JEREMIA 34:15 - Pathien Lekhabu Inthieng (BSI)

¹⁵ Chun, tu el khawm in hung lamlêt a, mi tinin mâni tuolbâwm ta dinga zalênna puongin, ka mithmuah thilindik chu in thaw ta a; chun, ka hming chawia ko ina chun ka hmaah thuthlung khawm chu in lo siem ta bawk a.

JEREMIA 34:15 ပူးပေါင်းရင်းမြစ်များ

2 LALHAI 12:2

Chun, thiempu Jehoiadain Jehoas chu ân chûktir sûng po chu Lalpa mithmua thil ṭha a thaw hlak a.

2 LALHAI 14:3

Lalpa mithmuah thil feltak a thaw hlak a, a pu David ruok chu a tluk naw a; a pa Joas thilthaw ang po chu a thaw ve hlak a.

2 LALHAI 23:3

Chun, lal chu ban hrûlah a ngîr a, chu lekhabua chuong thuthlung thu chu sukdet dingin lungril po po le thlarau po poa Lalpa zui ding le a thupêkhai, a thu inhriettirhai, a thuruothai pawm dingin Lalpa hmaa chun thu a thlung a;

NEHEMIA 10:29

an unauhai, an mi lienhai chu an chel tlat a, ṭawngsephur dinga inkhâm rauin thu an tiem a; Pathien siehlaw Mosie pêk Pathien Dân zâwm dinga Lalpa ei Lalpa thupêkhai po po le a rorêlnahai le a thuruothai chu zâwm ve vawng a;

INPÂKNA HLABU 119:106

I rorêlna feltakhai chu zâwm dingin, Ṭawng kân khâm a, ka sukdet bawk a.

INPÂKNA HLABU 76:11

Thu tiem unla, Lalpa in Pathien kuoma chun hlen ro, A vêla mi po po chun ṭidingpa chu lâwmmanhai hung chawipêk raw hai se.

ISAI 58:2

Anni chun zawng chu ni tin el an mi zawng hlak a, ka lampui thuhai hriet chu an inhâwk hlak; feltaka thaw le an Pathien rorêlna bânsan ngai naw hnam angin, ka kuomah rorêlna feltak an mi hni hlak a. Pathien hung hnai khawm an inhâwk hlak a nih.

JEREMIA 32:34

Amiruokchu, an tirdakumna chu ka hming chawia sak in chu sukpawrche dingin an sieh a.

JEREMIA 34:8

Lal Zedekiain Jerusalema mipuihai po po kuoma, an kuoma zalênna thu phuong dinga thuthlung a siem hnunga Jeremia kuoma Lalpa thu hung tlung chu:

LEVI DÂN 25:10

Chu kum sâwmngana chu inser thieng i ta, ram sûnga um po pohai kuomah zalênna thu in puong ding a nih; in ta dingin jubili nîng a ta; mi tinin mâni ta ngai nei nâwk in ta; mi tin chu mâni insûng khur sengah in um nâwk ding a nih.

MATTHAI 15:8

‘Hi hairawi hin an bauin an mi chawimawi a, An lungril ruok chun an mi hlat si a.