JEREMIA 34:8 - Pathien Lekhabu Inthieng (BSI)

⁸ Lal Zedekiain Jerusalema mipuihai po po kuoma, an kuoma zalênna thu phuong dinga thuthlung a siem hnunga Jeremia kuoma Lalpa thu hung tlung chu:

JEREMIA 34:8 ပူးပေါင်းရင်းမြစ်များ

2 LALHAI 11:17

Chun, Jehoiada chun Lalpa le lal le mipuihai kâra chun Lalpa mihai an hung nina dingin thu a thlung ta a; lal le mipuihai kâra khawm chun.

2 CHANCHIN SUINA 23:16

Chun, Jehoiada chun ama le mipuihai po po le, lal inkâra chun Lalpa mihai chu an ni ding a nih, tiin thuthlung a siem ta a.

2 CHANCHIN SUINA 29:10

Tuhin, einia inthawka a lunginsenna ṭiumtak chu lâk hmang a ni theina dingin Israel Pathien Lalpa le chun thuthlung siem ka lungril a nih.

NEHEMIA 9:38

Chuong po po lei chun thu dettak kan thlung a, kan ziek a, kan mi lienhai, kan Levi mihai le kan thiempuhaiin an namdetpui a.

ISAI 58:6

“Hi hi ni lo am a ni bungheina ka idit zâwng chu? Rîtlonaa khuop sûtpêk le, rîngkawl hruihai sûtpêk le, nêksâwra umhai insuoktir le, rîngkawl tinrêng suktliekpêk hi.

ISAI 61:1

Mi rimsihai kuoma chanchin ṭha hril dingin Lalpain hriek a mi nâl leiin, Lalpa Pathien thlarau chu ka chungah a um a; ama chun, lungril nahai sukdam ding dâm, salhai kuoma suokna thu le mi intânghai kuoma intângna in hawngna ding thu hril ding dâm,

JEREMIA 34:17

Chuleiin, Lalpa chun hieng hin a tih: Mi tinin mâni unaupa chunga le, mi tinin mâni tuolbâwm chunga zalênna puong dingin ka thu in ngai naw a nih; ngai ta u, kâwlhnâm kuoma le, ṭâm kuoma le hripui kuoma chun in ta dingin zalênna chu ka puong a nih, Lalpa chun a tih: chuongchun, leihnuoia lalram po pohai laia hnungtieng hmatienga hnawt lêng dingin ka siem ding cheu a nih.

LEVI DÂN 25:10

Chu kum sâwmngana chu inser thieng i ta, ram sûnga um po pohai kuomah zalênna thu in puong ding a nih; in ta dingin jubili nîng a ta; mi tinin mâni ta ngai nei nâwk in ta; mi tin chu mâni insûng khur sengah in um nâwk ding a nih.

DÂN PAHNINA 15:12

“In unau Hebrai pa amanih, Hebrai nu amanih in kuomah an zawr a, kum ruk in rawng an bâwl chun kum sari kum chun in insuo ding a nih.