JEREMIA 33:6 - Pathien Lekhabu Inthieng (BSI)

⁶ Ngai ta u, hrisêlna le sukdamna intlungtir ka ta, anni chu sukdam ka tih; chun, an kuoma chun thudik le thlamuongna tamtak chu suklang bawk ka tih.

JEREMIA 33:6 ပူးပေါင်းရင်းမြစ်များ

INPÂKNA HLABU 147:3

Lungriem ithlâkhai chu a sukdam a, An hliemnahai chu a tuom hlak a.

INPÂKNA HLABU 37:11

Thuhnuoirawlhai ruok chun ram hi hluong an ta, Inremna nasatak chungah lâwm an tih.

INPÂKNA HLABU 67:2

I lampui chu hnuoi chunga mi hriet a ni thei a; I sandamna chu hnam tinrêng laia hriet a ni theina dingin.

INPÂKNA HLABU 72:7

A dam lai chun mi felhai chu inno hlut hlut an ta, Thla um naw hma khat chun, lungmuongna nasatak um a tih.

FESUOKNA 34:6

Lalpa chun a hmatieng a lekhêl a, “Lalpa chu, Lalpa chu Pathien, lainatnaa sip, mi lunginsietthei, lunginsen intak, zângaina le thutak hau,

THUHRILTU 3:3

Sukhlum hun le sukdam hun a um a, Ṭhiek hun le bâwl hun a um a;

ISAI 2:4

Ama chun hnam tin kârah ro rêl a ta, chi tamtak khawm kâwk bawk a tih; chun, an kâwlhnâmhai chu hnuoi inletna hmawr zumahai sut an ta, an feihai chu thei kûng âtbawngna chem inkuoiahai sut an ta, hnam dangin hnam dang chungah kâwlhnâm inlet ta naw ni a, indo dân khawm inchûk ta bawk naw ni hai.

ISAI 30:26

Chu naw khawm chu, Lalpa chun a mihai silna chu a tuom a, an sâtna pawphai chu a sukdam ni chun, thla var chu nisa var tlukin um tâng a ta, nisa var chu a lêt sariin, ni sari sûng var tlukin, um tâng a tih.

ISAI 39:8

Hezekia chun Isai kuomah, “Lalpa thu i hril hi a ṭha ie,” a ta. Ama ma chun, “Ka dam sûng hin remna le thutak a um ding a ni si a,” a ta.

ISAI 54:13

I nauhai po po chu Lalpa inchûktirin um an ta, i nauhai lungmuongna chu nasatak nîng a tih.

ISAI 55:7

mi rilo chun a um dân chu bânsan sienla, mi fel naw chun a ngaituonahai chu bânsan bawk raw se; Lalpa kuomah kîr nâwk raw se; chuongchun, ama chun lo lunginsiet a ta; ei Pathien kuomah kîr nâwk raw se, ama chun a lo ngaidam nasa khawp âwm si a.

ISAI 57:18

A um dânhai chu ka hmu a, ama chu sukdam ka tih; ṭhuoi bawk ka ta, ama le a sûnpuituhai kuomah lungmuongnahai pe nâwk ka tih.

ISAI 57:19

Kei chun hmûrhai ra ka siem hlak a, ‘Inremna, inremna, hlataka um kuoma le hnaitaka um kuoma chun um raw se,’Lalpain a tih, ama chu sukdam ka tih.

ISAI 58:8

“Chu pha chun i var chu zîng nisa suok angin hung suok a ta, i damna ding chu hung inder suok vak a tih; i felna chun i hma ṭhuoi a ta; Lalpa ropuina chu i hnung dâltu nîng a tih.

ISAI 66:12

Lalpa chun hieng ang hin a ti si a, “Ngai ta u, inremna chu vadungpui ang elin a kuom chenin inluongtir ka ta, hnam tin ropuina chu vadungtê a kuong liem dûl dûl angin a kuom tlungin inluongtir bawk ka tih, chuongchun, chu chu nêng in tih; hmathlâk a ti cheu a, a khûp chunga chun inchâwmtir a ti cheu.

JEREMIA 17:14

Aw Lalpa, mi sukdam la, sukdamin um ka tih; mi sandam la, sandamin um ka tih; ka inpâkna chu nang i ni si a.

JEREMIA 29:11

In ta dinga ka remruotnahai chu ka hriet si a, Lalpain a tih, in sietna ding ni lovin in ṭhatna ding le hmatienga beiseina pe ding cheua ka remruotnahai chu.

JEREMIA 3:22

“Hnungtawl thlahai, hung kîr ro; in hnungtawlnahai chu lo sukdampêk ka ti cheu.” “Ngai ta, i kuoma chun kan hung ie, nang chu Lalpa kan Pathien chu i ni si a;

HOSEA 6:1

“Hung ta u, Lalpa kuomah kîr ei tiu, A mi kei nâwi taa chu a mi lo sukdam nâwk ding a ni si a, A mi lo vuok ta nâka chu a mi tuom nâwk ding a ni si a;

HOSEA 7:1

Israel sukdam ka tum leh Ephraim khawhlona a hung inlang a. Samaria rîtlona leh, hlêm an chîng a nih. Sûng tieng inru a hung lût a, Tuol tienga chun suomhmang ruolin an suom si a,

MIKA 4:3

Ama chun chi tamtak kârah ro rêl a ta, hlataka hnam hrâttak khawm chu kâwk a tih; chun, an kâwlhnâmhai chu hnuoi inletna hmawr zumhaiah sut an ta, an feihai chu thei kûng ât bawngna chem inkuoihaiah sut an tih; hnam dangin hnam dang chungah kâwlhnâm inlet ta naw ni a, indo dân khawm inchûk ta naw bawk an tih.

MIKA 7:20

Tienlaia kan puhai kuoma ṭawng i lo inkhâm tah, Jakob kuoma thutak le Abraham kuoma lunginsietna sukpuitling i tih.

MALAKI 4:2

Amiruokchu, nangni ka hming ṭituhai chunga ruok chun felna nisa, a thlahaia sukdamna leh hung suok a ta; chuongchun, fe suok in ta, ran ina bâwngtêhai inhnel angin inhnel tâng in tih.

JOHAN 10:10

Inruhmang chu, inru ding le, sukhlum ding le sukse ding naw chun a hung nawh; kei chu hringna an neina dingin, tamtaka an neina dinga hung ka nih.

EPHESI 6:23

Pa Pathien le Lalpa Isu Krista kuoma inthawka inremna le ringna ṭhang hmangaina unauhai kuoma khan um raw se.

DÂN PAHNINA 32:39

“Kei, keima ngei ka ni hre unla, Pathien dang an um nawh; Ka sukhlum hlak a, ka sukhring bawk hlak; Ka sukhliem hlak a, ka sukdam bawk hlak; Ka kuta inthawka mi lapêk thei hrim hrim an um nawh.

1 PETER 1:3

Ei Lalpa Isu Krista Pathien le Pa chu inpâkin um raw se. Ama chun, a lunginsietna nasatak angin, mithi laia inthawka Isu Krista thonâwkna leiin beiseina hring hmu dingin nauvin a mi nei nâwk a,