JEREMIA 35:6 - Pathien Lekhabu Inthieng (BSI)

⁶ Nisienlakhawm, anni chun an dawn a, “Uoin chu dâwn naw ning ungah; kan thlatu Rekab unaupa Jonadab chun hieng hin thu a mi pêk si a: ‘Kumkhuoin nangniin amanih, in naupasalhai khawmin amanih uoin hi dâwn ngai naw ti niu a;

JEREMIA 35:6 ပူးပေါင်းရင်းမြစ်များ

INṬANNA 25:27

Chun, naupanghai chu an hung inṭhang lien a, Esau chu sapêl thiemtak, ramsuok mi tak a nih; Jakob ruok chu mi totak, puon in dâma um mi a nih.

INṬANNA 36:7

An thil neihai chu a nasa taluo a, an um hmunkhat thei naw a nih; an ranhai leiin an khuolchâmna ram chun a dai ta naw a.

2 LALHAI 10:15

Chun, chutaka inthawka a suok hnung chun Rekab naupa Jehonadab, ama tuok dinga hung a va hmu a; chuongchun, chibai a bûk a, a kuomah, “I chunga lungril indik ka put ang hin lungril indik i put ve am chu?” a ta. Jehonadab chun, “Put e,” tiin a dawn a. “Anleh i kut mi hang pe ta,” a ta. Chuongchun, a kut chu a hang pêk a; chun, ama chun a kuomah a tawlailîr sûngah a kei lût ta a.

2 LALHAI 10:23

Chun, Jehu chu Rekab naupa Jehonadab le chun Baal inah an lût a, Baal betuhai kuoma chu, “Hitaka hin Baal betuhai ti lo, Lalpa mihai lo um ve rawi an tih, zawng unla, en vêl ta u,” a ta.

1 CHANCHIN SUINA 16:19

Mi tlâwmte chau in ni lai khan, Anih, mi tlâwmte chau, chutaka mikhuol in na;

1 CHANCHIN SUINA 2:55

Chun, lekhaziektu sûngkuohai Jabez-a chênghai chu Tirath mihai, Simeath mihai, Sukath mihai hi an nih. Hieng mihai hi Rekab sûngkuo thlatu Hammath-a inthawka Ken mi hung suokhai chu an nih.

INPÂKNA HLABU 105:12

Mi tlâwmte chau, an ni lai khan, Anih, tlâwmte chau chu rama chun mikhuol an ni nâwk nghâl si a.

FESUOKNA 20:12

I nu le pa chawimawi rawh: Lalpa i Pathienin a pêk che rama hin i nihai chu a sâwt theina dingin.

JEREMIA 35:10

puon inahai chun kan chêng a, kan thlatu Jonadabin thu a mi pêk ang taphawt chun kan zâwm a nih.

JEREMIA 35:14

Uoin dâwn lo dinga thu a naupasalhai a ipêk, Rekab naupa Jonadab thupêkhai chu sukpuitlingin a um a, vawisûn ni chen hin an dâwn naw a, an thlatu thupêk chu an pawm leiin: amiruokchu, zîngkâra thoa thuhrilin, in kuoma chun thu ka hrila chu in ngai si naw a.

LEVI DÂN 10:9

“Nang amanih, i naupasalhai amani khawmin, intuokna puon in sûnga in fe laiin uoin le zu hrim hrim dâwn naw ro, chuong naw chun thîng in tih; hi hi in thlahai chena kumkhaw dân ding nîng a tih.

LUKA 1:15

Lalpa ngaiin mi lien nîng a ta, uoin le zu hrim hrim dâwn naw ni a; a nu phing sûnga inthawkin Thlarau Inthiengin hung sip a tih,

1 PETER 2:11

Dittakhai, mikhuol le khuolfe in ni leiin, thlarau do hlaktu tisa châknahai bânsan dingin ka ngên cheu.

RORELTUHAI 13:14

Grep hruia inthawk hrim hrim chu a fâk ding a ni naw a; uoin le zu hrim khawm a dâwn ding a ni nawh, fâk thienglo thil hrim khawm a fâk ding a ni nawh; thu ka ipêk ta po po kha vawngṭha raw se,” a ti a.

RORELTUHAI 13:7

amiruokchu, ka kuomah, ‘Ngai ta, inrai i ta, naupasal nei i tih, chuongchun, uoin le zu hrim dâwn naw la, fâk thieng lo thil hrim khawm fa dêr naw rawh, naupang chu sula a um laia inthawka a thi chenin Pathien ta dinga Nazarit mi a ni ding a ni si a,’ a ti a,” tiin a hril a.