JEREMIA 36:29 - Pathien Lekhabu Inthieng (BSI)

²⁹ Chun, Juda ram lal Jehoiakim chungthua chun hieng ang hin hril i tih; ‘Lalpa chun hieng hin a tih: Babulon lal chu hung a ta, hi ram hi hung sukse ngei a ta, chutaka inthawk chun ramsa le mihriem khawm sukchavai a tih, tia, iengdinga hitaka hi ziek am in ni a?’ tiin, hi lekhabu zuol hi i raw ta chu a na.

JEREMIA 36:29 ပူးပေါင်းရင်းမြစ်များ

JOB LEKHABU (THE BOOK OF JOB) 15:24

Rimsikna le lungngainahai chun ama a sukṭi a; Lal indo dinga inzosa hieu angin ama chu an inhuol a,

JOB LEKHABU (THE BOOK OF JOB) 15:25

Pathien chungah a kut ân let lei le, Iengkimthawthei chunga chapotaka a khawsak leiin.

JOB LEKHABU (THE BOOK OF JOB) 40:8

Nang ngei khawma ka rorêl hi i ngaitha ding am a nih? Thiem i chang theina dingin, kei chu thiemnaw i mîn changtir ding maw?

ISAI 29:21

chuonghai chun mi chu thupawi thuah suksuoltuah an siem hlak a, kul kawtkhârah kâwktu âwkna dingin châng an kam hlak a, mi fel chu thil teplo mei meiin an inkhêltir hlak.

ISAI 30:10

hmutheituhai kuomah, “Hmu naw ro,” zâwlneihai kuomah, “Thil indikhai mi hrillâwk ro, thil inhawi tieng kan kuomah hril ro, hlêmna thu hrillâwk naw ro;

ISAI 45:9

Mâni siemtu sêltu chu a chung a rik ie! hnuoia behar laia behar mei mei chu! Pilpawk chun a hemtu kuomah, “Ieng am i siem leh?” a ti ding am a nih? annawleh, i sinthaw chun, “A kutin thiem hrim a nei nawh,” a ti ding am a nih?

JEREMIA 21:10

Thil ṭha tiengah ni lovin, thil ṭha naw tiengah hi khawpui chunga hin ka hmai kân nghat ta si a, Lalpa chun a tih: Babulon lal kuta pêk nîng a ta, ama chun meiin râwng a tih.

JEREMIA 25:13

Chu ram chunga ka thuhai tlung dinga ka hril tah, hi lekhabua ziek ta ngeihai, Jeremia chun hnamhai chu dodala a lo hril tahai ngei chu hung intlungtir ka ta.

JEREMIA 25:9

ngai ta u, mi tir ka ta, hmâr rama inthawk chun sûngkuohai po po chu ko ka tih, Lalpa chun a tih; chun, ka siehlaw Babulon lal Nebukadnezzar kuoma chun mi tir ka ta; anni chu hi ram le, a hluotuhai le, a vêla hnamhai po po chunga do dingin hung ṭhuoi ka ta; chuongchun, anni chu sukse letdêr ka ta, makti ding le, inchekna ding le, kumkhaw rausanah ka siem ding a nih.

JEREMIA 26:9

Iengdinga Lalpa hminga thu hrila, ‘Hi in hi Silo ang nîng a ta, hi khawpui hi hluotu um lova rausan nîng a tih,’ i ti am a na?” an ti a. Chuongchun, Lalpa ina chun Jeremia chu mipui po po chun an bâwr ta hut hut a.

JEREMIA 28:8

Zâwlnei keia hma le nangma hmaa, kha hmaa lo um tahai khan ram tamtak chunga le, lalram ropuitakhai chunga le, indo thu dâm, thil ṭha naw thu dâm, hripui thu dâm an lo hril hlak a.

JEREMIA 32:3

Juda ram lal Zedekia chun ama chu a khum a, “Ieng dinga hienga thu hi i hril am a na?, ‘Lalpa chun hieng hin a tih: Ngai ta u, hi khawpui hi Babulon lal kuta chun pêng ka ta, ama chun lâng a tih.

JEREMIA 33:12

Sipaihai Lalpa chun hieng hin a tih: Chu nawa khawm, hi hmuna hin, mihriem le sa khawm um lova se ta le chutaka khawpuihaia po po chun, berâmpuhai an ran ruol chu inbawktirin la um an tih.

JEREMIA 36:23

Chun, Jehudi chun phêk thum amanih, phêk li amanih a tiem phing chun lal chun chemtê hin a ât thlâk a, meithuka meiin lekhabu zuol chu a kâng zo vawng chenin, meithuka meia chun a pei lût pei ta a.

THILTHAWHAI 5:28

“Hi hming hin inchûktir lo ding kan ti tlat ta cheu kha; hre ro, in thu inchûktirin Jerusalem in suksip vawng ta hi; hi mipa thisen maw hi mîn phurtir ṭâl in tum a ni hi,” tiin a suosal a.

THILTHAWHAI 5:39

amiruokchu, Pathien ithaw suok a ni chun anni sukbohmang thei naw ti niu; chuong naw chun, Pathien do ni hlau rawi in tih,” a ta. Chun, a hril chu rem an ti ta a.

1 KORINTH 10:22

Annawleh, Lalpa chu thîk dingin chawk tho ei tum a ni maw? Ama nêkin ei hrât lem am a nih?

DÂN PAHNINA 29:19

Hi inkhâmna thu ngaithlatu po poin, ‘Lulultakin ei lampui hraw chu hraw zing inla khawm him tho ei tih,'tia lungrila ngaidân siem a, inthlamuontu um hlau rawi an tih. (Chu chun ram hnâwng le ram ṭâwt chungah sietna intlun a tih).