JEREMIA 38:17 - Pathien Lekhabu Inthieng (BSI)

¹⁷ Chun, Jeremia chun Zedekia kuoma chun, “Sipaihai Pathien, Israel Pathien Lalpa chun hieng hin a tih; Babulon lal rorêltuhai kuomah în pêk chun, i hringna chu hlain um a ta, hi khawpui khawm hi meiin kâng naw ni; nang chu hring i ta, i sûnghai leh;

JEREMIA 38:17 ပူးပေါင်းရင်းမြစ်များ

INṬANNA 12:13

I zâra ṭhataka ka um theina ding le, nangma leia ka hring theina dingin, ‘A farnu ka nih,’ ti pei raw aw,” a ti a.

2 LALHAI 24:12

chuongchun, Juda lal Jehoiakin chu a nu hai dâm, a mihai dâm, a milienhai dâm, a upahai le chun Babulon lal kuomah an va suok a, chun, ân lal kum riet kumin Babulon lal chun a man ta a.

2 LALHAI 25:27

Chun, Juda lal Jehoiakin sala ân tâng kum sâwmthum le kum sarina, thla sâwm le thla hnina, ni sâwmhni le ni sari niin Babulon lal Evil-merodakin ân lal ṭan kumin Juda lal Jehoiakin chu intângna ina inthawkin a ṭhuoi suok a,

1 CHANCHIN SUINA 17:24

‘Sipaihai Lalpa chu Israelhai Pathien a na, Israelhai Pathien ngei chu: i siehlaw David sûngkuo khawm chu nangma hmaa sukdet a nih,’ tiin, i hming chu tungdinga kumkhuoa chawimawi ni raw se.

EZRA 9:4

Chun, sal intâng suokhai an bawsietna leia Israel Pathien thua lo inthin hlakhai po kha ka kuoma chun an hung inkhâwm a; chun, kei chu zântieng thilinhlân hun chenin maktiin ka ṭhung ta zing a.

JOB LEKHABU (THE BOOK OF JOB) 23:13

Nisienlakhawm, ama chu ngaituona thleng lo a na, tuin am ama chu herhmang thei a ta? A lungrilin a nuomtak chu, chu ngei chu a thaw hlak.

INPÂKNA HLABU 80:14

Aw sipaihai Pathien, lunginsiettakin nghakîr nâwk ta; Vâna inthawk khan zuk en la, hi grêp hrui hi en la, hung kan rawh.

INPÂKNA HLABU 80:7

Aw sipaihai Pathien, mîn nghatkîrtir nâwk la, I hmêl kha sukvar la, chuongchun, sandamin kan um ding annâwm.

JEREMIA 27:12

Chun, hieng thuhai ang tak hin Juda lal Zedekia kuoma chun thu ka hril a, “Babulon lal rîngkawl hnuoia chun in rînghai hung daw unla, ama le a mihai rawng chu bâwl unla, hringin um ro.

JEREMIA 27:17

Anni thu chu ngai naw unla, Babulon lal rawng chu bâwl unla, damin um ro, ieng dingin am hi khawpui hi râusanin um el a ta?

JEREMIA 27:8

Chun, hnam le lalram Babulon lal Nebukadnezzar rawng bâwl lohai le, Babulon lal rîngkawl hnuoia an rîng sie nuom lohai chu, Lalpa chun a tih; ama kut ngeia ka sukbohmang vawng hmakhat chun, anni chu hripui dâm, ṭâm dâm, kâwlhnâm dâmin hrem ka tih.

JEREMIA 38:2

“Lalpa chun hieng hin a tih: Khawpui sûnga umhai chu kâwlhnâm le ṭâm le, hripuiin thîng an ta; Kaldaihai kuoma va fe chu hring an tih; a hringna chu insanhim a ta, hring a tih,

JEREMIA 39:3

Jerusalem lâk a ni ni chun, Babulon lal rorêltuhai po po chu an hung lût a, dai kawtkhâr lailung, Nergalsarezera dâm, Samgarneboa dâm, Sarsekima dâm, Rabsarisa dâm, Rabmaga dâm, Babulon lal rorêltu dang po pohai le chun an ṭhung tâwl a.

JEREMIA 40:9

Chun, Saphan naupa, Ahikam naupa Gedalia chun inkhâmin, anni le an mihai kuoma chun a hril a, “Kaldaihai hi an rawng bâwlpêk chu ṭi naw ro; rama chun chêng unla, Babulon lal rawng chu bâwl unla, in ta dingin ṭhâng a tih.

JEREMIA 44:7

Chuleiin, tuhin Lalpa sipaihai Pathien, Israel Pathien chun hieng hin a tih: nangnia inthawka pasal, nuhmei, naute le nene ne lai, Juda rama inthawka mâksan khawm um dêr lo dinga iengdinga in thlarauhai chung ngeia hieng thil ṭha naw hi thaw am in na?

EZEKIEL 8:4

Chun, ngai ta, chutaka chun phaia ka hmu ta ang tak khan, Israel Pathien ropuina chu a um a.

AMOS 5:27

Chuleiin, Damaska khaw khêltieng salah infetir ka ti cheu,” Lalpa, a hming sipaihai Pathien chun a tih.