43:3

Neria naupa Baruk chun an mi that theina ding le, Babulona sala an mi ṭhuoi theina dingin Kaldaihai kuta mîn hlân dingin, nang hi kan chunga chun a hung tir che a ni hi,” tiin.

EZEKIEL 22:27

A sûnga a lalhai chu satene an sa fâk ding innghir khumhai ang chu an na; thisen insuoa, mi hring sukbohmanga hlâwkna indik lo an hmuna dingin.

AMOS 7:10

Chun, Bethel khaw thiempu Amazia chun Israel lal Jeroboam kuomah, “Amos chun Israel sûnghai lai chun a phierrûk che a, ram chun a thuhril po po chu a tuor thei nawh.

LUKA 23:2

Chun, “Hi mipa hin kan chihai a sukkhawhlo a, Kaisar kuomah sie chawi a khap bawk a, Krista, lal ân ti khawm kan hriet,” tiin an hêk a.

THILTHAWHAI 16:20

Chuongchun, thu rêltuhai kuomah an ṭhuoi a, “Hienghai hi Judahai an na, kan khuo an sukbuoi bêk bêk a,

THILTHAWHAI 17:6

Chun, anni chu an hmu naw a, Jason le unau dang tuhai amanih khaw hotuhai kuomah an kei lût a, an khêk a, “Khawvêl chawkbuoituhai kha hitaka khawm hin an hung a,

THILTHAWHAI 24:5

Hi mipa hi mi theidaumtak, khawvêla Judahai po po chawkbuoitu le, Nazareth pâwla a ṭhuoitu pakhat a nih ti kan hriet a.

THILTHAWHAI 28:22

Nisienlakhawm, hi pâwl hi ram tinah hrilsiet a ni si a, nangin iengtin am i ngai a hriet kan nuom,” an ta.