JEREMIA 34:22 - Pathien Lekhabu Inthieng (BSI)

²² Ngai ta u, thu pêng ka ta, hi khawpuia hin hung inkîrtir ka tih; Lalpa chun a tih: chun, do an ta, lâng an ta, meiin râwng an tih; chuongchun, Juda khawpuihai chu hluotu um lova râusanah siem ka tih,” tiin.

JEREMIA 34:22 ပူးပေါင်းရင်းမြစ်များ

2 SAMUEL 16:11

Chun, David chun Abisai le a siehlawhai po po kuoma chun, “Ngai ta u, ka naupa ka rîla ra ngei chun mi that a tum a na, hi Benjamin mi hin a va tum nasa nâwk zuol âwm de! Iengkhawm law naw unla, ṭawngsie chu inphur el raw se; Lalpa inthawtir a ni si a.

2 LALHAI 25:6

Chuongchun, lal chu an man a, Babulon lal kuomah Ribla khuoah an ṭhuoi a; chun, a chungchâng an rêl a.

2 LALHAI 25:9

Lalpa in le lal in chu a raw a; Jerusalem in po po, in ropui taktakhai chu a raw a.

2 CHANCHIN SUINA 36:17

Chuleichun, an chunga chun Kaldai lal a hung tir a, anni chun hmun inthienghaia chun an tlangvâlhai dâm kâwlhnâmin an that a, tlangvâl amanih, nunghâkhai amanih, upa amanih, tar amani chunga khawm lunginsietna an nei naw a, chuongchun, an rêng chun a kutah a pêk a.

ISAI 13:3

Keima ngeiin ka mi ruothai chu thu ka pêk ta a, anih, ka mi hrâttak, ka mi indutaka hlimhai chu ka lunginsen hrîkthlatu dingin ka ko tah.

ISAI 24:12

Khawpuia chun rausanna mâksanin a um a, a kul kawtkhâr chu vuok sietin a um tah.

ISAI 37:26

Keimain inhmaa inthawka chuong chu ka thaw a na, tienlaia chuong chu ka siem an nih ti i hriet nâwm a nih? Khuo kulpui neihai kha in chim khâwm el anga suksetu i ni theina dingin tuhin kân tlungtir a ni ta hi.

ISAI 6:11

Chun, kei chun, “Lalpa, ieng chen am nîng a ta?” ka ti a. Chun, ama chun a hril a, “Khawpuihai mihriem um lova inram a na, inhai hluotu um lovin a ṭîek a, râusana a um vawng a,

ISAI 64:10

I khawpui inthienghai chu thlalêrah a hung inchang a, Zion chu thlalêrah a hung inchang a, Jerusalem chu hmun râusanah a hung inchang ta hi.

JEREMIA 2:15

Sakeibaknei tuoihai chun an inrûm khum a, an inhûk a: a ram chu an suksiet a; a khawpuihai khawm a hluotuhai um lovin a kâng zo ta a.

JEREMIA 32:29

chun, hi khaw hung dotu Kaldaihai chu hung an ta, hi khuo hi meiin hung râwng an ta, a inhai a chunga Baal kuoma riminhnik an râwna le, kei mi suklungsenna dinga pathien danghai kuoma dâwn mi thilinhlânhai an lo bunthlâkna inhai le chun kâng a tih.

JEREMIA 33:10

“Lalpa chun hieng hin a tih: ‘Sa le mihriem khawm um lovin a sie a,’ in ti, hi hmuna le, Juda ram khawpuihaia le, hluotu um lova, ran khawm um lova râusan Jerusalem kawtthlêrahai chun hieng hi hriet la nîng a tih:

JEREMIA 34:2

Lalpa Israel Pathien chun hieng hin a tih: Fe la, Juda lal Zedekia kuoma chun thu hril la, ama chu hieng hin hril rawh: Lalpa chun hieng hin a tih: Ngai ta, hi khawpui hi Babulon lal kutah ka pêk ding a na, ama chun meiin râwng a ta;

JEREMIA 38:23

Chun, i nauhai le i nuhmeihai po po chu Kaldaihai kuoma chun hung la suok an ta, nang khawm an kuta inthawk chun suokthleng naw ti ni: amiruokchu, Babulona lal kuta man nîng i ta; hi khawpui hi meia raw dingin siem i tih,” a ta.

JEREMIA 39:8

Chun, Kaldaihai chun lal in le mihai inhai chu meiin an raw a, Jerusalem kulbanghai chu an sukchim ta a.

JEREMIA 4:7

Sakeibaknei chu a chîmbuka inthawk chun a hung suok ta a, hnamhai sukbohmangtu ding chu; a lampuia chun a thang mêk a, a hmuna inthawk chun a suok ta a, i ram chu râusana siem ding le, i khawpuihai khawm hluotuhai um lova sukse dingin.

JEREMIA 44:22

Thil tirdakum in thawhai lei le, in thilthawhai suol lei chun Lalpa chun a tuor pei ta naw a; vawisûn ni ang chen khawma a ni ang sawn, in ram chu râusan le, maktia um le, ṭawngsekawk, hluotu um lo a lo ni ta kha.

JEREMIA 50:13

Lalpa lunginsenna lei chun hluoin um naw ni a, a pumpuia râusan nîng a ta, mi tin Babulon fekhêltuhai phawt chun mak tîng an ta, a sietna po poa chun inchek an tih.

JEREMIA 52:13

Lalpa in le lal in chu a raw a; Jerusalema in po pohai, in ropui takhai khawm chu meiin a raw ta a.

JEREMIA 52:7

Chun, khawpuia chun lamrel siem a ni ta a, lal huon sîra, bang pahnihai inkâra dai kawtkhâr lampuia chun zânah indo mihai po po chu an tlân suok ta a (chuongchun, Kaldaihai chun khawpui chu a vêlin an umngha a na) Araba tieng lampuia chun an fe ta a.

JEREMIA 9:11

Chun, Jerusalem chu hmun- hnawk intiengkhâwmna le, satenehai ta dinga chêngna hmunah siem ka tih; Juda khawpuihai khawm chu hluotu um lova râusanah siem bawk ka tih. Hi hi hrethiem thei dinga mi var tu am a um a?

ṬAP HLA 1:1

Iengtiziea khawpui khânga mipuia sip kha khawsâwta ṭhung el am an ta a! Hnamhai laia khânga ropui kha, iem a tia hmeithai ang a hung ni ta el chu! Rambunghai laia a lalnu ni hlak kha, chîn lem a hung ni ta el chu!

EZEKIEL 13:22

Mi fel lungril ka suklungngai naw chu thukhêla in suklungzîng tâk leiin mi rilo kuthai khawm in lo sukhrât ta a, a lampui rilova inthawka a kîr nâwk nawna dingin hringna thu in tiem a;

AMOS 3:6

Khawpuiah tawtawrâwt an mûtin, mi ṭi lovin an um hlak am a nih? Lalpa thaw lo chun khawpuia chun sietna a tlung thei ding am a nih?

MIKA 7:13

Chuong sa khawm chun ram chu a sûnga chênghai le a thilthaw ra lei chun râusan nîng a tih.

ZEKARIA 1:12

Chun, Lalpa vântirko chun a dawn a. ‘Aw sipaihai Lalpa, kum sâwmsari sûng rau an chunga nasataka lunginsenna i nei, Juda khawpuihai le Jerusalem chunga hin ieng chen am zângaina nei lovin i um ding a na?’ a ta.

ZEKARIA 7:14

amiruokchu, an la hriet ngailo hnam po po laia chun thlivirin anni ka sukdar ta a. Chuongchun, ram chu râusanin a um ta a, tukhawm an fe thlengin an kîr nâwk ngai ta naw a: ram duthusâm tak chu râusanah an siem ta leiin.

MATTHAI 22:7

Chuongchun, lal chu a lunginsen ta a; a sipaihai a tir a, chuong tuolthathai chu a sukbo a, an khuo khawm a rawpêk ta a.