JEREMIA 37:10 - Pathien Lekhabu Inthieng (BSI)

¹⁰ Nangma hung dotu che Kaldai sipaihai po po khawm chu lo that ta la khawm, anni laia chun mi hliemhai chau chu la umin, chuong khawm chun, mi tin chu mâni puon inhaia chun tho an ta, hi khawpui hi meiin râwng an tih,” tiin.

JEREMIA 37:10 ပူးပေါင်းရင်းမြစ်များ

ISAI 10:4

Salhai hnuoiahai chun kûn an ta, thata umhai hnuoiahai chun tlûng an tih, chu chau chu an chan ni tâng a tih. Chuong ang lâwma a thaw khawm chun a lunginsen chu a la bo chuong si naw a, a kut chu a lân let ta rawp a.

ISAI 13:15

Tukhawm an hmu taphawt sunthlengin um an ta, tukhawm an man taphawt kâwlhnâma sukthlûkin um an tih.

ISAI 14:19

Nang ruok chu a zung kaksuok tirdakumtak le, râl ithat, kâwlhnâma sunthleng, khursûnga lunghai laia zu fehai silfên angin i thlân ina inthawka hlatakah pei suokin i um ta lem hi; ruong ke hnuoia sirde ang elin.

ISAI 30:17

Mi pakhat ihrâwkin tlân dur dur in tih; a tâwpa chun tlâng sîpa pholêng târ ang le, muol chunga inchikna mâksana um angin la um el in tih.

JEREMIA 21:10

Thil ṭha tiengah ni lovin, thil ṭha naw tiengah hi khawpui chunga hin ka hmai kân nghat ta si a, Lalpa chun a tih: Babulon lal kuta pêk nîng a ta, ama chun meiin râwng a tih.

JEREMIA 32:29

chun, hi khaw hung dotu Kaldaihai chu hung an ta, hi khuo hi meiin hung râwng an ta, a inhai a chunga Baal kuoma riminhnik an râwna le, kei mi suklungsenna dinga pathien danghai kuoma dâwn mi thilinhlânhai an lo bunthlâkna inhai le chun kâng a tih.

JEREMIA 37:11

Chun, Pharao sipaihai ṭi leia Kaldai sipaihai chu Jerusalema inthawka an indar hnung chun,

JEREMIA 37:8

Chuongchun, Kaldaihai hung nâwk an ta, hi khawpui hi hung do an ta, lâng an ta, meiin râwng an tih.

JEREMIA 49:20

Chuleiin, Edom khaw chungthua Lalpain thurâwn a ilâktak le, a thiltum, Teman hluotuhai chunga lo tum ta chu lo ngai ta u; matheilovin, anni chu ran ruol têhai hnûk hmangin um ngei ngei an ta an chêngna chu anni irâusanin siempêk a tih.

JEREMIA 50:45

Chuleiin, Babulon chungthua Lalpain thurâwn a nei chu lo ngai ta u, Kaldaihai ram chunga thiltum a nei tâk le chun. Matheilovin anni chu ran ruol têhai hnûkhmangin um ngei ngei an ta, an chêngna chu anni irâusanin siempêk a tih.

JEREMIA 51:4

Kaldai rama chun thata umin tlûng an ta, an kawtthlêrhaia chun sunthlengin um an tih.

ṬAP HLA 1:15

Keimaa ka mi hrâthai po po chu Lalpa chun iengkhawm loah a siem a, Ka tlangvâlhai sukse dingin ka chungah pungkhâwmhai a ko a; Juda nau nunghâk inthieng chu Lalpa chun uoin sâwrnaa angin a chîl a.

JOEL 2:11

Lalpa chun a sipai ruolhai hmaa chun râwl ân suo a, a riebûkhai chu a ropui hle si a; a thu muolsuotu chu a hrât hle si a. Lalpa ni chu a ropuiin a râpthlâk êm êm si a; tuin am tuor thei a ta?