JEREMIA 36:1 - Pathien Lekhabu Inthieng (BSI)

¹ Juda ram lal Josia naupa Jehoiakim inlal kum linaa chun hi thu hi Lalpa kuoma inthawk chun Jeremia kuomah a hung tlung ta a:

JEREMIA 36:1 ပူးပေါင်းရင်းမြစ်များ

2 CHANCHIN SUINA 36:5

Jehoiakim chu rorêl a ṭan chun kum sâwmhni pangaa upa a na; Jerusalema chun kum sâwmpakhat sûng ro a rel a; a Pathien Lalpa mithmuah thil ṭha naw chu a thaw a,

JEREMIA 25:1

Juda ram lal Josia naupa Jehoiakim inlal kum linaa Juda mipui po po chungthua Jeremia kuoma thu hung tlung chu: chu kum ma chu Babulon lal Nebukadnezzar inlal kum khatna a na;

JEREMIA 25:3

“Juda ram lal Amon naupa Josia inlal kum sâwmpathum kuma inthawka vawisûn ni chen hin, hi kum sâwmhni pathum sûng hin Lalpa thu chu ka kuomah a hung tlung hlak a; chun, in kuoma chun ṭhahnemngaitakin ka lo hril hlak cheu a; amiruokchu, in awi ngai naw a.

JEREMIA 35:1

Juda ram lal Josia naupa Jehoiakim hun laia Lalpa kuoma inthawka Jeremia kuoma thu hung tlung chun hieng hin a tih:

JEREMIA 36:9

Chun, Juda ram lal Josia naupa Jehoiakim inlal kum ngana, thla kuonaa chun Jerusalema mi po pohai, Juda ram khawpuihaia inthawka Jerusalema mipui hung po pohai chun Lalpa hmaa bunghei chu an phuong ta a.

JEREMIA 45:1

Juda ram lal Josia naupa Jehoiakim inlal kum, kum linaa, Jeremia baua inthawka lekhabua thuhai a ziek laia, Neria naupa Baruk kuoma zâwlnei Jeremia thuhril thu chu:

JEREMIA 46:2

Aigupta chungthuah: Juda ram lal Josia naupa Jehoiakim inlal kum li kuma Babulon lal Nebukadnezzarin a rûn, Aigupta lal Pharao-neko sipai Euphrates vadungpui panga Karkemisa umhai chungthu chu:

DANIEL 1:1

Juda lal Jehoiakim rorêl kum thumnaa Babulon ram lal Nebukadnezzar chu Jerusalemah a hung a, a rûn ta a.