JEREMIA 33:8 - Pathien Lekhabu Inthieng (BSI)

⁸ An suolna po po, ka chunga an lo suksuolnahaia inthawk khan anni chu sukthieng ka ta, an bawsietnahai po po chu ngaidam ka ta, ka chunga an lo suksuolnahai le, ka chunga an lo bawsietnahai chu.

JEREMIA 33:8 ပူးပေါင်းရင်းမြစ်များ

INPÂKNA HLABU 130:4

Nisienlakhawm, i kuomah ngaidamna a um a nih, Ṭiha i um theina dingin.

INPÂKNA HLABU 130:8

Chuongchun, ama chun Israelhai chu, An rîtlona po poa inthawkin sansuok a tih.

INPÂKNA HLABU 51:2

Ka rîtlonahai hi mi sâwpfaipêk var la, Ka suol hi mi sâwpfaipêk rawh.

INPÂKNA HLABU 65:3

Rîtlonahai chun a mi hne hlak dea chu, Kan bawsietnahai po chu nangin sâwpfai i tih.

ISAI 4:2

Chu ni chun Lalpa kâu chu mawitak le ropuitakin um a ta, Israelhai a la damhai ta ding chun hnuoia rahai chu ṭhatak le mawitakin um a tih.

ISAI 44:22

In bawsietnahai chu sûm sâmup sukboin ka sukbo ta a, in suolhai chu sûm sukbo angin ka sukbo ta bawk a; ka kuomah hung kîr nâwk ro, kân tlan ta si cheu a.

ISAI 56:7

anni ngei chu ka tlâng inthienga chun ṭhuoi ka ta, ka ṭawngṭâina inah sukhlim ka tih; pumrawhmanga an thilinhlânhai le an inthâwinahai chu ka maichâma chun lâwmin um a tih; ka in chu mi tinrêng ta dingin ṭawngṭaina in an ti ding a ni si a,” tiin.

JEREMIA 31:34

chun, mi tinin mâni tuolbâwmhai chu inchûktir ta naw ni hai a, mâni unauhai seng leh; “Lalpa chu hre ro,” tiin inchûktir ta naw ni hai, anni a chîn taka inthawka a lien tak chenin kei an mi hriet vawng ta ding a nih, Lalpa chun a tih: an bawsietnahai chu ngaidam ka ta, an suolna khawm hre zing ta naw ning.

JEREMIA 50:20

Chuong niahai chun, chuong pha chun, Lalpa chun a tih: Israel suolna chu zawng nîng a ta, iengkhawm um naw ni; chun, Juda suolna khawm chu hmu ni ta naw ni a; a mahla anga ka hla tahai chu ka ngaidam ding a ni si a.

ṬAP HLA 4:22

Aw Zion naunu, i suolna hremna chu a famkim ta a nih; Sal ninaa chun hrên zing ta naw ni che a, Aw Edom naunu, i rîtlona chu hung hrem a ta; I suolnahai chu hmusuok a tih.

EZEKIEL 36:25

Tui inthieng chu thinkhum ka ti cheu a, inthieng tâng in tih; in inthiengnawna po poa inthawk le in milimhai po poa inthawkin sukthieng ka ti cheu.

EZEKIEL 36:33

“Lalpa Pathien chun hieng hin a tih; In suolnahai po poa inthawka ka sukthieng ni cheu chun, khawpuihai chu hluoa um dingin siem ka ta, hmun se tahai khawm chu bâwl nîng an tih.

JOEL 3:21

Chun, an thisen ka isâwpfai naw chu sâwpfai ka ta, Lalpa chu Ziona chun a chêng zing si a.”

LEVI DÂN 16:30

Hi ni hin, nangni sukthiengna ding cheuin in ta dingin intlanna siem a ni ding a ni si a; chuongchun, Lalpa hmaa chun in suolna po poa inthawk hung inthieng in tih.

ZEKARIA 13:1

“Chu ni chun inthieng nawna le suolnaa dingin, David sûngkuo le Jerusalema chêngtuhai ta dingin tuikhur hawngpêk nîng a tih,”

THUPUONGSUO 1:5

Isu Krista, thu hretu ringumtak, mithi laia inthawka tho hmasatak le hnuoia lalhai rorêltu kuoma inthawk dâm chun, lunginsietna le inremna in kuomah um raw se. A mi hmangai a, a thisenin ei suolhaia inthawkin a mîn tlan suok a,