JEREMIA 33:9 - Pathien Lekhabu Inthieng (BSI)

⁹ Chun, hnuoi chunga hnam po pohai, an chunga thil ṭha ka thaw po po hretuhai le, thil ṭha po po le thlamuongna po po a ta dinga kân neitir hretuhai ṭiin inthin an tih; ka ta dingin hi khawpui hi hlimna hming le, inpâkna ding le ropuina ding hung nîng a tih.

JEREMIA 33:9 ပူးပေါင်းရင်းမြစ်များ

2 CHANCHIN SUINA 20:29

Chun, Israelhai hmêlmahai chu Lalpa chun a dopui ti an hriet chun chuong ramhaia lalramhai po po chunga chun Lalpa ṭina chu a um a.

NEHEMIA 6:16

Chun, kan hmêlmahai po poin chu chu an lo hriet chun, kan vêla hnam danghai chun an ṭi ta a, chan se ta hlein an inhriet a, sin chu kan Pathien thaw a nih ti an hriet ta si a.

ESTHER 8:17

Chun, rambung tin le khaw tinah, lal thupêk a tlungna taphawta chun, Judahai chun lâwmna le hlimna an nei a, ni ṭha le ruoiṭhena dâm an nei ta bawk a. Chun, chu rama chi tamtakhai laia mi chu Juda an hung ni ve ta a; an chunga chun Juda mihai ṭitna chu a tlung ta si a.

INPÂKNA HLABU 130:4

Nisienlakhawm, i kuomah ngaidamna a um a nih, Ṭiha i um theina dingin.

INPÂKNA HLABU 40:3

Hla thar ka bauah a sie ta bawk a, ei Pathien inpâkna chu: Mi tamtakin chuong chu hmûng an ta, ṭî bawk an ta; Lalpa chu ring tâng an tih.

ISAI 43:21

chuong ka mihai chu ka ta dinga inpâkna an suklang theina dinga ka ta dinga ka siemhai chu an nih.

ISAI 55:13

Hlohlingnei nêk chun fâr mâwng lem a ta, buor nêk chun inhmui mâwng lem a tih; chu chu Lalpa ta dinga hmingṭhatna ding le, kumkhawtluonga inchikna sukbohmanga um lo ding nîng a tih.

ISAI 60:5

Chu pha chun hmûng i ta, var tâng i tih, i lungril chu inthin a ta, suklienin um a tih; tuipuia sumdâwngna tamtak el chun nanga tieng a pan ding a ni leiin le, hnam tin sum chun i kuom a hung tlung ding a ni leiin.

ISAI 62:1

A felna chu varna anga ân suo a, ama sandamna chu khâwnvar chawk anga ân suo hmakhat chun, Zion leiin to zing naw ninga a, Jerusalem leiin um ṭawk ṭawk naw ningah.

ISAI 62:12

Chuongchun, anni chu Mi Inthienghai, Lalpa intlanhai tîng an tih; nang chu Zawng suok, mâksan naw khawpui, tîng an ti che,’ tiin,” a ti a.

ISAI 62:4

“Mâk,” ti nâwk ta naw ni hai che a, i ram khawm chu, “Sukrêm,” ti nâwk ta naw ni hai a: “Hephzibah” ti lem tâng an ti che a, i ram khawm chu “Beula” ti bawk an tih, Lalpa i chungah a lâwm si a, i ram khawmin pasal a nei ding a nih.

ISAI 62:7

ama khawm chu inumtir ṭawk ṭawk naw ro: Jerusalem hi a sukdet a, hnuoia hin inpâkuma a siem hmakhat chun.

ISAI 64:2

meiin thing nawi a suk chawk a, tui dâm a sukso ang hin, hnam tin i hmaah an inthin a, nangma dotuhai che kuoma chun i hming chu inhriettir a ni theina dingin.

JEREMIA 13:11

Hrênpuon chu mi kâwnga a kawp tlat angin, Juda sûngkuo po po le Israel sûngkuo po po chu keimaa kawp tlat dingin ka siem an nih, Lalpa chun a tih: keia ta dinga mihai an ni a, hming an ni a, inpâkna an ni a, ropuina an ni theina dingin, nisienlakhawm, an ngai si naw a.

JEREMIA 16:19

Aw Lalpa, ka hrâtna le ka kulpui nghet le rinum nia ka himna; leihnuoi tâwphaia inthawk chun hnamhai chu i kuomah hung an ta, “Kan thlatuhai chun khêlhlip chau, teplo le, thil a hlâwkna um dêr lohai chau naw chu iengkhawm an lo rochung naw a,” hung tîng an tih.

JEREMIA 24:6

An ṭhatna dingin an chungah ka mit inlên ka ta; chuongchun, hi rama ma hin hung ṭhuoi nâwk ka tih; chun, anni chu tungding ka ta, keihnuoi naw ningah; anni chu phun ka ta, phawi naw ningah.

JEREMIA 26:6

chuongchun, hi in hi Silo angah siem ka ta, hi khawpui hi hnuoia hnam po pohai ṭawngse hnâwknaah siem bawk ka tih,” tiin.

JEREMIA 29:1

Tuhin, sal intâng upa la umsunhai le, thiempuhai le, zâwlneihai le, mipui po po Jerusalema inthawka Babulona Nebukadnezzarin sala a ṭhuoihai kuoma zâwlnei Jeremia lekhathawn thuhai chu hienghai hi an nih:

JEREMIA 3:17

Chu pha chun Jerusalem chu Lalpa lalṭhungpha tiin inbûk an ta, hnam po pohai chu chutaka chun kei khâwm nîng an ta, Lalpa hmingin Jerusalema chun, an lungril rilo ngarna ang chun fe khâwm nâwk ta ngai naw ni hai.

JEREMIA 3:19

“Kei chun, ‘hnamhai laia chun sie cheuin, ram inhawitak chu pe cheuin, hnamhai sipai pâwlhai rochan ṭhataka chun sie cheu ka lo lungril hlak a; chun, nangin, Pa, mi hung tîng i ta, i mi zuinaa inthawk hin fe hmang ta naw ti ni’ ka lo ti hlak a.

JEREMIA 31:14

Thiempuhai thlarau chu thâuin sukkhawp ka ta, ka mihai chu ka ṭhatnain tlai an tih, Lalpa chun a tih.

JEREMIA 31:4

Bâwl nâwk ka ti che a, bâwlin um i tih, Aw Israel nunghâk inthieng. Khuong têhai leh inthuom nâwk i ta, hlimna siema lâmtuhai lai chun fe suok i tih.

JEREMIA 32:42

Lalpa chun hieng hin a ti si a: Hi hnam chunga hieng thil ṭha naw nasatakhai po po kân tlungtir ang bawk hin, an chunga hin thil ṭha an kuoma ka tiem tahai po po chu hung intlungtir vêng ka tih.

JEREMIA 33:14

“Ngai ta u, nihai chu a hung tlung, Lalpa chun a tih: Juda sûngkuo chungthua le, Israel sûngkuo chungthua thil ṭha ka hril kha ka thaw ding a nih.

JEREMIA 4:2

chuongchun, nang chun, ‘Lalpa chu a hring zing angin, thudikah, rorêlnaah, felnaah, hnamhai chu amaa chun engthâwl an ta, amaa chun chawimawiin um an tih,’ tiin ṭawng inkhâm i ta.”

JEREMIA 44:8

chuongahai chun in kut sinthawhai chun in mi suklungsen a, in va mikhuolna tiengahai chun Aigupta rama pathien danghai kuoma chun riminhnik dâm in raw a; chuong chu hi hnuoia hnam po pohai laia thusekawk le, ṭawngsephur le, sâtthlâk in ni theina ding chau a ni naw am a nih?

JEREMIA 49:25

Iengtiziea inpâkna khawpui, ka hlimna khawpui hi nghatsana um am a na?

EZEKIEL 26:20

Chun, tienlaia mihai vânsama ṭumhai kuoma chun ṭhuoi ka ti che a, vânsama lo fe thla tahai lai, tienlaia inthawka râusana um tah hmuna hai, leihnuoi hnuoi tieng panga chêng dingin siem ka ti che a; hluo ni ta ngai hrim hrim naw ti ni; chun, mi hring rama chun i ropuina chu sie bawk ta naw ning;

EZEKIEL 36:35

Anni chun, ‘Ram râusana lo um ta hi, Eden huon ang a hung ni nâwk a; khawpui se tah, suksieta um taa râusana um tahai khawm chu hluo an ni tah,’ tîng an tih.

EZEKIEL 39:13

Anih, chu rama mihai po po chun phûm an ta, chawimawia ka um nia chun anni ta ding chun hriet zing tlâk nîng a tih, Lalpa Pathien chun a tih.

HOSEA 3:5

Chu hnunga chun Israel mipuihai chu hnungkîr an ta, Lalpa an Pathien le an laltak David chu zawng an ta; ni nuhnunghaia chun Lalpa le a ṭhatna chu inthin pumin pan an tih.

ZEKARIA 1:17

La khêk nâwk la, sipaihai Lalpa chun hieng hin a tih: Ka khawpuihai chu hausakna leiin hung inzar lien a ta; chun, Lalpa chun, Zion chu la thlamuon nâwk a ta, Jerusalem chu la thlang nâwk a tih,’ ” tiin.

ZEKARIA 12:2

“Ngai ta, a vêla hnamhai po po ta dingin Jerusalem chu inthinna noah siem ka ta, chun, Juda chunga khawm, Jerusalem inhuol nia chun chuong ang chu nîng a tih.

DÂN PAHNINA 30:5

Chun, Lalpa in Pathienin in pi le puhaiin an hluo rama khan ṭhuoi lût nâwk a ti cheu a; hluong in ta, amân sukvângnei a ti cheu a, in pi le puhai khûmin sukpung a ti cheu.