JEREMIA 37:13 - Pathien Lekhabu Inthieng (BSI)

¹³ Ama chu Benjamin dai kawtkhâra a um lai chun, vêngtu sipai hotu chutaka chun a lo um a, a hming chu Hanania naupa Selemia naupa Irija a nih; ama chun, “Kaldaihai kuomah în pe a nih,” tiin zâwlnei Jeremia chu a man ta a.

JEREMIA 37:13 ပူးပေါင်းရင်းမြစ်များ

JEREMIA 18:18

Chun, anni chun, “Hung ro khai, Jeremia chunga hin thuphierrûk phier ei tih; thiempua inthawkin dânin bo ni nei naw ni a, mi vara inthawkin thurâwn le, zâwlneia inthawka thu bo naw nih. Hung ta u, hril se bawr bawr ei ta, a thuhai chu a ieng ieng khawm chu awipêk nâwng ei tiu,” an ta.

JEREMIA 20:10

Sîr tina ṭium le, mi tamtakhai hrilsietna chu ka hriet a. Ka ruol, hmêlhriettakhai, ka tlûk nghâktuhai chun, “Hril se ro, ama chu hrilsieng ei ta, ama chu ailâkin um a ta, ama chu hnêng ei ta, ama chunga chun ei phuba chu lâng ei tih,” an ti a.

JEREMIA 20:2

Pashur chun zâwlnei Jeremia chu a hrem a, Lalpa ina Benjamin dai kawtkhâr chunghnung lema um, intângna ina chun a khum a.

JEREMIA 21:9

Tukhawm hi khawpui sûnga um chu kâwlhnâmin, ṭâmin, hripuiin thîng a ta, amiruokchu, fe suok a, mi ân huoltuhai cheu Kaldaihai kuoma vân pe chu hring a ta, a hringna chu indona Lâwmman angin nei a tih.

JEREMIA 27:6

Tuhin chuong ramhai po po chu ka siehlaw Nebukadnezzar, Babulon lal kuoma chun ka pêk tah a nih, ramhnuoia ramsahai khawm chu ama rawng bâwl dingin ka pêk a nih.

JEREMIA 28:14

Israel Pathien, sipaihai Lalpa chun hieng hin a tih: Babulon lal Nebukadnezzar rawng chu an bâwl theina dingin hieng hnam po pohai rînga hin thîr rîngkawl chu kân kawltir tah a nih; ama rawng chu bâwl an ta, ramhnuoia ram sahai chenin ama chu ka pêk tah a nih,” tiin.

JEREMIA 36:12

lekhaziektuhai pindanah lal ina chun a zu fe thla ta a; chun, ngai ta, chutaka chun lalhai po po, lekhaziektu Elisama, Semaia naupa Delaia, Akbor naupa Elnathan, Saphan naupa Gemaria, Hanania naupa Zedekia le lalhai po po chu an inṭhung a.

JEREMIA 38:1

Chun, Mattan naupa Sephatia le, Pashur naupa Gedalia le, Selemia naupa Jukal le, Malkija naupa Pashur chun mipuihai po po kuoma Jeremiain hienga a hril hi an lo hriet a,

JEREMIA 38:4

Chun, rorêltuhai chun lal kuoma chun, “Kan hni che hi, hi mipa hi sukhlum ni ngei raw se; chuong thuhai chu an kuoma hrilin, mipui po pohai kuthai, hi khawpuia indomi umhai kuthai chu a sukzuoi a nih; hi mipa hin hi hnam ṭhatna ding hi a zawng naw a, sietna ding a zawng lem a nih”, an ta.

JEREMIA 38:7

Chun, Ethiopia mi, Ebed-melek, mi tillâk, lal ina um chun Jeremia chu khurthim sûnga chun an sie ti a hriet chun chu lai chun lal chu Benjamin dai kawtkhâra khan a ṭhung a.

ṬAP HLA 4:18

Ei kehnunghai an sui a, chuongchun, ei kawtthlêrhaia khawm ei fe thei naw a; Ei tâwpna chu a hnai a, ei nihai chu suk tlung a na, ei tâwpna chu a hung tlung ta leiin.

AMOS 7:10

Chun, Bethel khaw thiempu Amazia chun Israel lal Jeroboam kuomah, “Amos chun Israel sûnghai lai chun a phierrûk che a, ram chun a thuhril po po chu a tuor thei nawh.

ZEKARIA 14:10

Ram po po chu Araba, Gebaa inthawka Jerusalem sima Rimmon tienga a lêtkîr angin inher tâng a ta; chun, Jerusalem chu chawisângin um a ta, ama hmun ngei, Benjamin in kawtkhâra inthawka kawtkhâr hmasatak, kul kil kawtkhâr chen le, Hananel in insânga inthawka lal uoin sâwrna khur chenin, chang tâng a tih.

LUKA 23:2

Chun, “Hi mipa hin kan chihai a sukkhawhlo a, Kaisar kuomah sie chawi a khap bawk a, Krista, lal ân ti khawm kan hriet,” tiin an hêk a.

THILTHAWHAI 24:13

tu khawm hin an mi hêkna thu hi i hrietah a bula inthawkin sui suok thei bawk naw ni hai.

THILTHAWHAI 6:11

Chun, mihai an tham a; chuhai chun, “Mosie le Pathien a hrilsiet kan hriet,” an ta.

2 KORINTH 6:8

sukropuina le sukmuolphonain, hming hril siet le hming hril ṭhatin, hlêmtu angin, mi indiktak ni siin,