JEREMIA 36:3 - Pathien Lekhabu Inthieng (BSI)

³ An chunga thil ṭha naw thaw ka tum chu Juda sûngkuohai chun an hrietin, an suolna chu ka ngaidam theina dingin mi tin chu mâni um dân suola inthawk chun an hung kîr rawi mawh,” tiin.

JEREMIA 36:3 ပူးပေါင်းရင်းမြစ်များ

NEHEMIA 1:9

amiruokchu, keia tieng in hung ngha nâwk a, ka thupêkhai in pawm a, in zâwm chun, nangni laia mi kâwlkawdawng chena hnawt suoka um khawm um hai sienla, chutaka inthawk khawm chun kei khâwm nâwk ka ti cheu a, ka hming ka înumtirna ding hmuna ka ruota chun ṭhuoi nâwk ka tih,’ tia thu i pêk kha lunginsiettakin hre zing rawh.

INPÂKNA HLABU 139:24

Chun, keimaa hin rîtlona kawng hrim hrim a um le a um naw en la, Chatuon lampuia chun mi ṭhuoi rawh.

ISAI 6:10

Hi chihai lungril hi sukthâu la, an nahai suksêt la, an mithai insîmtir rawh; chuong naw chun an mitin hmûng an ta, an nain hrieng an ta, an lungrilin hre bawk an ta, nghakîr nâwk an ta, sukdamin um rawi an tih,” a ta.

JEREMIA 18:11

Chuleiin, tuhin fe la, Jerusalem hluotuhai le Juda rama mihai kuoma chun thu hril la, ‘Lalpa chun hieng hin a tih: Ngai ta u, in chungah thil ṭha naw ka riruong a, in chungah phierrûkna ka phierrûk a, tuhin mi tin mâni lampui rilo senga inthawk chun hung kîr raw se; chuongchun, in thilthawhai le in lampuihai chu siem ṭha ro,’ tiin.

JEREMIA 18:8

chu hnam, a chungthu ka hril chu an thil ṭha nawa inthawka an hung kîr chun, thil ṭha naw an chunga thaw dinga ka ngaituo chu la kir ka tih.

JEREMIA 23:14

Jerusalema zâwlneihaia khawm thil râpthlâktak ka hmu a; anni chun uiretna thil an thaw a, thukhêlah an fe a, thilsuol thawtu kut chu an sukhrât a, chuongchun, tukhawm an khawhlonaa inthawkin an kîr nawh; an rêng el chun ka ta ding chun Sodom ang an na, chutaka a hluotuhai chu Gomorra ang an nih.

JEREMIA 24:7

An kuoma chun, Lalpa ka nih ti mi hre dingin lungril pêng ka ta; chuongchun, ka mihai nîng an ta, kei khawm an Pathien nîng ka tih; an lungril po po leh ka kuomah an hung kîr nâwk ding a ni si a.

JEREMIA 26:3

Anni chun ngai an ta, mi tin chu mâni lampui suola inthawk chun an kîr el thei a nih; chuongchun, an thilthawhai suol leia an chunga thil ṭhalo thaw dinga ka tumhai khawm chu kân sîr el thei a nih.

JEREMIA 35:15

Chun, zîngkâra thoa anni hung tirin, ‘Mi tin chu mâni lampui suola inthawk chun hung kîr unla, in thilthawhai chu siemṭha unla, pathien danghai chu an rawng bâwl dingin zui bawk naw ro, chuongchun, nangni le in thlatuhai kuoma ram ka ipêk cheua hin chêng in tih,’ tiin, ka siehlaw zâwlneihai po po chu in kuomah ka hung tir a; nisienlakhawm, in nâ khawm in sit naw a, ngai khawm in mi ngai naw kha.

JEREMIA 36:7

An hnina chu Lalpa hmaa pein, mi tin chu mâni um dân suola inthawk chun an hung kîr rawi mawh: hi mihai chunga lunginsenna le ṭitumna Lalpain a hril chu a nasa hle si a,” tiin.

EZEKIEL 12:3

Chuleiin, nang mihriem naupa, sal intâng ding angin thuomhnaw intêl la, sûnah an mithmu ngeiah fe suok rawh; chun, an mithmua chun i hmuna inthawkin hmun dangah insawn rawh; sûngkaw hel hmang an ni nâka chu an ngaituo thei rawi mawh.

EZEKIEL 18:23

Mi rilo thina chunga hin inhawi tina hrim ka nei am a nih? Lalpa Pathien chun a tih; a lampuia inthawk chun hung kîr lemin a hring ding a ni naw am a nih?

ZEPHANIA 2:3

Nangni a rorêlnahai anga thawtu, hnuoi chunga zainêm po pohai, Lalpa chu zawng ro; felna chu zawng unla, zainêmna chu zawng ro; Lalpa lunginsenna nia chun thupa in um theina dingin.

MATTHAI 13:15

Hi chihai lungril hi a lo ngawng ta a, An nahai a lo sêt ta a, An mit an insîm bawk a. Chuong naw chun an mitin hmûng an ta, An nain hrieng an ta, An lungrilin hre bawk an ta, Ngha kîr nâwk an ta, Keiin anni sukdam hlau rawi ka tih,’ a ti kha.

MARKA 4:12

chuongchun, ‘Hmu chu an hmu thei de a, hriet ruok chu an hriet thei nawna ding le na ruok chun an hriet thei de a, a ngaina ruok chu an hriet thei nawna dingin, chuong naw chun ngha kîr nawk an ta, ngaidam hung ni hlau rawi an tih,’ ” a ta.

LUKA 20:13

“Chun, grêp huon neitupa chun, ‘Iengtin am thâwng ka ta? Ka naupa dittak tir el ka tih; ama hi an lo inza duoiin,’ a ta.

THILTHAWHAI 26:18

An mit sukvar dingin an kuomah ka tir che hi, chuongchun, inthim chu var tieng nghatsan an ta, Setan thuneina chu Pathien tieng nghatsan an tih, suol ngaidamna an hmuna dingin le an mi ringna leia inthieng tahai kuomah ro chan an nei ve theina dingin,’ a ta.

THILTHAWHAI 26:20

a tîrin Damaskaa mihai kuomah, chu hnunga chun Jerusalema mihai kuoma dâm, Juda ram tina mihai kuoma dâm, Jentailhai kuoma dâm khawm sim hming inbûk tlâka thil thawa, sima, Pathien tieng an nghatna dingin ka hril lem hlak a nih.

THILTHAWHAI 28:27

Hi chihai lungril hi a lo ngawng ta a, An nahai a lo sêt deu a, An insîm bawk a, Chuong naw chun ei mitin hmûng ei ta, Ei nain hrieng ei ta, Ei lungrilin hre bawk ei ta, Ngha kîr nâwk rawi ei ta, Amain mi sukdam hlau rawi a tih,’ an ti a,” a ti kha.

THILTHAWHAI 3:19

Chuleiin, in suolhai thâibo a ni theina dingin sim unla, ngha kîr nâwk ro,

DÂN PAHNINA 30:2

Lalpa in Pathien tieng chu in ngha nâwk a, tuta thu ka pêk cheu ang hin nangni le in nauhai leh in lungril po po le in lungvar po poa a râwl in zâwm pha chun,

DÂN PAHNINA 30:8

Chun, hung ngha nâwk in ta, Lalpa râwl hi pawm in ta, vawisûna thu ka pêk cheu, a thupêk po pohai hi zâwm in tih.

DÂN PAHNINA 5:29

Chuong ang lungril chu put hlak hai sien chu aw, mi ṭîng an ta, ka thupêkhai chu zâwm rawp an ta, anni le an nauhai khawm kumkhawtluongin an tluongtlung hle ding bah!

2 PETER 3:9

Mi ṭhenkhatin muonga an ruot angin, Lalpa chu a thutiem kawnga chu a muong nawh; tukhawm bohmang lova mi po po sim ditpuiin, nangni tiengah a dâwthei a ni lem.

1 SAMUEL 7:3

Chun, Samuel chun Israel sûnghai po po kuoma chun, “In lungril takzeta Lalpa tieng hung ngha tak tak in ni chun, ram dang pathienhai le Astaroth dâm in laia chu sie hmang dai ta unla, in lungril chu Lalpa ta dingin buotsai unla, ama rawng chau chu bâwl ro; chuongchun, Philistin mihai kuta inthawk hi a sansuok ding cheu a nih,” a ta.