JEREMIA 38:19 - Pathien Lekhabu Inthieng (BSI)

¹⁹ Chun, lal Zedekia chun, Jeremia kuoma chun “Juda mihai Kaldaihai tienga va kawp tahai kha ka ṭi a nih; an kuta khan mi pe hlau an ta, mi nuisan rawi an tih,” a ta.

JEREMIA 38:19 ပူးပေါင်းရင်းမြစ်များ

2 CHANCHIN SUINA 30:10

Chun, dâkpuhai chu khaw tina Ephraim le Manasse ram sûng po po Zebulun chenin an fe pei a; amiruokchu, hmusitin an lo nuisan a, an lo nuiêu a.

NEHEMIA 4:1

Nisienlakhawm, Sanballat chun kul kan siem ṭha ti a hriet chun, nasatakin a lunginsen a, a lungawi ta naw a, Judahai chu a dêusâw ta a.

JOB LEKHABU (THE BOOK OF JOB) 31:34

Mipui nasatakhai chu ka ṭi a, Sûngkaw inpâwina chun a mi suklâu bawk a; Ka to ṭawk a, kawtkhâr khawm ka suok ngam naw a ni chun,

THUVARHAI 29:25

Mihriem ṭîna hin châng a hung siem a, Lalpaa a ringna innghattu ruok chu him a tih.

ISAI 57:11

Tu am i ṭi a, în lau a, khêl i hril hlak a, kei i mi hriet ta naw a, i lungrila i ngaituo ta naw hi? Sâwttak ka to zing an nâwm a nih? Ṭi khawm i mi ṭi naw hi.

JEREMIA 20:7

Aw Lalpa, nang chun i mi lo aikei ta a, ailâkin ka um ta a, nang chu keia nêkin i hrât lem a, i hne ta a, sûnnithlâkin nuizatbûr ka na, mi tin el chun an mi nuiêu a.

JEREMIA 38:22

Ngai ta, Juda ram lal ina nuhmei mâksana umhai po po kha Babulon lal rorêltuhai kuoma hung ṭhuoi suok nîng an ta; chuong nuhmeihai chun, ‘I ruol hmêlhriettakhai chun an hlêm che a, an hne ta che a ni hi; tuhin i kehai chu chirhaka chun a tluma, an hnungkîr nâwk a ni ta hi,’ tîng an ta.

JEREMIA 38:5

Chun, lal Zedekia chun, “Ngai ta u, in kuta um a nih annâwm; lal chu nangni kal zâwnga thil thaw thei mi ding a ni si naw a,” a ta.

JEREMIA 39:9

Chun, Nebuzaradan, vêngtu pâwl hotu chun khawpuia mi la um sunhai le, tlân hmangtuhai le, ama kuoma hung lûthai le, mipui a la mahla la um sunhai po chu Babulon tieng chun salah a ṭhuoi ta a.

JOHAN 12:42

Nisienlakhawm, thuneituhai ṭhangsin mi tamtakin Isu an ring ta a; amiruokchu, Pharisaihai leiin an inpuong nawh; chuong naw chun, inkhâwmna in a hnawngin um an tih.

RORELTUHAI 16:25

Chuonga an lungril a hlim lai tak chun, “Samson kha ennuom dingin hung ko ta u,” an ti a. Chuongchun, Samson chu lung ina inthawk chun an va ko suok a, chuongchun an hmaa chun a thaw ta a, ban le ban inkâra hin an inngîrtir a,

RORELTUHAI 9:54

Chuongchun, a râlthuom chawitu tlangvâl chu a ko vat a, a kuomah, “I kâwlhnâm kha phawi la, mi hang that ta khai, mihaiin nuhmei ithat a nih an mi ti nawna dingin,” a ti a. A tlangvâl chun ama chu a sunthleng a, chuongchun, a thi ta a.

1 SAMUEL 15:24

Chun, Saula chun Samuel kuoma chun, “Thil ka suksuol dêr a ni chu, Lalpa thupêk le i thu chu ka lo bawsiet a ni zing chu tie; mipuihai ka ṭia an râwl ka lo ngai leiin.

1 SAMUEL 31:4

Chuongchun, Saula chun a râlthuom chawitu kuoma chun, “I kâwlhnâm kha phawi la, mi hang sunthleng rawh, chuong naw chun hieng sertanlohai hi hung an ta, mi hung sunthleng an ta, mi uongkhum nghe nghe rawi an tih,” a ta. Nisienlakhawm, a râlthuom chawitu chun a thaw nuom naw a, a ṭi êm êm el si a. Chuleiin, Saula chun kâwlhnâm chu a lâk a, a bawlût ta a.