JEREMIA 37:3 - Pathien Lekhabu Inthieng (BSI)

³ Chun, lal Zedekia chun Selemaia naupa Jehukal le, thiempu Maaseia naupa Zephania chu zâwlnei Jeremia kuomah, “Tuhin keini ta dingin, Lalpa kan Pathien kuoma chun ṭawngṭai rawh”, ti dingin a tir ta a.

JEREMIA 37:3 ပူးပေါင်းရင်းမြစ်များ

1 LALHAI 13:6

Chun, lal chun a dawn a, Pathien mi kuoma chun, “Ka kut hi a hung dam nâwk theina dingin Lalpa i Pathien ngên la, mi ṭawngṭaipêk ta khai,” a ta. Chun, Pathien mi chun Lalpa kuoma chun a ngên a; chun, lal kut chu a hung dam nâwk ta a, a hma ang bawkin a hung um nâwk ta a.

FESUOKNA 10:17

Tuhin ka ngên che hi, ka suol hi vawikhat bak mi ngaidam nâwk phawt la, hi thina hi keimaa inthawka a lâkhmang theina dingin Lalpa chu mi hnipêk rawh,” a ti a.

FESUOKNA 8:28

Pharao chun, “Lalpa in Pathien kuoma chun thlalêra in inthâwi theina dingin infetir ka ti cheu, amiruokchu, hlatakah fe naw unla, ka ta ding khawmin mi ngênpêk rawh,”a ti a.

FESUOKNA 8:8

Pharao chun Mosie le Aron a ko a, “Lalpa chu ngên ro, ka mihai le ka kuoma inthawkin uṭawkhai hi lahmang sienla; chun, Lalpa kuoma an inthâwi theina dingin mipui chu infetir ka tih,” a ti a.

FESUOKNA 9:28

Hun ta raw se, riel le vâninrûm ri nasatakhai hi a bona dingin Lalpa chu hni la, chuongchun, infetir ka ti cheu, um ta hrim hrim naw ti niu,” a ti a.

JEREMIA 15:11

Lalpa chun, “Titakzetin, thil ṭhaa dingin sukdet ka ti che a; titakzetin, tuor lai huna le thil ṭha naw hung tlung huna chun i hmêlmahai chun i kuoma hnina siem dingin inumtir ka tih,” a tih.

JEREMIA 2:27

thingbul kuoma chun, ‘Nang hi ka pa i nih,’ an ta, lung kuoma chun, ‘Nang hin i mi nei a,’ an ti a, an hmai tieng ni lovin, an hnung an mîn nghat ta si a; an buoi lai huna ruok chun, ‘Hung tho la, mi sanhim rawh,’ an ta.

JEREMIA 29:21

Ka hminga in kuoma thukhêl hriltu Maaseia naupa Zedekia chung thua le, Kolaia naupa Ahab chungthua chun Israel Pathien, sipaihai Lalpa chun hieng hin a tih: Ngai ta u, anni chu Babulon lal Nebukadnezzar kuta chun pe suok ka ta, ama chun in mithmuah anni chu that a tih;

JEREMIA 29:25

Sipaihai Lalpa, Israel Pathien chun hieng hin a tih: Jerusalema mipui um po pohai, thiempu Masseia naupa Zephania kuoma leh, thiempuhai po po kuoma chun hieng anga nangma hminga lekha i thawn leiin:

JEREMIA 37:17

chun, lal Zedekia chun mi a tir a, a hung ṭhuoi a, a ina chun lal chun a rûkin ân dawn a, a kuomah, “Lalpa kuoma inthawkin thu a um?” a ti a. Chun, Jeremia chun “A um”, a ti a. “Babulon lal kutah pêkin i um ding a nih,” a ti bawk a.

JEREMIA 37:7

“Lalpa Israel Pathien chun hieng hin a tih: Ka kuoma thu indawn dinga nang ka kuoma tirtu che, Juda ram lal kuoma chun hieng hin hril rawh: Ngai ta, Pharao sipaihai nangma ṭhangpui dinga hunghai chu, an ramah Aiguptaa bawk chun kîr nâwk an tih.

JEREMIA 38:1

Chun, Mattan naupa Sephatia le, Pashur naupa Gedalia le, Selemia naupa Jukal le, Malkija naupa Pashur chun mipuihai po po kuoma Jeremiain hienga a hril hi an lo hriet a,

JEREMIA 42:1

Chun, sipai hotuhai po po, Karea naupa Johanan hai, Hosaia naupa Jezania hai, mipui po po a chîn taka inthawka a lien tak chenin an hung hnai a,

JEREMIA 42:20

In thlarauhai chunga chun hmusitumtakin in lo thaw ta a; ‘Lalpa kan Pathien kuoma chun mi ṭawngṭaipêk la, Lalpa kan Pathienin a hril ang ang che chu kan kuomah hrilfie la, thâwng kan tih,’ tiin Lalpa in Pathien kuoma chun in mi tir ta si a,

JEREMIA 52:24

Chun, vêngtu pâwl hotu chun thiempu laltak Seraia le, a dawttu Zephania le, kawtkhâr vêngtu pathum a ṭhuoi a;

NAMBAR 21:7

Chun, mihai chu Mosie kuomah an fe a, “Lalpa le nangma kala kan lo ṭawng ta hi kan lo suol tah a nih; keini laia rûlhai hi sukbo dingin Lalpa kuomah ṭawngṭai raw khai,” an ti a; chuongchun, mihai chu Mosie chun a ṭawngṭaipêk a.

THILTHAWHAI 8:24

Chun, Simonin, “In thil hril hi ka chunga iengkhawm a tlung nawna dingin nangnîn Lalpa kuomah mi ṭawngṭaipêk ro,” a ta, a dawn a.

1 SAMUEL 12:19

Chun, mipui po po chun Samuel kuoma chun, “Kan thi nawna dingin Lalpa i Pathien kuoma chun i siehlawhai hi mi ṭawngṭaipêk rawh, hi thil ṭha nawtak, lal kan lo hni hi, kan suol po po belsatu a ni ta hi,” an ta.