JEREMIA 38:23 - Pathien Lekhabu Inthieng (BSI)

²³ Chun, i nauhai le i nuhmeihai po po chu Kaldaihai kuoma chun hung la suok an ta, nang khawm an kuta inthawk chun suokthleng naw ti ni: amiruokchu, Babulona lal kuta man nîng i ta; hi khawpui hi meia raw dingin siem i tih,” a ta.

JEREMIA 38:23 ပူးပေါင်းရင်းမြစ်များ

2 LALHAI 25:7

Chun, Zedekia naupasalhai chu a mithmu ngeiah an that a, Zedekia mithai chu an khel dawk a, kawl an inbun a, Babulonah an fepui ta a.

JEREMIA 21:10

Thil ṭha tiengah ni lovin, thil ṭha naw tiengah hi khawpui chunga hin ka hmai kân nghat ta si a, Lalpa chun a tih: Babulon lal kuta pêk nîng a ta, ama chun meiin râwng a tih.

JEREMIA 32:4

Juda ram lal Zedekia khawm chu Kaldaihai kuta inthawk chun suokthleng naw ni a; amiruokchu, Babulon lal kuta chun matheilovin pêk ni lem a tih, ama chu bau le bau inphâkin bieng a ta, a mithai chun ama mithai chu hmu bawk a tih;

JEREMIA 34:3

nang khawm a kuta inthawk chun suok naw ti ni a, ṭhuoi ni ngei ngei i ta, a kuta pêk i ni ding a nih: Babulon lal mithai chu nanga mithai ngei chun hmûng a ta, ama chun bau inphâkin i kuomah thu hril a tih; chun, nang chu Babulonah fe bawk i tih.

JEREMIA 37:8

Chuongchun, Kaldaihai hung nâwk an ta, hi khawpui hi hung do an ta, lâng an ta, meiin râwng an tih.

JEREMIA 38:18

amiruokchu, Babulon lal rorêltuhai kuomah în pêk naw chun hi khawpui hi Kaldaihai kuta chun pêk nîng a ta, meiin râwng an ta, an kuta inthawk chun nang khawm suokthleng naw ti ni,” a ta.

JEREMIA 38:24

Chun, Zedekia chun Jeremia kuomah, “Hieng thuhai hi tukhawm inhriettir naw la, thi naw ti ni.

JEREMIA 39:5

Nisienlakhawm, Kaldai sipaihai chun anni chu an hnawt a, Zedekia chu Jeriko phairuoma chun an hnawt phâk a, chun, ama chu an man chun, Hamath rama Riblaa Babulon lal Nebukadnezzar kuomah an hung ṭhuoi a, ama chun a chungah ro a rêlthlûk a.

JEREMIA 39:6

Riblaa chun a mithmu ngeiah Nebukadnezzar chun Zedekia naupasalhai chu a that a; chun, Babulon lal chun Juda mi ṭhahai po po khawm chu a that bawk a.

JEREMIA 41:10

Chun, Ismael chun Mizpaa mi dam la umhai po: lal naunuhmeihai le vêngtu pâwl hotu Nebuzaradanin Ahikam naupa Gedalia ân kawltir, Mizpa khuoa la um po po leh chun salin a man ta vawng a; Nethania naupa Ismael chun chuonghai chu sala ṭhuoiin Ammon mihai ram fethleng dingin a fe suok ta a.

JEREMIA 6:12

Chun, an inhai, an lohai, an nuhmeihai chu mi danghai kuoma pêk nîng an ta; ram hluotuhai chunga chun ka kut kân let ding a ni si a, Lalpa chun a tih.

EZEKIEL 14:9

Chun, zâwlnei chu hlêmin a um a, thu a hril chun, kei Lalpa hin chu zâwlnei chu ka hlêm a na, ama chunga chun ka kut inlet ka ta, ka mi Israelhai laia inthawkin ama chu sukbohmang ka tih.

EZEKIEL 17:15

Amiruokchu, mi tamtak le sakawrhai an pêk theina dingin, ama aiawtu chu Aigupta rama tirin, ama chunga chun a hel ta a. A hlawtling ding am a nih? Chuong ang thilthawtu chun a pumpel ding am a nih? Thuthlung chu bawse siin a pumpel ding am a nih?

EZEKIEL 43:3

Chun, thilhmulâwk ka ihmu tah, khawpui chu sukse dinga a hung laia thilhmulâwk ka hmu ang tak, chu thil hmulâwk chu Kebar vadung panga thilhmulâwk ka hmu ang kha a nih; chuongchun, ka hmaiin hnuoi ka sik ta a.

NAMBAR 4:18

“Kohath mihai pahnam chu Levi mihaia inthawkin sukbohmang ni naw sien;