JEREMIA 34:5 - Pathien Lekhabu Inthieng (BSI)

⁵ thlamuongtakin thîng i tih; thlatuhai, i hmaa lal hmasa lo um tahai riminhnik an rawpêk ang khan, nangma ta ding khawma riminhnik râwng an ta, “Aw lalpa!” tiin ṭâng an ti che; hi thu hi ka lo hril ta si a, Lalpa chun a tih.

JEREMIA 34:5 ပူးပေါင်းရင်းမြစ်များ

2 LALHAI 22:20

Chuongchun, ngai ta, i pi le puhai kuomah ṭhuoi ka ti che a, thlânah lungmuongtaka ṭhuoiin um i ta, hi hmuna thil ṭha nawtak ka hung intlungtir ding chu i mitin hmu ve naw nih, a tih,’ tiin,” a ta. Chuongchun, thu chu lal kuoma chun an vân tlun nâwk a.

2 CHANCHIN SUINA 16:14

Ama thlân in David khuoa a siem ngeia chun an phûm ta a; chun, riminhnik le chawkpawl thiem mihaiin an buotsai riminhnik tinrênga sip khuma chun an inzâltir a; ama ta ding chun meichawk nasatak chu an siem ta a.

2 CHANCHIN SUINA 34:28

Ngai ta, i thlatuhai kuomah infetir ka ti che a, i thlâna chun thlamuongtakin fêng i ta, hi hmun le a sûnga umhai chunga thil ṭha naw ka hung intlungtir dinghai po po chu i mithaiin hmu naw nih a tih,’ ti ro,” a ta. Chuongchun, lal chu, thu chu an hung intlun nâwk a.

JEREMIA 22:18

Chuleiin, Juda lal Josia naupa Jehoiakim chungthua chun Lalpain hieng hin a tih: Ama chu “Aw ka unaupa,” tiin amanih, “Aw farnu,” tiin amanih, sûn naw ni hai a; “Aw lalpa,” tiin amanih, “Aw a ropuina chu,” tiin amanih, sûn bawk naw ni hai.

JEREMIA 34:4

Amiruokchu, Juda lal Aw Zedekia, Lalpa thu chu lo ngai ta; i chungthua chun Lalpa chun hieng hin a tih: Kâwlhnâm chun thi naw ti ni a;

ṬAP HLA 4:20

Ei hnârkuo thuok, Lalpa hrieknâl chu, an khursûnga chun an lâk a; “Ama hlim hnuoia chun hnamhai laia chun chêng ei tih,” ei ti a.

EZEKIEL 17:16

Ka hring zing angin, Lalpa Pathien chun a tih; ama chu lala siemtu, a inkhâmna a hmusit le, a thuthlung a bawsietpêk lal umna hmun, ama kuomah Babulon sûng ngeia chun thîng a tih.

DANIEL 2:46

Chun, lal Nebukadnezzar chu a bawkkhup a, Daniel chu chibai a bûk a, ama kuoma chun riminhnikhai le inthâwina inhlân dingin thu a pêk ta a.

1 SAMUEL 31:12

mi huoisenhai po po chu an tho a, zânkhawvârin an fe a, Saula ruong le a naupasalhai ruong Beth-san kul banga inthawk chun an lâk a; chun, Jabes an hung tlung a; chutaka chun an raw a.