JEREMIA 36:32 - Pathien Lekhabu Inthieng (BSI)

³² Chun, Jeremia chun lekhabu zuol dang chu a lâk a, Neria naupa Baruk, lekhaziektu kuoma chun a pêk ta a; ama chun Juda ram lal Jehoiakimin a lo raw tah lekhabua thuhai po po chu Jeremia baua inthawk chun a ziek ta a; chu naw khawm chu thu angkhat tamtakhai chu an kuoma belsain a um a.

JEREMIA 36:32 ပူးပေါင်းရင်းမြစ်များ

FESUOKNA 34:1

Lalpa chun Mosie kuomah, “A hmasa angtak khan lung phêk pahni sak la; chun, a phêk hmasa i sukkawihai chunga thuhai kha, chu phêkhai chunga chun ziek ka tih.

JEREMIA 36:18

Baruk chun anni chu a dawn a, “A bauin hieng thuhai po po hi ka kuomah a hung hril a, kei chun lekhabua chun lekhatuiin ka lo ziek el a nih,” tiin.

JEREMIA 36:23

Chun, Jehudi chun phêk thum amanih, phêk li amanih a tiem phing chun lal chun chemtê hin a ât thlâk a, meithuka meiin lekhabu zuol chu a kâng zo vawng chenin, meithuka meia chun a pei lût pei ta a.

JEREMIA 36:4

Chun, Jeremia chun Neria naupa Baruk chu a ko a; Baruk chun Lalpain a kuoma thu a hrilhai po po chu lekhabu zuola chun Jeremia baua inthawk chun a ziek ta a.

DANIEL 3:19

Chun, Nebukadnezzar chu lunginsennain a sip a, a hmêl umzie chu Sadrak, Mesak le Abednego chunga chun a hung danglam ta a; chuleiin, a hril a, meithuk chu a lum hlak ang let saria suklum dingin thu a pêk ta a.

DANIEL 7:1

Babulon lal Belsazzar inlal kum khatnaa chun Daniel chun mang neiin a khum chunga chun a lua thil hmulâwkhai chu a hmu tah a; chun, mang chu a ziek a, chuong thilhai umzie chu a hril bawk a.

LEVI DÂN 26:18

Chuong sa khawma ka thu in la pawm naw rawp chun, in suolhai leiin a let sariin la hrem ka ti cheu a;

LEVI DÂN 26:21

“Kei a mi kal zâwnga in um a, ka thu in pawm naw chun, in suolhai zirin a let sariin in chungah hremna intlungtir ka tih.

LEVI DÂN 26:24

kei khawm nangni kal zâwngin um ka ta, keima ngeiin in suolhai leiin a let sariin hrem ka ti cheu.

LEVI DÂN 26:28

lunginsentakin nangni kal zâwngin um ka ta; in suol leiin a let sariin hrem bawk ka ti cheu.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 16:22

Kei Terti, hi lekhathawn ziektu hin Lalpa hmingin chibai ka bûk cheu.

THUPUONGSUO 22:18

Hi lekhabu hrillâwkna thu hre taphawt chu kân hriettir; tûkhawmin hieng thu hi a belsa chun, a lekhabua hremna ziekhai hi, Pathienin a chungah belsa vêng a tih;