JEREMIA 34:13 - Pathien Lekhabu Inthieng (BSI)

¹³ “Lalpa Israel Pathien chun hieng hin a tih: Intângna ina inthawk, Aigupta rama inthawka anni ka ṭhuoi suok lai chun in thlatuhai kuoma chun hienga hril hin thuthlung ka lo siem ta a:

JEREMIA 34:13 ပူးပေါင်းရင်းမြစ်များ

FESUOKNA 13:14

Chun, nakie hun la hung tlung dinga khawm i naupain, Hi hi a umzie ieng am a na? tia ân dawn che chun, a kuomah hieng hin hril i tih, “Suoka umna ram Aiguptaa inthawk Lalpain kut thahrâtin a mi ṭhuoi suok ta a.

FESUOKNA 13:3

Mosie chun mipui kuoma chun, “Suoka in umna Aiguptaa inthawk in hung suok ni kha hre zing ro: Lalpain kut thahrâtin chu hmuna inthawk chu a hung ṭhuoi suok cheu a ni kha; chawl ṭhang bei hrim fâk a ni ding a ni nawh.

FESUOKNA 20:2

“Lalpa in Pathien, Aigupta ram, suok in nina ina inthawka ṭhuoi suoktu cheu ka nih.

FESUOKNA 24:3

Mosie chu a hung a, Lalpa thu po po le dânhai po po chu mipui a hril ta a. Mipui po po chun thu thuhmunin an dawn a, “Lalpain thu a hril po po chu thâwng kan tih,” an ti a.

JEREMIA 11:4

Aigupta ram, thîr sutna pûm meia inthawka anni ka ṭhuoi suok laia, ‘Ka râwl ngai unla, thaw ro, chuongchun, ka mihai nîng in ta, kei khawm in Pathien nîng ka tih,’ tia in thlatuhai kuoma thu ka lo pêk tah thuhai chu.

JEREMIA 11:7

Aigupta rama inthawka anni ka hung ṭhuoi suok nia inthawk tah vawisûn ni chen khawm hin. “Ka râwl chu awi ro,” tia hrila, inhmataka thoa, anni chu inhriettirin, in thlatuhai chu ṭhahnemngaitakin ka lo inhriettir ta a.

JEREMIA 31:32

Aigupta rama inthawka hung ṭhuoi suok dinga kuta anni ka chel nia an thlatuhai kuoma thuthlung ka siem ang dungzui kha ni lovin, an ta dingin pasal ka ni dea chu, chu ka thuthlung chu an bawsiet a, Lalpa chun a tih.

JEREMIA 34:12

chuleiin, Lalpa thu chu Lalpa kuoma inthawk chun Jeremia kuoma chun a hung tlung a;

JEREMIA 7:22

Inthâwinahai le pumrawhmang thilinhlân chungthua hin Aigupta rama inthawka anni ka hung ṭhuoi suok nia chun, in thlatuhai kuoma chun thu hrilin, thupêk ka lo nei nawh;

DÂN PAHNINA 13:10

Lungin in dêng hlum ding a nih; Aigupta rama inthawka suoka inthawka ṭhuoi suoktu cheu Lalpa in Pathien kuoma inthawk a sukpêtna cheu a zawng leiin.

DÂN PAHNINA 15:15

Aigupta rama khan suok in ni ta a, Lalpa in Pathienin ân tlan cheu ti kha in hriet zing ding a nih; chu lei chun a nih, hieng thu hi tuhin ka pêk cheu chu.

DÂN PAHNINA 16:12

Chun, Aigupta rama khan suok in nih ti in hriet zing ding a nih; chun, hieng dânhai hi fîmkhurtakin in zâwm ding a nih.

DÂN PAHNINA 24:18

Nangni khawm Aiguptaa khan suok in ni ta a, Lalpa in Pathienin chutaka inthawk chu ân tlan cheu a nih ti in hriet zing ding a nih; chuong lei chun a nih hieng thil hi thaw dinga thu ka pêk cheu chu.

DÂN PAHNINA 29:1

Horeb tlânga an kuoma thu a thlung bâkah Lalpain Moab rama Israel mihai kuoma Mosie thu ân thlungtir, a thuthlung thuhai chu hieng hi a nih.

DÂN PAHNINA 5:27

Nangin va hnai la, Lalpa ei Pathienin a hril ding po po chu nangin kan kuomah hril i ta; chuongchun, lo ngai kan ta kan zâwm ding annâwm,’ in ti a.

DÂN PAHNINA 5:6

“Kei hi Lalpa i Pathien, Aigupta rama inthawka ṭhuoi suoktu che ka nih,.

DÂN PAHNINA 6:12

fîmkhur hle el ro; chuong naw chun, Aigupta rama inthawka suoka inthawka ṭhuoi suoktu cheu Lalpa chu theinghil el rawi in tih.

DÂN PAHNINA 7:8

Lalpain a hmangai cheu a, in pi le puhai kuoma ṭawng a lo inkhâm chu hlen a nuom leiin a nih, Lalpa kut hrâttakin suoka in umna Aigupta ram lal Pharao kuta inthawka ân tlan suok cheu chu.

DÂN PAHNINA 8:14

in lungril hung chapo a ta, suok in nina Aigupta rama inthawka ṭhuoi suoktu cheu Lalpa in Pathien chu theinghil hlau rawi in tih.

JOSUA 24:17

ama Lalpa kan Pathien ngeiin annâwm kan thlatuhai le Aigupta ram suoka inthawka mi ṭhuoi suok a, kan mithmua inchikna ropuitak takhai thaw a, kan fena taphawta le mipui po po kan nêr thlengnaa khawma mi humhim pei chu;

RORELTUHAI 6:8

Lalpa chun Israel thlahai laia chun zâwlnei a hung tir a, ama chun an kuomah, “Lalpa Israelhai Pathien chun hieng hin a ti a nih, ‘Aiguptaa inthawk khan ka hung ṭhuoi tung cheu a, suok nina ina inthawk ka ṭhuoi suok cheu a;